16/06/2006, 03:35 PM
|
| زعيــم فعــال | | تاريخ التسجيل: 06/07/2005 المكان: شقراء
مشاركات: 207
| |
| ما كان حسين الصادق من زمان من ضمن قائمة المحللين الرياضيين أو ذوي الثقافة العالية ولا حتى نال أي نصيب من الإعلام والمقابلات الصحفية.
لكن بعد كم مقابلة له في بطولة أسيا ومبارياتنا مع الإتحاد أدركت إن هاللاعب يملك مخزون ثقافي عالي في الرياضة سواء من معرفته للاعبين والفرق أو غير ذلك. أو حتى خارج نطاق الرياضة. ويستحق على هالشي التقدير والإحترام.
بس تفاجأت خلال هالأيام اللي أستضافته فيها العربية كمحلل بأنه يملك أسلوب تحليلي مبدع وبارع بصراحة. وإذا قارناه مع جميع المحللين في الساحة فأنا أصنفه من الأوائل. وأفتخر إن لدينا محلل للمباريات بهذا الحجم في السعودية.
المحللين اللي عندنا ومنهم ماجد ومدني والحربي وغيرهم تنقصهم الكثير من المعلومات مثل أسامي اللاعبين ومراكز لعبهم وطريقة الفريق في اللعب اللي متعود هليها والعوامل اللي أثرت في فوزه أو خسارته وغير ذلك.
بأضرب لكم على سبيل المثال فيصل الدخيل محلل الجزيرة يوم مباراتنا مع كوريا في الدمام ماأكتفى بالتحليل العادي اللي يقدر عليه المشجع البسيط بل راح لأكثر من كذا وذكر عوامل عديدة وأبرزها إنه قال نقطة مهمة وهي إننا يالسعوديين كان بإمكاننا إقامة المباراة في أستاد الملك فهد لكن بسبب كبر الملعب اللي راح يخدم الكوريين بسبب سرعتهم راح يحسم المباراة لصالحهم لذلك قال ان السعوديين إختاروا ملعب الدمام عشان يحدون من سرعة الكوريين ويحشرونهم بضيق الملعب.
حتى حسين الصادق يوم سأله بتال عن سبب تدني مستويات السويد وفرنسا وإنجلترا أجابة بلإشارة إلى نقطة مهمة وهي إن جميع مبارياتهم لعبت في النهار. واللاعب الأوروبي متعود على اللعب في الأجواء المعتدلة إضافة لذلك فلأوكسجين في الجو الحار يكون قليل واللاعب الأوروبي بحكم لياقته وكبر جسمة بسبب عضلاته فإنه مقارنة مع غيره راح يحتاج للأوكسجين أكثر من غيره من اللاعبين وإذا لعب في مثل هالجو فهو أكيد راح يكون عرضة للإختناق والتعب.
مثل هالنقاط المهمة هي اللي راح توضح المحلل الجيد من المحلل الضعيف. أما الكلام العادي عن خطة الفريق والتشكيلة الأساسية وغيره. فالكل راح يكون له رأي فيها وماراح يتفق عليها أحد. لكن هالأراء هي اللي تغيب عن بال الجميع ويكتشفها المحلل الجيد ولا أحد يقدر يعارضها. |
الوضع المتطور
