هذا منتخب بالله - نادي الهلال السعودي - شبكة الزعيم

يوسف15يوسف · #1 14/06/2006, 07:44 PM

ياخي والله شي يرفع الضغط ( نور - تكر - الغامدي - كريري) يلعبون و ( سامي والشلهوب والخثران ) احتياط .. والله العظيم مو تعصب لاني هلالي ولا شي لكن ياخي هم الافضل ولا انا غلطان ؟؟ حتى الدعيع المفروض يلعب بصراحه ... والله قاعد اشوفها من بريطانيا والمعلق حش باللاعبين :sad: قهرني

الهـ محمد ـلالي · #2 14/06/2006, 07:50 PM

أقسم بالله موضوع يستحق التثبيت

إلا الدعيع مبروك زايد أفضل

يسلم راسك · #3 14/06/2006, 07:51 PM

الله يستر

الكيبل · #4 14/06/2006, 07:54 PM

بصراحه يوم شفت المشلهب بالاحتياط حسيت باحباط

خط الوسط ظايع ومن غير الشلهوب ماهوب نافع

Ghosty · #5 14/06/2006, 08:00 PM

يارجال انا اتابعها في امريكا والمعلق قاعد يقول المنتخب السعودي تطور كثير قدر يحافظ على فارق هدف خلال الشوط الأول

لكن السؤال ليه مايقشعون نور ويحطون سامي !!!!!

ليفربولي · #6 14/06/2006, 08:16 PM

انت في امريكا؟

اقول كيف التعليق الخايس؟

انت كنت تفهم اسباني حط قناة رقم 31 تعليق احمس من espn

الكيبل · #7 14/06/2006, 08:57 PM

هجوم الهلال يتعب ودفاع الاتي ينكب

بس ماانسى النجم محمد امين لكن هاردلك فوز مستحق وضاع

محمد 222 · #8 14/06/2006, 09:07 PM

اقسم بالله اني اتفرررج وانا مقهوووووور يعني لاعب لو ماكان موجود في التصفيات ماكنا تأهلان اللي هو محمد الشلهوب

بصراحة المدرب ماادري وش فيه

واللي قهرني اكثر انه في الشوط الثاني مانزله نزل محمد امين

اها بس اها يابو حميد فضايلك على المنتخب كثير

مااقول الا حسبي الله ونعم الوكيل

هلالية موووت · #9 14/06/2006, 09:16 PM

[CENTER]من جد تشكيلة تحرق الدم باكيتا ماأدري من ايش خايف
أهم شي مستوى راااااااااااااااائع في الشوط الثاني
والتعادل ظلم لنا تونس جابت الهدف على طبق من هدف ....[/CENTER]

الـرايـــق · #10 14/06/2006, 09:16 PM

صحيح كانت فيه اخطاء بس مو لها الدرجه
ومع احترامي الشديد لك وللي وافقوك الراي بس عبدالغني ادى اليوم اداء
ما اتوقع الخثران يقدر يائديه
وزايد ايضا كان لاباس به كل الاهداف اللي دخلت سوء تغطيه من الدفاع وخاصة تكر
ولو ايضا تدقق بالمباراة وتقولي وش سوا التمياط غير قتل اللعب اتمنى انه يراجع نفسه
لان نواف اليوم غير نواف اللي حنا نعرفه
بالتوفيق للاخضر في مبارياته القادمه وانشا الله تتصحح الاخطاء في مباراة اوكرانيا
واشكرك على الموضوع

هلالية موووت · #11 14/06/2006, 09:19 PM

من جد تشكيلة ترفع الضغط ماأدري باكيتا من إيش خايف

بس الحمدالله إنه تحرك ودخل سامي

المهم قدمنا مستوى رااااااااااااااائع ونستاهل عليه الفوز

وتونس جابت الهدف على طبق من ذهب

والتعادل خسارة كبييييرة لنا .....

بالتوفيق في المباريات الجاية ان شاءالله ......

الكناري الأزرق · #12 14/06/2006, 09:23 PM

المنتخب ما قصر و شفتوا المستوى..!..

تكر و حسين أحسن لاعبين بالمباراة..!..

و انت تقول تكر ما ينفع..!...

و ما نقول غير الحمد لله المنتخب بعدع تبديع..!..

و بالنسبة للثلث الأول من المباراة اكيد الكل لاحظ سيطرت تونس و هذا بسبة ارتباك اللاعبين السعوديين و الباقي كانوا ممتازين..!..

أكرر الحمد لله

و الله يوفق منتخبنا في المباريات القادمة و ان شاء الله يقدم مستوى مقرون بالفوز

تحياتي

,,

هلالية موووت · #13 14/06/2006, 09:27 PM

كويس يالرايق إنك ذكرتني بنواف

نواف كان يلعب لنفسه فقــــط

كان له طموحات شخصية فقط لاغير والله اعلم بالنيات

شوفوا الفرق بينه وبين روح سامي اللي عروقه طلعت لماجاته الهجمه لعبها بروحه ودمه وحماس عبد الغني وحماس ياسر

وحتى نور اللي قلنا وقلنا عنه لكنه وطني أكثر من نواف

ليش ليش ليش يانواف

وأتمنى محبين نواف لايكونوا زي عادتهم مدح وبس وهو مو قد المدح يكونوا مره وحده على الأقل ناصفين

الاعصار الاسيوي · #14 14/06/2006, 09:32 PM

لا تعليق

007BMW · #15 14/06/2006, 09:33 PM

روووووووووووووووووووووووووووووووح بس يااخي

معليش انااااا هلالي هلالي

لكن تكر كريري نوررر اسمحلي هذول احسن من الخثراان والغامدي بالله ايش تبي الحق حق معليش ياخي