السلام عليكم يا اعضاء الزعيم ,, <<< اقروا الموضوع ولا تقعدون تقولون فلسفة
يلا اقروا وعطوني رايكم
صراحة انا لاحظت آخر الايام انو ياسر القحطاني ما يملك الثقة اللازمة في منطقة الجزاء ,, الثقة اللي تأهله انو يكون مهاجم ممتاز
يعني صراحة اول ما تجيه الكورة يتوتر ويشوتها في اي مكان ويظيع الفرصة في احراز هدف مؤكد ,, ولو كانت فرصة او فرصتين كان ما قلت شي بس هي فررررص كثييير
ولا حظت انو لمن يدخل سامي الاقي ياسر يبدا يضبط في هجمات مرة حلوة وخطرة من برى منطقة الجزاء مو برى منطقه الجزاء بكثير يعني قريب يعني كأنه يلعب خلف مهاجم ,, ومن بعدها جتني فكرة ويا ليتني مدربة علشان اسويها
نلاحظ انو سعد الحارثي يملك الثقة الهجومية العالية اللي ما يملكها ياسر ويقدر يضبط الكورة ويحطها صح بحيث يا تصير قول او على الاقل تسبب خطورة وارباك للخصم ,, يعني سعد مهاجم جريء يحسن استخدام الفرص في منطقة الجزاء وما يمكنه انو يلعب سوى كمهاجم ..
اما ياسر يقدر يضبط كور ويخترق دفاع الخصم من اليمين والشمال يعني اشوفه مرة خطر ومكسب لو لعب خلف مهاجم ,,
فايش رايكم بفكرتي لو يلعب سعد مهاجم ويصير ياسر خلف سعد وبالتالي بنشوف اهداف من سعد وكمان اهداف من ياسر ,, وخصوصا انو ياسر امهر واحد في كسب ضربات الجزاء وسعد عندي انو مهاجم خطرررر جدا فاثنينهم لا يمكن ان نفرط فيهم في المباريات
بتقولون لي ليه ما يلعبون كلهم كمهاجمين مدامهم ماهرين ,, بقولكم انو ياسر ما حتكون استفادتنا منه لو صار مهاجم بنفس قدر استفادتنا منه لو كان خلف المهاجم ,, لانه ياسر يملك مهارات في الاختراق والتسحيب لا يملكها غيره واكبر دليل البلنتيات اللي يكسبها وهاذي المهارات تأهله يكون خلف سعد ..
والسبب الثاني
انه ما حيصير اللعب خطر لو صاروا اثنينهم مهاجمين لانو اذا صاروا اثنينهم مهاجمين نواف ونور بيرجعون وما حيأدون نزعتهم الهجومية اللي عهدناها <<< ترى ما اعرف يعني ايش نزعتهم بس قصدي تظبيطهم للهجمات
الموهم وش رايكم في فكرتي ؟؟؟