يلعب الزعيم يوم الخميس لقاءه الهام ضد فريق الاتحاد في الرياض ... ولاننسى دور الأرض في حسم اللقاء .. متعود على الارضيه .. جمهور خلفك .. عدم السفر .. كل هذه الظروف مجيره لصالح الزعيم وعليه الاستفاده منهـا لحسم اللقاء والتأهل لنهائي الكأس ...
جمهور الهلال متعطش للحضور فرغم انطلاق الدوري منذ فتره لم يتجاوب الجمهور في الحضور ويعود ذلك لعدم تواجد النجوم و المستوى العادي للفريق ، ولكن موعد دور نصف النهائي اعتقد الجمهور متعطش لرؤية و مؤازرة الفريق الهلالي بكل حراره و ( الوعد يوم الخميس ) ...

نلاحظ في أداء الهلالي توازن في خط الدفاع .. خط الوسط ليس بذاك المصدر لتوزيع الهجمات .. خبره قليله .. عدم تواجد صانع العاب !
هجوم الهلال نوعا ما جيد بتواجد الجمعان ولاأعلم هل سوف يشارك آرثر ادميلسون منذ البدايه ؟؟ ام سوف يشرك الحسين العلي ( البارد ) !

احتياط الهلال جيد يوجد به اكثر من لاعب واعد ولكن يفتقدون للخـبره في مثل هذه المباريات ...

الاتحاد دائما مايرتبك مدافعيه اذا توالت علهيم الكرات العرضيه ولذلك لابد استغـلال هذه الثغه المتواجده في صفوفهم ...


** النصر يلعب غدا مباراته مع الاهلي والحمد لله ان المباراة منقوله وسنشاهد اولى الفضائح التحكميمه ومن سوف يكون بطلها ؟
** تم معرفة اللاعب الشبيه بالاصلي وتم ترحيله وتوضيح ذلك للجمهور .. افضل من يحضر لاعب عالمي و يتم التصوير معه ومن غدا يتم توزيع بيان بانهم اختلافوا حول قيمة العقــد !! قمة الضحك والاستخفاف بالجمهور !!
** لن نحزن لو لا سمح الله لو خسرنا الكأس فافريق يغيب عنه 7 دوليين بالاضافه الى نواف و يوسف وايقاف الكاتو . بمعنى يغيب عن الهلال 10 لاعبين اساسين ..ومع ذلك أن شاء الله سوف يحقق الكأس للمره السادسه .


تحياتي

اخوي الغالي العالمي :


ما اتوقع ان الجمهور الهلالي يحتاج لدعوه لمساندته يوم الخميس بأذن الله ملعب الامير فيصل بيمتلي وتكون هذه اول بطوله لنا انشاءالله ،،،


اخوي العالمي ما قلت لي وين بتكون موجود فيه اي درجه الا ولى والا الثانيه ;) ;)




وسلامتك ،،،

تحياتي ,,,
هلا بالعالمي ,,,

لابد وان يحظر جمهور الهلال المباراه فهذه اولى البطولات في هذا الموسم

وشحذ همم اللاعبين يحتاج لكثافه جماهيريه ,,,

لاعبي الهلال الموجودين فيهم الخير والبركه وان شاء الله وبدعم جمهورهم الكبير

سيجعلون من نقصهم ( عناصريا ) قوه وقوه رهيبه ,,,

بوجود الشريده في الدفاع , وخميس في الوسط والجمعان في الهجوم سيختفي النقص.


صدقني بعودة لاعبي المنتخب وبعودة نواف ويوسف ان الهلال ماهو بحاجة لاعبين

اجانب ابدا لامزور ولااصلي ,,,

تحياتي ,,,
العوّاااام ,,,

همتكم ياجماهير الرياض لمساندة الزعيم

هلا اخوي هاجس .. ان شاء الله يكون الجمهور في موعـده و يلعب دوره في حسم اللقاء .. والوعد فوق !!

هلا اخوي ابو العواميم ... والله معك انا برجعة الدولين لانحتاج الى اي اجنبي ولكن متى سوف يعودون ؟ بعد التصفيات .. كأس الخليج .. وبعدها كأس العرب .. بمعنى لاعبي المنتخب راح يغيبون بشكل شبه نهائي هذا الموسم باستثناء المربع الذهبـي ...

هلا اخوي نواف ...شكرا على دك ، وثق ثقه تامه بأن جمهور الهلال لن يخذل زعيمنا ابدا ..

بصراحه الجمهور الهلالي ستكون له البصمه الواضحه في تاهل الهلال الى

النهائي ، بحضوره ومساندة الفعاله للفريق ..

بس الخوف والله من الاعبين الي مافي روسهم لعب ولا مستوى ، والمشكله

الثانيه هي غموض اللاعب البرازيلي ادملسون ..

الخساره الهلاليه بعد غد هي غياب العمودي ..

تحية معطرة للجميع أتمنى للزعيم التوفيق في مباراة نصف النهائي أمام الأتحاد ، وأن شاء الله بقذيفة رائعة مدومة تمزق شباك الأتحاد من عبدالله الجمعان ...
ولكن حسب ما سمعت هذا اليوم أن المباراة تأجلت إلى يوم الأحد حتى لا ينشغلوا عن مباراة المنتخب والله أعلم



والجمهور ما ينخاف عليه بإذن الله وأن شاء الله يبضون الوجه والتأهل إلى المباراة النهائية بإذن الله تعالى ...



اختلفت الحروف مع بعضها إلا أنها استطاعت
ان ترسم كلمة واحدة إلا وهي الزعيم نسجتها
من أرض الفن وطرزتها بخيوط الإبداع وسقتها
من رحيق الكؤوس ....


يا هلال نادتك البطولة ولبيك تستاهل الأمجاد مجدا ورا مجد .

كيف حالكم جميعا؟
أشكرك على هذا النداء يالعالمي وكنت أتمنى أني من سكان الرياض لكي أكون أول الحاضرين لمؤازرة الزعيم في مشواره المقبل مع اني والله خايف من مشكلة نقص اللاعبين الدوليين والاصابات بس ان شاء الله الموجودين فيهم الخير والبركة ...
ولكن عندي تساؤل :من تقصد باللاعب الشبيه بالأصلي ؟
وأشكرك مرة أخرى ......والى لقاء آخر.

هلا اخوي العالمي:

سنكون مه الهلال قلبا وقالبا انشاءالله

والحصول على هذي البطولة مهم ليكون دافع للموسم الحالي لتحقيق المزيد من الانجازات ويدوم الفرح انشالله

تحياتي.

العالمي شكرا بس ابشرك المباريات تاجلو
انا ابي اعرف ليش اجلوها يعني لازم نروح المدرسة واحنا مو مذاكرين افففف



اختكم المحبة الى الهلال :
redheart
للتواصل:
[email protected]

مــــــــــــــــــالــــــــــــها الا هـــــــــــــــــــلا لــــــــــهـــــــــــــا ;) ;)

;) ;) بأذن الله ;) ;)

الحنشاوي الزعماوي ... بتعاون الجميع و تواجد الجمهو الازرق صدقني راح يقدم نجوم الهـلال كل مالديهم لارضاء هذه الجماهير الكبيـره ، وادميلسون ان شاء الله يقدم لنا المستوى الحقيقي له ..

عاشق الزعيم الهلالي .. قذيفه جمعانيه ولا بكتف المسعري .. اهم شيء الفـوز والتأهل للمباراة النهائيه وتحقيق الكأس .. ونعم تأجلت للأحد بسبب المنتخب وجيد للهلال بالاهتمام بالمصابين وعودتهم اكثر قوه ..

ســــــ 6 ــــــام .. جمهور الهلال المتواجد بالرياض كبير وسوف يكون مع الهلال قلبا وقالبا ، ولاتحرمنا من دعائكم للهلال بالتوفيق .. الشبيه بالاصلي .. مارتنيز ،،

الازرق بعيون خضراء .. ان شاء الله تكون فاتحة خير هذا الموسم وبداية خير لتحقيق مزيدا من البطولات في المرحله القادمه ...

redheart .. التأجيل كان من صالح المنتخب الذي لابد ان نكون معه حتى لو كان على حساب انديتنا .. وعندك الربوع والخميس سوي معسكر بغرفتك واجلسي ذاكري !!

F.M .. الله يسمع منك ،،

شكرا يا العالمي على النصيحة بس يعني صعبة اني اذاكر في الاربعاء والخميس والله صعبة بس عشان خاطر المنتخب والهلال نطنش المذاكرة وحتى لو خذينا المركز الاخير في المدرسة برضوا كل شي يرخص عشان عيون الزعيم..


ولا تخاف والله انو لو انا في ثالث ثنوي وعندي امتحان نهائي والله انو قلبي بيعورني اذا كان في مبارة للهلال وانا قاعدة اذاكر واكرف في الكتب..


مع احلى تحية الى كل هلالي ..
ونداء خاص مني الى عبدالله الجمعان :
ارجوك عبووووود{هذا اسم الدلع بس لا اروح في داهية من مرتة}احمم المهم خلينا نشوف 3 واذا اكثر يكون احسن من تحت قدمك الفولاذية مثل اللي هزت شبك الاتفاق .

والى ابو شنب احلى تحية وابي اقولة يعني ما اعتقد انو جيبة فاضي يعني اذا ماعندة فلوس يحلق شنبة يجي وانا بالمجان ..هههههههه

سوري اذا مصختها..
اختكم المحبة للهلال ولمشتاقة للبطولات redheart
للتواصل:
[email protected]

الاخ / العالمى ،،،،،،


تحياتى لك ولجميع الاعضاء الكرام


اول شى احب ان اذكرك الزعيم لعب فى كأس الصداقه بلاعبين كلهم
شباب وذلك امام نادي الاهلي المصرى وحققنا الكأس بدون لاعبين المنتخب والخبره
وذلك بحماس الشباب وان شاء الله يحققون الفوز على الاتحاد وتحقيق الكاس

وثانى شى انا جأأأأأأأأأأأأأأأأأي للرياض يوم الجمعه مش السبت ولا الاحد عشان احضر المباراه انت آمر بس والزعيم بعد والف شكر لك



الازرق الشروقاي