11/04/2006, 02:18 AM
|
| زعيــم متواصــل | | تاريخ التسجيل: 09/01/2006 المكان: الارشـــيـــف,,,
مشاركات: 78
| |
| حسبي الله ونعم الوكيل
اتمنى ان ينال المخطى اشد عقاب لاننا ماوصلنا لمثل هذي الحالات الا من بعض العسكر اللي مايفهمون للاسف
اقسم بالله في مباراة الهلال والشباب الدور الاول اللي حكمها المرداس بعد المباراة بعض الجماهير رجمت الحكم وجا رجال الشرطة وضربو كل الموجودين بالاصح القريبين منهم واللي كانو تحت بما فيهم رجال كبار بالسن والضحية واحد كان يبي يدخل من عند الشبك اللي تحت عشان اخوة رجل الخط طبعا الكل يسال كيف عرفت ؟؟ تجيكم السالفة بعد ماتفرق الناس انا كنت في المدرج العلوي وبنزل تحت لان البوابات اللي فوق زحمة واشوف ذاك المسكين اللي اقسم بالله ان اللي ماسكينة 4من العسكر ويضربونة ضرب اللي اقسم بالله لو هو كافر ماضربتة هالضرب لانهم كانو يضربن بالعصا الهراوة اللي دائما مع العسكر انا من باب غيرة نزلت وفكيت الولد جا بعض العسكر يبي يمد ايدة بس طلعت بطاقتي وانا ضابط قلت اللي يبي يمد ايدة راح اكتب فية لاني عرفت بنفسي وانا اصلا راح انزل معكم اوضح للضابط المسؤل لان هذي مهزلة ولاراح اسكت عنها المهم نزلنا وجا العسكري المسؤل عنهم وهو رقيب وقلت لة الوضع كذا وكذا وانا ابغى الضابط المسؤل عشان ابلغة قال طيب ناديت العسكر اللي ضربو الولد قلت لهم ان الضرب مو بالطريقة هذي والمفروض انكم تخوفون الناس ما تكسرونهم قال واحد منهم ليش هو يحذف على الحكم وانا شايفة بعيني ولا ليش اتبلاة بين هالخلق قال الولد وشلون احذف واخوي واحد من الحكام معقول واحد يحذف اخوة بس انتم شفتوني تحت عند الباب وتحب اني ارجم وانا كنت ابي ادخل مع اخوي عشان ارجع معة للبيت والمصيبة بعد ما جا الحكم وتاكدنا انة فعلا اخو الرجال العسكري يقول ابد انا شايفة بعيني المهم جا الضابط المسؤل للاسف نقيب ما قال الا كلمة وحدة اذا انت يقصد الولد والعسكر اللي ضربوة تبي تنازلون عن بعض ولا اوديكم للقسم وانت يعني الولد راح اعرف شغلي معك في القسم ؟؟؟؟؟؟؟؟
الكلام هذا كلة قدامي والله لم يروية لي احد ....ايش نتوقع من عسكر يلقون من يشجعهم على خطاهم ؟؟ |
الوضع المتطور
