وش تعليقكم على هالصورة :
أخوي راكان
في وجه نظري ان جيلا و بيروتا كانوا الأسواء في ايطاليا .. ومن محاسن الصدف فيهم ان اثنينهم ضيعوا هدفين محققين !
انا اعرف امكانيات بيروتا ودوره التكتيكي ولو لاحظت اني قلت من قبل في هالرابطة بيروتا ولا بيرلو ! لأن بيرلو كان سيىء في الفترة الأخيرة .. لكن أمس كان مبدع وبإنتظار المزيد منه
* لما شفت توتي بداية المباراه اندهشت !! وما اعتقد في احد في العالم اندهش على حلقه توتي زيي
قصة طويلة عن هالحلقة ومن المفارقات الغريبة!
قصتي مع حلقه توتي :
انا شعري أطولمن شعر كاكا بشوي قبل لا يقصه آخر مره .. وأحلق في حلاق تركي ويشجع برشلونة والبرازيل .. ويدري عني اني ميلاني واحب كاكا
امس رايح الحلاق وفي بالي اغير في قصه شعري ولما رحت قال لي الحلاق سويه زي قصه كاكا الجديدة .. قلت له توكل على الله .. يمون كاكا
وهوه يحلق كان يسخر علينا يالعرب والتشفير .. وانهم هم يشاهدون كأس العالم مجان << والله ما كان لي عين ارد عليه .. قلت له نيالكم ;)
يقولي كأس العالم برازيلي واذا ما اخدته اللي اني احلق عنده لمده 6شهور مجان << اصلا هوه نصاب لأنه يدري ان حتى لو ايطاليا اخدتها انا ما باكون موجود هنا بعد شهر
المهم انه خلص .. وحسيت ان الحلقة مو لابقه عليي .. قلت له خفف منه شوي وسويه سبايكي .. فصار قريب من حلقه توتي << بس احلى
لما شفت توتي انصدمت واخويي الصغير يطالع فيي ويقول لي شكلك شايفه من قبل وتبي تقلده .. قلت له صدقني ما ادري عنه .. وبعد المباراه رحت المطار اودع صاحبي بيسافر وصار لي مواقف كثيرة والمشكلة اني كنت لابس بلوزة مكتوب فيها ايطاليا !
* بنت اجنبيه عمرها تقريبا 20 سنة .. تقولي فورزا ايطاليا فورزا توتي .. انا حزتها انفجعت
<< صدقت نفسي اني توتي صدق
* واحد سعودي جالس جنبي يقولي مبروك فوز ايطاليا وشكلك متيم بحبهم حتى انك تقلد على حلقة توتي بهالسرعة .
* لبناني كل شوي يقول توتي ويغاور .. انا طنشت به
* مرأه كويتيه كبيره تقولي انت سعودي ؟ قلت لها ايه .. قال لي طيب ليه ما تقلد على ياسر القحطاني بدل توتي تراه احسن منه ! اقول لها انا مانا مقلد على توتي .. تقول كل هذا ومو مقلد عليه حتى انك لابس بلوزه مكتوب فيها ايطاليا !
* وأصحابي كلهم اللي شفتهم في المطار علقوا على هالشيء .. واثنين منهم قرروا انهم اليوم يحلقوا زيي
يوم لا ينسى في حياتي .. يوم عشت فيه على اني توتي .. احساس غريب .. !! بس جد روعة الموقف !
الوضع المتطور
