صفحة الاسئلة والمعلومات - نادي الهلال السعودي - شبكة الزعيم

مجـــود · #1 09/04/2006, 11:29 AM

السلام عليكم و رحمة الله

تحية وتقدير للمشرف سلام يا هلال

هذي الصفحة للمبتدئين أمثالي حبيت أضيفها حتى لا يستحي اي عضو ويسأل عن ما يشاء

ولا تخافون عندنا أعضاء مميزين راح يجاوبون عن اي استفسار او معلومة

راح ابتدي انا

ســـــؤالي

كيف اعرف عدد الاسهم المعروضة من الشركات؟

السؤال واضح اعتقد

طيب امممممم انا بشتري عدد 200 سهم باحد الشركات بس المشكلة عدد الاسهم المعروضة 100 بس

بالحالة هذي كيف تتم العملية هل يشتري لي 100 سهم او يرفض الطلب

وشكرا مقدما

Mr.GoaL · #2 09/04/2006, 11:36 AM

إقتباس


	كيف اعرف عدد الاسهم المعروضة من الشركات؟

استخدم احد البرامج التي تعرض الاسهم مباشرة وهي برامج مدفوعه كمباشر ومباشر برو والمؤشر وغيرها

إقتباس


	طيب امممممم انا بشتري عدد 200 سهم باحد الشركات بس المشكلة عدد الاسهم المعروضة 100 بس بالحالة هذي كيف تتم العملية هل يشتري لي 100 سهم او يرفض الطلب

طبعا ينفذ لك الامر جزئيا ويشتري لك الكميه الموجوده ومتى ماعرضت كميه اخرى اشتراها لك لين ينفذ لك الامر كامل

مجـــود · #3 09/04/2006, 11:57 AM

والله انك (( كــفــــو ))

الله يوفقك و يرزقك الحلال الطيب

طيب ملاحظة

اذا كان عدد العروض 0 يعني مافيه ولا سهم معروض للبيع

ماهي افضل طريقة لشراء هل هو تقديم طلب على سعر النسبة للاعلى؟

Mr.GoaL · #4 09/04/2006, 12:35 PM

طبعا اذا كانت العروض صفر فهذا يعني ان السهم وصل النسبه العليا وتم سحب جميع العروض وفي هذه الحاله لايمكنك الشراء ابدا الا في اليوم التالي او ان السهم تبدا عليه العروض مرة اخرى ويفك النسبه