|
العنبـــر .. ادخل لتعرف سبب هبوط مستواه (خبر أكيد) اولا السلام عليكم ورحمة الله وبركاته طبعا كلنا لاحظنا هبوط مستوى اللاعب المتألق محمد العنبر في الفتره الاخيره أو بالأصح الست مباريات الاخيره .. وكثير منكم سب اللاعب وجرح فيه .. وعطاه حقه وأكثر .. انا معكم اللاعب مستواه هابط .. لكن ما فكرتوا زين وش السبب من يذكر عنبر باكيتا !!! أمام القادسيه ؟؟؟ من يذكر عنبر كالديرون !!! أمام كوريا ؟؟؟ وما ادراك ما العنبر في هالمباراة ؟؟ من يذكر عنبر اليكساندر !! وبطولة فيصل بن فهد .. بعد أن اخذ الهداف في 4 مباريات فقط !! ما فكرتوا ليش هبط مستواه المشكله ما هي بالعنبر نفسه .. العنبر لاعب ممتاز ويملك مقومات اللاعب الناجح وبقوووه لكن لازم تحطه في المكان الصح .. لازم توظفه بالطريقة المناسبه المدرب كاندينيو هو من حطم ( عنبردينهو ) .. ما يحطه في مكانه الصحيح وشفناه قدام النصر وقدام الاتحاد كيف كان يجنح في أحد اكثر من فرصه .. العنبر مهاجم صريح .. خله حول منطة الجزاء وتشوفون العنبر وراح تتذكرون كلامي .. السبب الاول والاخير هو المدرب .. وأكيد تأثير الاصابات المتواصله واخيرا الله يوفق محمد ويعطيه العافيه ونشوف عنبرنا مثل ما عهدناه .. والسلام ختام |
المدرب الفاشل سبب نكسة الفريق بهذا المدرب راح نخسر جميع اللاعبين |
صدقت ياخوي عبودي والله نفس كلامي اللي قلته في موضوع رساله خاصه لكل عضو تسلم على هالكلام اللي يوضح اشياء كثيره للي يهاجمون دون البحث عن الاسباب |
مشكوور اخووي وكلامك صحيح العنبر كاان غير |
كلام صحيح بس مهو العنبر لحاله اللي هابط مستواه الفريق كله هابط مستواه بسبب كندنيو اللي ماعرف يوظف امكانات اللاعبين بشكل صحيح (( الله يستر يوم الإربعاء)) |
يارجال كندينيو فاشل والعنبر افشل منه |
يقولون من بعد ما جاء انفلونزا الطيور للصقور تإثر مستواه :D :D :D |
كل لاعب يحتاج للتوضيف الصحيح واتمنى ان ننصف هذا اللاعب الذي لم يعطى المكان المناسب وانا اقول ان كالديرون هو من اعطى الدفعة القوية للعنبر واتمنى ان يرحل هذا المدرب قاتل المواهب ومحطم النجوم |
ومسميه(عنبردينهو)الله يخلف عليك |
يا رجال والله فاااااااااااااشل العنبر وعاهه على الهلال أخذ خانه على الفاضي سجل بالقادسيه وبكوريا خلاااص والله قهر يوم اشوف ياسر بالاحتياط والعنبر يتمشى بأرض الملعب |
جبتها يا الذيب .. |
صدقت ياخوي عبودي والله نفس كلامي اللي قلته في موضوع رساله خاصه لكل عضو تسلم على هالكلام اللي يوضح اشياء كثيره للي يهاجمون دون البحث عن الاسباب |
العنبر ذبحته الاصابات |
مشكلة العنبر نقص الخبره . و مشكلته الاخرى في عدم تأقلمه مع الفريق فكل مبارة يلعب مع مجموعه جديده ، فمره يلعب بجوار ياسر ومره بجوار سامي ومره بجوار الجمعان (امام الوحده) ، ومره الوسط جوفاني مع كماتشو ومره اخرى يكون فهد المبارك و اخيراً نواف و في المنتخب نواف و نور . وكل هؤلاء لعب معهم في فترة شهر تقريباً . اما اللعب على الاطراف فللعنبر القدره على ذلك فقد شاهدناه امام الاهلي في كاس الاتحاد لعب على الطرف و له رفعه رائعه على راس ياسر ،ولكن يبقى العمق هو المكان الافضل للاعب خصوصاً وهو يملك ضربات رأسيه رائعه يجب استغلالها . بالنسبه لكلامك عن المدرب فأنا اتفق معك في عدم استفادته من العنبر فقبل خروج العنبر كان الفريق يميل للهجوم من الطرف اليمين فقط ، و بعد خروجه بدا الفريق يلعب على الرفع لداخل منطقة الجزاء( باستثناء الكرة التي رفعت للعنبر ووضعها برأسه انفراده لياسر) ، خصوصا ً بعد ان توازن الفريق الغامدي من اليمين كماتشو من العمق و الشلهوب من اليسار فهذا كان افضل وقت لمشاركة العنبر بدلاً من اشراكه من بداية المبارة عندما كان يلعب باسلوب يتناسب مع ياسر و الصويلح اكثر من العنبر . |
صدقوني مشكلة العنبر هي الغرور أنا ملاحظ ان مستواه انخفض بعد هدف كوريا (حتى في كأس فيصل) لا تحملون كاندينو المسؤلية لأن العنبر مو العنبر اللي نعرفه الموسم الماضي حتى في اخر أيام باكيتا |
مكانه المناسب....؟ كوره مقشره قدام الباب ويضيعها..هذا دليل على انا الاعب ماهو مهتم او انه مشغول تفكيره يعني مالها علاقه بالمكان.. لكن ما نقول الا الله يوفق الزعيم بوجود العنبر او غيابه |
والله احــسن اســكت لأان اشــوف كـل واحـد مـطعلي عــذر.... |
والله ان العنبر ماشاف النجاااااااح ولا يدري وين دربه ....... |
غيييييييييييييييييييييييير مقنع كلامك |
لاتعليق. |
صحيح المدرب للحين مااوضع الاعب الصحيح في المكان الصحيح له ولنجوميته بس العنبر قدام الاتحاد ضيع هدف لايضيع وفي مباراه مثل هذي الله يوفق الجميع |
إقتباس:
والله إني خايف من يوم الأربعاء وعلى أيام باكيتا كنت واثق من تحقيق البطولة الآسيوية أما الآن 000 الله يستر بس |
صدقت ياخوي عبودي والله نفس كلامي اللي قلته في موضوع رساله خاصه لكل عضو تسلم على هالكلام اللي يوضح اشياء كثيره للي يهاجمون دون البحث عن الاسباب |
والله العنبر ممتاز بس الحين مدري وش جاة يمكن هل المدرب الله لايعطيه العافية مدرب مفلس فااااااااااشل ارررررررررررحل ياكندنيو الله لايعيدك يسلمووووووو |
يعني العنبر .. نقوله طق خيمه عند الباب وانتظر لمين تجيك الكوره ما صار لا عب ومهاجم .. صار .. موقع جديد .. ولا هذا هو ما يطلق عليه مهاجم يا عزيزي .. تكلم بواقعيه .. |
أتفق معك في كل كلمــــة قلتها السبب المدرب ثم الاصابات .. العنبر في وجهة نظري يأتي افضل مهاجــم سعودي حاليـــاً السبب لاعب من هالنوع افتقده الدوري بصفه عامــة ، لاعب طويل القامـــة وجيد في ضربات الرأس و هداف وزي ماذكرت اخوي هداف داخل المنطقة وهذا اللي يحتاجه المنتخب السعودي والهلال اذا ماوضع في مكانه الصحيـــح . يذكرني العنبــــر بلاعب المنتخب الكويتي واللي احترف في الهلال جاســــم الهويدي نفس المواصفات ، خلنا نتكلم عنه في المنتخب الكويتي كان هو المهاجم الوحيـــد وكان بشار عبدالله يا على الأطرف او خلفـــه ويحضرله مع طبعا لاعبي الوسط ماتشالا هذيك الفترة استغل امكانيات جاسم الهويدي ووضعه في مكان المناسب وصار هداف المنتخب الكويتي وهدافـ العــالـمـ هذيك الفترة واخذها بجداره .. |
كلامك صحيح والله يعطيك العافيه |
نبى مدرب جديد |
يا رجال أنا من أول ما شفت العنبر ما كنت مقتنع في مع أنه يجيب أهداف لكن ما أدري ليش يلعب من أول المباراة |
والله صدقت يالغالي.... لكن من تكلم....!! في ناس ماتستاهل تبدي لهم رأيك لان ماعندهم الا كلمة(فاشل).... المشكلة اللي يشوفهم يقول ان العنبر صاير اساسي على حساب هنري....!! ترى الحال من بعضه .. لكن الحقد والغل على اللاعب عامل عمايله فيهم....!! "سر ياعنبر وحنا معك حتى ترجع لمستواك واللي مو عاجبه يشرب من البحر" حنا مع كل اللاعبين لكن بعض الاعضاء يسعون للتفرقة .. ولكن حامض على بوزهم....!! |
اخوي هاو ايفر (( ترى الحال من بعضه .. لكن الحقد والغل على اللاعب عامل عمايله فيهم....!!)) يابوي نحقد على مين ؟؟؟ على برج جوال ؟؟ ما شاء الله تسمع بالحقد انت ؟؟ حنا هلاليين وهاللاعب غبي ما يصلح للهلال ... ليش ما حقدنا على سامي ولا على يوسف ولا على القحطاني ؟؟ ياخي غبي وفاشل بعد ابد من عندي عشرين ريال حقت بنزين ويرجع للخرج ... من اول يوم دخل الملعب وانا ما اقتنعت فيه كلاعب ما يملك من المهاره ولا الركض ولا الفكر ولا اي شئ ما يملك الا حظ ... واذا نبي لاعب حظ .. ياخوي جب لنا حمزه ادريس تراه احسن حظ وابشرك اغبى بعد اجل هدف النصر هدف ؟؟؟ لاعب يبي يناول خويه تلف الكوره بغباء حتى الكوره تطلع منه غبيه وتدخل هدف مع انه مدافع النصر جته حاله غباء من حاله الهجمه اللي كانت الله يستر لا يجيني غباء بعد من هاللاعب |
الله يعطيك ألف عافية . . كلام منطقي بكل صراحة . . أنا كنت أسأل نفسي هالسؤال كثير . . لكن بدون اجابه |
مشكوور اخووي وكلامك صحيح العنبر كاان غير في اخر المباريات وان شاء الله نشوف العنبر اللي نعرفه |
يليت يرجـع العنبر لمستـواه والله انه فـلته بس الإصـابات لهـا دور |
لا بارك الله في كاندينو ولا في الساعة الي جا فيها وين ايامك يا باكيتا؟؟ |
كلامــــــــك صحيح بالأضافة إلى النفخة الأعــــــــلامية بالتوفيق للعنبر والجميع |
اقول لاعب ثقيل ... والمهاجم يحتاج لسرعة حركه وبديه ...وكلها يفتقدها محمد ... ابوزرنوق |
لاتعلليق |
مشكلتنا اننا دائما قاسين على نجومنا...............وإلا العنبر توه صغير والمستقبل قدامه بس حنا ما نصبر على اللا عبين.......وسلامتكم |
إقتباس:
s60s s60s s60s s60s s60s |
العنبر نجم ننتظر منه الكثير مثله مثل أي لاعب يعتري مستواه النقص والكمال وهالشيء المفروض انه مايكون السبب في تحطيك الأعب من أقرب الناس له وهم جماهير ناديه :: العنبر يملك مقوامات النجم المميز طول وتمكن من ضربات الرأس وايضا اهداف بالقدم والمرواغه اقل شيء عنده لكنه مميز ولنا ذكرياتنا بأهداف تشهد انه نجم وهداف متمكن ومو معناة انه هالفتره مايقدم مستوى انكم تلغون نجوميته وتصفونه بالعاهه بالفريق وان مستواه مايسوى (( لأن جماهير الهلال هي أكبر جماهير تحب الأعبين وتحفزهم وهم اكثر الجماهير تحطم وتكسر مجاديف اي شخص )) يعني من بغيتوا ترفعونه رفعتوه وتغضون النظر عن اي شيء له وان بغيتوا ترصدتوا لكل زله وكل خطأ عشان تحطونه .. ليش مانتعلم من الدروس اللي قبل كم من نجم خسرناه بسبب تحطيمنا له ووصفه بأبشع الصفات وكم من نجم استغى عنه الفريق بسبب هالنظرهـ الخاطئه :: قليل من التريث وكثيرا من الوقفه الصادقه مع نجومنا عشان مانخسرهم ثم نندم على خسرانا لهؤلاء النجوم :: صحيح هالفتره محمد العنبر مايأدي المطلوب ومستواه منخفض والواجب انه يجلس على دكة الإحتيااط عشان يراجع حسابته ويشوف حاله بنفسه ويراجع هل هذا المستوى يرضيه :: احنا لازم ننبه صح ننتقده بأسلوب بناء مو ننسى كل شيء لأنه ماسجل هدف ولا هدفين ولا مستواه هالفتره مو كويس لا لازم نوقف بجنبه ونوضح له هالشيء واننا ننتظر منه الكثير وانه قادر على هالشيء بس يتركـ عنه الغرور ويطمح للأفضل وبإذن الله راح يكون هالنجم وغيرهـ هم اعمدة الفريق الأساسيه :: |
لا تعليق!! |
طيب تعليقك على اخر فرصة بالشوط الاول بمباراة الاتحاد ؟؟ فرصه الضائعه امام النصر .؟. اول فرصة بالشوط الثاني امام مباراة الاهلي ؟؟ لو سجلها تصير النتيجة 4-0 ؟؟ كلها هذي وهو داخل منطقة الجزاء .. المدرب معطيه فرصته على الاخر ومشركه اساسي ومجلس القحطاني بالاحتياط .. وش يبي اكثر من كذا ؟؟ |
أقول خل عنك ما مثل الصويلح |
كلامك صحيح اخوي وبالتوفيق للعنبر |
آجل ما حطه بخانته ؟؟؟؟؟؟ والكورة الي ما راح اقول انها قدام الباب الا في الباب ومرت قدامه مثل السلام عليكم هذي بعد وش دخلها في حطه ولا ما تحطه بمنطقة الجزاء ... خل عنك السواليف وطالع الأمور بعين واعيه لو قدم اكون اول من يصفقله ولو اخطاء اقول يا عنبر اخطيت بكذا يصير عندنا لاعبين تحطهم على يمناك مو يوم 100 والي بعده صفر |
العنبر عائد وبقوة فانتظروه |
الله يعطيك ألف عافيه اخوي عالموضوع وإن شاء الله تكون استراحة محارب للعنبر ونشوفه من المباريات القادمة من حسن إلى أحسن |
والله لو تحطه داخل الباب وترا الي سواه قبل يسويه اي مهاجم عادي جدا واقل من عادي بعد بس عجبتني عنبردينهو ههههههههههههههههههههههههه الله يستر على الهلال بس |
إقتباس:
لا يا اخوان .. تقارن كاندينو بالعنبر ترى العنبر فااشل مايدري و ش الطبــخه لا وقال ايش قال عنبردينهو !! |
والله السبب من كندينيو مااقول الا آآآآآآآآآآآآآآآآآآآآه ياباكيتا |
أسئلة يجب الجواب عليها قبل كل شيء:_ هل باكيتا أول مادرب الهلال كان الهلال من أقوى الفرق هل أنت أول ما ولدت صرت شباب علطول هل كندينو نحكم عليه اول ما نبدأ ـــــــــــــــــــــــــــــــــ أما بالنسبة للعنبر فالعنبر لديه مشكلات كثيرة منها السرعة والمراوغة وغير ذلك أما الصويلح فلديه جسم ويضرب بالرس وسريع ويراوغ ـــــــــــــــــــ تحياتي |
العنبر لاعب مكينة للأهداف أكثر من ياسر المتفلسلف بوقت لايصلح الفلسفة لكن............ لديه أكثر من نقطة يجب لفت انتباهه لها لا وقت لدي لسردها جميعا-أنوي نزال موضوع بعد الدوري عن العنبر خاصة-منها: 1. لابد من أن يتعلم (فن الافلات من الاصابات) وخير مثال على ذلك الشلهوب والصويلح وتفاريس 2.مكان العنبر الطبيعي راس حربة متأخر تصنع له أنصاف الفرص ليحقق من خلالها أهداف يعني بالعربي لا تحطه جنب لاعب راس حربه بحت زي القحطاني والخراشي والدليل تألقه بجانب كل من الصويلح وسامي أو لوحده أيام بكيتا. 3. من الملاحظ -(وعلى ياسر والصويلح أيضا)- إضاعة الفرص السهلة أمام المرمى الفاضي وأتمنى من أعضاء رابطة برشلونة إنزال الهدف الثاني لمباراتهم الأخيرة(وكان لايتو) على شكل صورة متحركة لتعلم كيف استغلال الفرص السهلة وهذي مسئولية الجهاز لفني وللمعلومية فأيام باكيتا عندما كان الفريق يقدم مستوى سيئ يخرج ويقول هناك أخطاء ويجب أن نناقشها مع اللاعبين مب يطلع ويقول أنا فلتة والمشكلة بالحكم والحظ؟ ولي عودة لموضوع العنبر |
أتمنى أن يعود العنبر لمستواه |
العنبر ذبح موهبته الأخ المدرب (العالمي) الذكي الداهية <<<<<<<<<<<<<<< ايه هين دلخنيو |
عنبردينهو غصب عن اللي مايرضى بعدين ياشباب لاتنسون ان العنبر توه راجع من الاصابه وكلامك صحيح ميه بالميه |
العنبر انا من رايي انه مايصلح اساسي المفروض يدخل اخر 30دقيقه او 25 دقيقه هذا الوقت اللي برايي انه يبدع فيه |
بصريح العبار العنبر صابه غرور والغرور لم يصب مشكلة العنبر ضيع أسهل الفرص قدام الأتحاد والنصر وكان الباب مكشوف تمام لكن على العنبر يراجع نفسه المشكله مو بالمدرب المشكله بالعنبر ما بقى ألا تقولون لكاندينو أدخل وسجل الأهداف :confused: :confused: :confused: |
كلامك في وجهة نظر. لكن نتمنى أن يطور اللاعب نفسه أكثر لصغر سنه. |
إيه ياخي هذا اللي حنا نقول ما سبينا العنبر لكن الكلام هو إن العنبر ما عنده ذاك المستوى اللي يخليه يلعب أساسي وفي ذا المكان العنبر هداف وبسسس قدام المرمى يعني .. |
| الوقت المعتمد في المنتدى بتوقيت جرينتش +3.
الوقت الان » 01:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd