حسن لو استمر في المرمى الهلالي بمعنى انه لو لم يأتي ابو دعيع كان حسن الان ينافس ابو دعيع السبب وراء نكبات حسن هو شعوره بالاحباط انه مهما قدم من مستوى بمجرد ان ابو دعيع يرجع بيطلع برا وهذا شعور مهوب سهل انا ماتفلسف بس هذي الصراحه انتم معي ان حسن فيه مميزات كثيره بس عيبه السرحان والتهاون مع الكرات احيانا وهذي مهي عيوب جوهريه اي انها ممكن تتصلح
المهم انكم ماتقسون عليه والله ياناس تراه حارس ممتاز بس الاحباط ذبحه والا تذكرون يوم مسك في مباراه الثالث والرابع في اخر الموسم بالله عليكم منين له نفس يمسك

فعلا حسن حارس جيد والمفروض يهيئ لة الجو المناسب ليعود لمستواة المعهود

بس عقب سواته اللي تفشل أغلب الجمهور حقد عليه ( أقصد ذهابه لنادي ......)
ولولا الفلوس ماكان رجع للهلال .
المسألة نفسية لاأكثر ولاأقل .

لا أستطيع أن أقول سوى:

يا جماهير الزعيم رفقا بحسن العتيبي أعطوه فرصة وإنشاء الله لن يخذلكم بإذن الله

أخي العزيز :

لماذا لانطالب أيضا بإعطاء ضاري فرصة كمانطالب بإعطاء العتيبي فرصة؟؟؟؟؟؟؟
ولماذا كل هذه الفرص تمنح للعتيبي وحده فقط ؟؟؟؟

الحقيقه ياإخوان حسن العتيبي اخذ فرصه كبيره جداً .. ويثبت في كل مره انه حارس فاااااشل .... ياخوي بدر .. حسن من عام 1418 هـ وهو دابلٍ تسبودنا ... كل مباراة لازم ينكب فيها... يعني الآن حنا بعام 1422 هـ يعني 4 سنوات من بدأ حسن يمسك مع الهلال .. الى متى وحنا نكون عاطفيين ونقول عطوه فرصه !!!! ياخي شئ غريب ... طيب ليش مانقول عط الفرصه للحارس احمد ضاري !!؟؟ وش زود أحمد ضاري عن حسن أو خلنا نقول وش الفرق الي بينهم .. ياخي هذا شريته بأكثر من مليون وحسن خان الهلال ووقع للنصر ولا رجع لنا الا بعد ان دهنوا سيره بمبلغ وقدره ... يعني حسن العتيبي لاعب غير مخلص للهلال ..

بعدين وش الاحباط الي أنت تتكلم عنه ؟؟؟؟ ياخي ليش أنت تسميه احباط .. ليش ماتقول ان هذي هي امكانيات حسن العتيبي وبس .. يعني مايقدر يعطي اكثر من كذا ... يعني بالله اضرب لك مثال في هدف الاتفاق .. بالله ليش طلع للكوره ولا قدر يجيبها .. تبيني اقول .. ياحول ياحسن مسكين . محبط .. مهوب يلعبونه .. الدعيع اكل الجو منه ... ياخي كلامك غير منطقي ... طفح الكيل يانااااااس

وانا صراحه ماودي ارصد واحسب كل غلطات العتيبي من بدأ الى مباراة امس .... لكن انا ودي ان الادارة تشوف لنا حل معه ..