تبون نراجعها راجعناها ..
----
الدعيع
كامل/تفاريس/خليل/عزيز
الشلهوب/الغامدي/البرقان/كماتشو
القحطاني/الجابر
----
وين الخطأ بالتشكيلة بالضبط!!
لا أحد يقولي خالد عزيز موب بمركزه!!الرجال لعب باك يمين في عدة مباريات وكان ممتاز.
التمياط بدل مين بيلعب إن شاء الله؟!كماتشو وجوده ضروري للكرات الثابتة والشلهوب لا غنى عنه.
أما مسألة إن الصويلح بيلعب بدال الجابر من البداية فهذي كثروا منها!!
----
يا شين اللي يجي بعد المباراة ويقول (كان المفروض فلان يلعب وكان المفروض علان ينزل)!!
مواضيعكم عن التشكيلة المثالية قبل المباراة لا تزال موجوده ترى،ما فيه داعي نرفعها!!
لو اللاعبين كانوا بمستواهم المعروف لما خسر الهلال أبداً.
كندينو لم يلعب بشكيلة غريبة أو غير مألوفة!وخلوكم من كلام الدبيخي وبقية محللي المكيفات!!
التشكيلة كانت منطقية وكل لاعب كان بمركزه المعروف ما عدا عزيز اللي سبق أن لعب ظهير.
---
لو جلّس الجابر بالاحتياط وخسرنا كنتوا رضيتوا؟؟
لو ركن الشلهوب والا كماتشو جمبه بالاحتياط فهل بتؤيدون هذا!!
أما والله أمركم غريب!!
----
الخثران بدل الموسى؟اوكي ..على عيني وراسي،بس مين قال إن الهجمات كانت من جهة الموسى؟!
الجهة اليمنى هي اللي عانت من الضغط،وما فيه بديل لعزيز إلا تركي اللي أنتم اشتكيتوا من مستواه!
يمكن اللاعب الوحيد اللي كنت أتمنى وجوده هو الغنام بدل البرقان،لكنه يظل لاعب واحد.
----
مشكلتنا ما كانت في الدفاع،المشكلة كانت في خط الوسط تحديداً.
الشلهوب كان بطيئ وبعيد عن جو اللعب،وكندينو موب مشعوذ عشان يعرف هذا قبل المباراة!!
كماتشو ما كان يلقى مساندة من الغامدي اللي تفرغ لمخاشنة سبيت خاطر.
----
معليش ..بس بعد كذا يا ليت كل واحد يفكر زين قبل ما يقولنا على التشكيلة المثالية.
لأني أعرف أن 90% من اللي لعبوا أنتم اللي رشحتوهم كأساسيين قبل المباراة!!
موب ذنب كندينو إن سامي تفرغ للاحتجاجات بدون ما يسوي شي!
موب ذنب كندينو إن الشلهوب كان يسحب رجوله بالملعب!
موب ذنب كندينو إن القحطاني كان متوتر جداً في المباراة!
----
لو تفاريس كان دحدر الكورة اللي وصلته والمرمى فاضي ما كنتو هاجمتوه بهالضراوة!
ولو خليل كان دف الكورة الثانية وانتهت المباراة بالتعادل كان صار أفضل مدرب في التاريخ!
فرصتين ذهبتين ضاعوا بأقدام اللاعبين!وأربع فاولات لكماتشو ما لعب ولا وحده فيهم صح!
خطأ كندينو هذا والا خطأ اللاعبين الخايفين!!
----
ما ابي أحد يقولي (كان المفروض يلعب بفلان وفلان)!
المباراة انتهت يا حبيبي،ما تجين بعد المباراة وتتفلسف!!
من الحين حط لنا التشكيلة المثالية لمباراة الرد وحدد لنا مراكز اللاعبين بدقة.
الفريق 11 لعب فقط!
وشلون تبون التمياط والصويلح والجمعان والعنبر يلعبون بوجود سامي والقحطاني والشلهوب وكماتشو؟!
تبوننا نلعب بخطة 0/5/5 مثلا!!!
يا حبيلكم بس!!