السلام عليكم
خسر المنتخب السعودي من المنتخب البرتغالي بنتيجه ثلاثة صفر
وتعليقي في ما حصل في مجرايات المباراة
نبدا بالحارس محمد الدعيع: صراحه محمد الدعيع ما ينلام في الهدف الثاني
أما الهدف الاول المفروض على الاقل مع رفع الكرة من الكورنر يقوم بمحاولة الاشتراك وابعاد الكرة او يقوم بالتصدي
للهدف مشكلة محمد الدعيع العرضيات والركلات من الزاوية مدري لي ما يشارك فيها إلا نادر
الهدف الثالث انفراد من الجهة اليسرى لكريستان رونالدو المفروض قلب الدفاع رضا تكر ما يخليه يتمشى لحاله

محمد مسعد مدري ليه جلس يلعب لنهاية المباراة وهو ما يدري وين الله موديه اكثر الهجمات الخطره من جهته
واذا جته كورة ما يعرف يسلمها للاعبين ويحاول يصرف الكورة باي وسيله يعني لو دخل بدله احمد الدوخي كان احسن
رضا تكر مستواه بدايه المباراة كان حلو بعدها بدء يضيع افتقد للثقه في امكانياته
المنتشري قدم مباراة حلوة وفيه بعض الاخطاء صارة منه
خالد عزيز مستواه جيد لكن عنده ضعف في التغطيه فيه هجمات كثير جت من جهته خطره لكن مساندته لخط الوسط كانت جيده
محمد امين تحركاته جيده وحاول يصنع هجمات جيده لكن ضعف الاستلام والتمرير بين اللاعبين هو كان العائق الاكبر
محم نور صراحه ما سوى شيء مدري ليه المدرب ما طلعه من اول ودخل التمياط
التمياط يوم دخل المنتخب انقلب 360 درجه صار فيه حركة ومسانده قويه للهجوم وصنع كراة خطيرة لو استغلها الهجوم
كانت على الاقل النتيجه 1للمنتخب
محمد الشلهوب مدري وشبه مو محمد اللي نعرفه ما صنع ولا كره صح والكرة تضيع منه بسرعه وجهته كانت ضعيفه
خالد عزيز لعب مبارة جيده وكان متحرك ويغطي ويساند الدفاع بشكل ممتاز
سامي الجابر افتقدناه في المباراه ولم نشاهد لمساته والسبب ما فيه تمريرات تجيه صح وضعف المسانده من خط الوسط
ياسر القحطاني دخل وحرك الجهه الهجوميه بحكم صغر السن والقدرة على الركض على طول المنطقه الهجوميه وكان مسبب قلق عند استلام الدفاعه للكوره
سعد الحارثي ما امداه يسوي شيء دخل بالدقايق الاخيره
بس نلاحظ عند دخول التمياط المنتخب صار يهاجم وتمريرات اللاعبين كانت جيده وكانت فيه خطوره على مرمى البرتغال بس كنا نفتقد للهجوم

*أنا سمعت المعلق البرتغالي يوم كان يمسك التمياط الكورة يقول تكتيك الظاهر اعجب بلعب التمياط

وان شاء الله المدرب يتدارك اخطأ المباراة هذه واحنا بحاجه لمثل هذه المباريات حتى يكون المنتخب جاهز للمونديال

تحياتي للجميع