..... فرصه تعــود ومعهـــــا شخاميطهـــــا..... - نادي الهلال السعودي - شبكة الزعيم

فرصه ضايعه · #1 19/02/2006, 07:02 AM

الســـــلام عليكـــــــم ورحمــة اللـــــــه وبركاتـــــــــــه

هـــلا وغــــــلا ..... فيكـــــم

أعضــــاء وعضـــــوات الزعيــــــم الغاليـــــــــن ....

مدري وش أقول لكم

.. كل الكلام ضاع مني يوم جيت أكتب لكم

...

يمكن عشان لي فترة ماكتبت ;) .... بس الأكيد أني مانسيتكم

....

وش اخباركم .... وش مسوين ؟؟؟

عطونا الموجز مانبي التفصيل

قبل ما أبدأ في موضوعي حبيت اضيفكم واقهويكم من ذا الكبتشينو اللي تحبه قلوبكم

........
عاد لا تستحون مدوا يدينكم:p .... عشان تمخمخون صح على الموضوع

......

وبعد ذا لأنكم غالين

.......

خبرة في عمل الكبتشينو ... احم احم
ولدينا خدمة التوصيل للمنازل .. اتصل نصل
ت : 1234567

<< لحد يقول عطيني الطريقه

.. تراها سر المهنه ;) ..

بعد ما ضيفناكم نبدأ بالجد

.......

عبارة كنت اسمعها وكان فهمي خاطىء لها ... تقول :

لا تقوم من محلك ( مكانك ) وجنبك سديراوي .....

أي واحد بيقراها بيكون له تفسير يختلف عن غيره ... أنا كنت احسب أن السديراوي إذا كان موجود في مكان وأنت فيه لاتقوم من محلك لأنه بيحتلّه

(بياخذ مكانك)

بس طلع تفسيري مب لم سالفه

.......

والتفسير الصحيح هو :

أنه من جمال حديثه وحسن اسلوبه وطيب مجلسه اللي هو السديراوي لا تقوم من مكانك لأنك بتستانس وتنبسط معه

الصراحه مادريت بالمعلومه إلا من فترة قصيرة

..... وأبي منكم تكتبون تفسيراتكم أول ماقريتوا ذا العباره

بشوف كانكم مثلي ماعندكم سالفه:p ولا أحسن مني

......""...... واللــــــــه عجـــــب ......""......

1- تصدقون أن القمل صار ينباع في الصيدليه

عشانه يساعد في نمو الشعر

لأنه يساعد على تحريك الدورة الدموية من خلال الحكه اللي يسببها في الرأس

والشي اللي يقهر أنهم يبيعون القملة الوحدة بـ 100 ريال

..... هذا الكلام ماجبته من راسي بس وحده كان شعرها خفيف من التساقط وراحت لم الدكتورة ووصفتلها ذا القمله

هي انصدمت أول ما قالت لها

.... بس الشكوى لله ماخلت ولا شي ماجربته براسها

.... وقالت نجرب ونشوف

...وانقطعت عن العالم تستحي تروح لأحد عشان ما يقولون عنها أنها وسخه .... وصبرت على ذا البليه ..... بس ما شاء الله طلعت النتايج حلوة مره

أنا حاسه أنكم بديتوا تحككون روسكم

...... حتى أنا والله

......
تعليقي هو ............

الله لا يحوجنا لهن ... من أجيب سيرتهن أبدأ اتحكك ... والله قرف ....
عن نفسي بحك راسي كل يوم ساعه واحط له مذكرة

ولا أحط قمله فيه

...

2- كل ما قلبت القناة على السعوديه ... كل ماشفت العجب

....
كل يوم يزيدون أعداد المقدمات ... وتزيد البرامج اللي يقدمونها

.....
يعني كل ذا أهتمام بالمرأة

.. لدرجة أنهم جايبين برنامج اسمه بسطات النساء ... وفيه مقابلات مع الحريم اللي يبسطن في الأسواق

... والشي اللي متعجبه منه إلى الحين هو يوم يجيبون البرنامج اللي عن الحج وحاطين مقدمة الصوت لبيك اللهم لبيك معها طبل

لا تعليــــــــــــق

وخليكم في المجـــــــــد أبرك لكم

.....

3- وزارة العمل وما أدراك ما وزارة العمل .......
حاطين إعلان بالصحف عن قصر العمل في محلات بيع الملابس الداخليه على المرأة السعوديه وتطبيقها يجب أن يكون
قبل جماد أول والسنه الجايه أن الله أحيانا بيطبقونها على جميع مستلزمات المرأة ....

سؤالي هو من قال أن الحريم السعوديات بيشتغلن ذا الشغله

؟؟؟؟؟؟
يعني ماتنفع أبد .... تعرفون وشلون بيكون دوامها فيه ... إلى الساعه 11 بالليل تقريباً... وما فيه ولا يوم إجازه ... حتى يوم الجمعه تشتغل فيه الله يسلمها ...
وبعدين أنا إذا شفت محل خاص بالمرأة أقعد أشاور نفسي أدخل ولا لا

.... وهم بيحطون كل محلاتنا مسكره

صحيح أني وأنا أقلب عند الحريم أحسن لي بس والله أنهن يخوفن

مب شي يقهـــــــر

...........

إهـــــــــــــــــــداء

علمتيني أن الحياة ابتسامة

وأن العمر ماهو بعذابات وأحزان

حنا حبايب ماعلينا ملامـــة

تبقى صداقتنا على مر الأزمــان

وحبيت أختم معكم بعد ما خثيتكم بشي يفرح الصدور .... وينير القلوب ....

أكيد عرفتوه ... القرآن الكريم ...

أنا ماراح أتكلم عن أجر قراءته ... بس بوضح شغله بسيطه يمكن تجهل البعض .....
إذا مريت بأي ضيقه في نفسك عليك بالقرآن

.. وبتشوف وشلون أثره عظيم سبحان الله

...
بيبتهج قلبك

... ويستاسع صدرك

..... فلا تحرمون أنفسكم من قراءته

......

وبس هذا اللي عندي

.........
واعذروني على اسلوبي الركيك في الكتابه ;) ...

بإنتظار تعليقاتكم

.... لا تحرموني من تواصلكم

....