رابــــطة عشـــــاق التنس - صفحة رقم 54 - نادي الهلال السعودي - شبكة الزعيم

RoMa4eVeR · #796 02/06/2006, 05:56 PM

الحين مباراة فيدرر وحبيبة القلب متى

وين نلقى الجداول الموثوق فيها

موقع كووووورة يقول كل المبارتين الساعه 5 ونص

والحين 6 ولا جا شي

القطو الازرق · #797 02/06/2006, 06:18 PM

^^
تصدق عـاد توني أدري أن حبيبك الممحط بيلعب اليوم

راجعلك بعد شوي والخبر الاكيد ;)

القطو الازرق · #798 02/06/2006, 06:34 PM

اذا الموقع الرسمي ما قال الاوقات .. تبي موقع كووورة يقوله

؟!
قلتلك لا تعتمد على المواقع في الاوقات

تبي نصيحتي ..
خلكـ متنح قدام الجزيرة وبيجيك الخير انشالله ..

سـلامـو ..،،

عاشق الأسطورة الزرقا · #799 02/06/2006, 06:51 PM

بارســ 10 ــا
هلا بك والله وألف مية مليوون مرحبا , وياليت تعلمنا عن ميولك .. يعني من تشجع من الرجال والنساء عشان نعرف من البداية كيف نكلمك هههههه
......
ماجد .. بالنسبة للمواعيد فعلاً الواحد مايقدر يحدد الموعد بالضبط , إلا المباراة الأولى لأن المباريات اللي بعدها تتأخر بحسب تأخر المباريات التي تقام أوّلاً .
......
عموماً أعتقد مباراة فيدرر راح تكون اليوم في آخر الجدول يعني ممكن بعد مباراة موريسمو اللي الحين قائمة وممكن لا
......
مبروووك فوز الملك نادال , والملكة هينجيس

فوزان مريحان جداً
......
على فكرة يوم قريت امس ان نادال بيباري امريكي اسمه كيفن كيم استغربت من اسمه , أثاريه فعلاً طلع كوري لكن متجنس امريكي , والاسم الاول ( كيفن ) اسم امريكي , واللقب ( كيم ) أشهر اسم في كوريا الجنوبية خخخ
أما كوري والجنسية امريكي حلوووة
الامريكان ذولى سطوا على العالم , مايكفيهم سامبراس واجاسي وروديك , جايين يجنسون لهم واحد كوري
......

عاشق الأسطورة الزرقا · #800 02/06/2006, 10:21 PM

انتهى جدول اليوم الجمعة من بطولة رولان غاروس المفتوحة ثاني بطولات الجراند سلام الأربع الكبرى
وكانت معظم المباريات من الدور الثالث المؤهل للدور ثمن النهائي , وبعضها من مباريات الدور الثاني المؤجلة من يوم أمس
.....
قبل قليل انتهى لقاء السويسري روجيه فيدرير أمام التشيلي نيكولاس ماسو , وانتهى اللقاء بفوز فيدرير , بثلاث مجموعات ٍ لواحدة .
....
أهم أحداث هذا اليوم :
فوز الحسناااااء التشيكية فيديسوفا على الفرنسية من أصل إيراني ريزاي بمجموعتين لواحدة بواقع 6/1_6/7_6/0 وتبلغ هذه التشيكية الجميلة 17 عاماً وهي من المرشحات للقب .
...
تأهل كل ٌ من رافائيل نادال , ومارتينا هينجيس , وكيم كليسترز للدور الثالث
...
تاهل كل من روجيه فيدرير ونيكولاي دافيدينكو وغاستن غاوديو وديفيد نالبنديان وماريا شارابوفا وفينوس وليامز وتومي روبريدو واميلي موريسمو وفيديسوفا للدور ثمن النهائي .
...
هنالك مواجهة قوية جداً مرتقبة في الدور ربع النهائي بين روجيه فيدرير وتومي روبريدو في حال تخطيهما الدور ثمن النهائي .

عاشق الأسطورة الزرقا · #801 02/06/2006, 10:31 PM

8 8
البلجيكية جستين هينين هاردين حاملة لقب الرولان غاروس لعام 2005
من أقوى المرشحات للقب
24 سنة , 167 سم , 60 كغم
من أفضل اللاعبات وأذكاهن
ويعيبها فقط قصر قامتها الذي تتفوق عليه بذكائها الخارق في توزيع الكرات
وصلت لنهائي بطولة أستراليا المفتوحة هذه السنة وخسرته أمام موريسمو بعد انسحابها بداعي الإصابة

RoMa4eVeR · #802 03/06/2006, 12:48 AM

نالبديان الارجنتيني

مباراته نااار

خسران اول مجموعتين همن قلبها الذيب

R a k a n · #803 03/06/2006, 04:16 AM

عاداته كحيلان مهب غرريبتن عليه.. بعد تسبدي ..

وان شالله الرولان قاروس للذيب ..

RoMa4eVeR · #804 03/06/2006, 04:18 AM

إقتباس

الرسالة الأصلية كتبت بواسطة Abo Crestan


	عاداته كحيلان مهب غرريبتن عليه.. بعد تسبدي .. وان شالله الرولان قاروس للذيب ..

اقول اها بس عطيناك وجه بزياده

فيدرر وين راح؟

◦●☺هلالي☺●◦ · #805 03/06/2006, 04:24 AM

أعذروني ياشباب على غيابي هـ اليومين .. العذر والسموحه

.

.....

خالد وتركي ومبارك .. هدو أعصابكم وش فيكم

حنا ( ياعشاق فيدرير ) ساكتيين للحين وما تحرشنا فيكم وهو عقدة لاعبنا علشان حنا واثقين في فيدرير ;) أصبرو شوي اذا قرب النهائي على الاقل تحرشو

والا من اللحين خافيين من مقابلة فيدرير اللحين بعرف ليش انتم خايفين وهو عقدة لاعبنا

<< تحسون واحد مريض من جد ما يدري وش يقول

بس والله ياشباب هاليومين هذي رفعت ضغطي والسبب الاول والاخير المنتدى

وجلست اخربط عليكم .

.....

شباب من جد انتم تكلمتو على فيردير لين قلتو بس عاد خلونا اللحين نتكلم من جد

من جدكم متفائلين في نادال انه بياخذ الرولان قاروس ؟؟؟؟

انا ملاحظ شي في فيدرير يمكن احد لاحظه والي هو

بعد خروجه من الرولانقروس العام الماضي ( صدق ما خلى ولا بطوله قراند سلام بعدها الا واخذها

) بس والله مستواه مو مستواه المعروف احس انه يلعب في ويمبلدون وامريكا اوبن واستراليا اوبن لعب بأقل مجهود أحس انه متحطم ووده بالرولانقروس وكلنا لاحظنا أدائه على الاقل في اخر بطوله والي هي استراليا اوبن واجه صعوبات كبيره من ديفادينكو وتومي هاس .. يعني من كلامي صدق فيدرير اخذ بطولاة القراند سلام الي بعد الرولانقروس بس بأداء مو ادائه المعروف ويبي يطلع كل مهاراته وخبرته في هالبطوله هذي ويرتاح .

وأكبر دليل على كلامي اللحين الرولانقروس في الاراضي الترابيه ( حلو ) .. قبل البطوله على ما اعتقد بـ أسبوع في بطوله روما والي اخذها نادال صح ووين بالاراضي الترابيه بس أخذها بطلعة الروح وكان فيدرير عنده ( ماش بونت ) ثنتين في المباراه وخسرها .. هالشي هاذا يثبت ان فيدرير ناوي وبقوه على بطولة الرولانقروس .

يعني بختصر كلامي وبجمعه مره وحده

<< مكثر كلام الاخ أعذروني لي يومين ما كتبت شي

وبأختصره بنقاط

1 / فيدرير صحيح انه اخذ القاب بس بأداء ( حلو وفن ) بس مو ادائه المعروف .
2 / فيدرير بيطلع مهاراته وخبرته كلها في هالبطوله .
3 / أدائه بالاراضي الترابيه صار افضل وكاد أن ياخذ لقب روما وعلى حساب مين على حساب ملك الاراضي الترابيه .

^^^^
يعني هـ العوامل تبشر بخير بصراحه وأبصم بالعشره ان اللقب لفدرير سواء قابل نادال والا شاربوفا

بالنهائي ما راح يرحم هـ السنه وتذكرو كلامي ;) .

.......................

أنا اعتبر أكبر مفاجئه بـ صراحه هي خروج قوزاليز
انا توقعت انه راح يصير مثل كوريا في الرولانقروس 2004 بس سبحان الله طلع من واحد ( وجهه وجه بلاستيشن مو تنس

) بس بصراحه أداء الي قابله موب صاحي .

وخروج باغداديس من الفرنسي الي اتوقع ( انه اكثر واحد تسانده الجماهير في البطوله ) بس بصراحه يستاهل الخروج باغداديس ويستاهل التأهل الفرنسي لـ أداءه الرائع .

وخروج قروجان << وربي تحفه هالاعب كل ما اشوفه اضحك بعد سالفه استراليا اوبن من كيفير ويوم يرومي المضرب

والخالق الناطق جولي الي يشوفه ويشوف جولي لاعب برشلونه وربي كأنهم توؤم ( بالشكل + الطول + السرعه )

... خرج على يد الارجنتيني ما شاء الله عليه اهنيه في برودة دمه وروحه الرياضيه العاليه ويستاهل الصراحه الفوز

<< بس لا عمره يوقع على الشاشه

<< أحد شاف توقيعه ؟؟

.....

واليوم ولله الحمد تأهلو كل من فيدغيغ وهينقس وتأهلو بقوه بعد

من اللحين ورايح خلاص ما يرحمون ابد

والف الف مبرووك فوز نادال الـ 55 المتتالي وهو راح يتوقف يتوقف بالبطوله بس بأي دور مدري

.....

واعذروني كثرت الكلام وأهلاً وسهلاً بالشباب الجدد بالشباب الجدد ولا تقاطعون ياشباب

RoMa4eVeR · #806 03/06/2006, 04:33 AM

^
^
اخر مرة لك
لاتكثر الحتسي

القطو الازرق · #807 03/06/2006, 05:12 AM

ولكموووو سليمان ..
بس زي ما قال مـاجد ..

لا تكثر الحتسي

R a k a n · #808 03/06/2006, 05:17 AM

لا لا خلوو الرجال على كيفه .. نادال ان شالله رقمه القياسي بيتوقف عند نالبدنيان ..

وانا اقوول البطوله لو احد من الثنين ياخوويي يافيدررير نادال مستحيل ياخوزها ..

سلام سلام .

القطو الازرق · #809 03/06/2006, 05:23 AM

إقتباس

الرسالة الأصلية كتبت بواسطة عاشق الأسطورة الزرقا


	8 8 البلجيكية جستين هينين هاردين حاملة لقب الرولان غاروس لعام 2005 من أقوى المرشحات للقب 24 سنة , 167 سم , 60 كغم من أفضل اللاعبات وأذكاهن ويعيبها فقط قصر قامتها الذي تتفوق عليه بذكائها الخارق في توزيع الكرات وصلت لنهائي بطولة أستراليا المفتوحة هذه السنة وخسرته أمام موريسمو بعد انسحابها بداعي الإصابة