السلام عليكم ورحمه الله وبركاته
هذي اول مره اكتب فيها موضوع
واتمنى انكم تتقبلونه مني بصدر رحب

بسم الله (الله يعيني)

كنت متابع لمواضيع الشبكه من زمااااان
وكانت المواضيع بصراحه مميزه جدا وما زالت ولكن.......
في الايام الاخيره
بديت الاحظ اننا بدينا نتحول تدريجيا الى (ما لا نريد ان نكون)
وانتم عارفين وش اقصد

لاحظت اننا صرنا نعطي الناس اكبر من حجمها
يعني
وش كان بالنسبه لنا نادي النصر؟
ولا شي
وكانو مهما يقولون ولا نرد عليهم ولا نجيب خبرهم
ولا كأنهم موجودين اصلا....
كنا ننظر لكلامهم اللي يقولونه عننا بتجاهل شديد
واحيانا(غالبا)كنا نضحك عليهم
ليش؟
لان ما عندهم الا الكلام وغيره لا

والحين........
شوي شوي
بديت الاحظ اننا صرنا.....(والله ما ودي اقولها)

ياناس والله حرام نعطيهم اكثر من حقهم

صارو ما يقولون كلمه عن الهلال
الا انا على طول القاها بالمنتدى

وكأن الكلام اللي يقولونه يهمنا

حتى اننا وصلنا لمرحلة اننا نتجسس عليهم
وهذي مو من عوايدنا
هذي عوايدهم هم وهم فقط

اذا كنتم تكتبون الكلام اللي هم يقولونه
لمجرد اننا نعرف وش يصير حولنا او وش ينقال عننا اوكي
بس انكم تكتبونه وتهتمون منه وتحرقون اعصابكم على الفاضي لا والف لا

حنا ما ننزل لمستواهم ابدا
هذا اللي هم يبونه مننا
لكن اتركوهم يقولون اللي يبون ولا تردون وشوفو وش يصير ...

فيه حكمه ما ادري من قايلهاتقول
(الهلال دائما يتقدم الى الامام ولا يعود للخلف ابدا)

وحكمه ثانيه
(حنا هلالنا قول وفعل وردنا في الملعب وبس)

اتمنى انها تكون صحيحه

وبالاخير......
اتمنى اني قدرت اوصل لكم شي من اللي ابغى اقوله
واعذروني على الاسلوب لاني ما تعودت اكتب
وسلامتكم

@@ شكرآ لك اخوي بندر وبدايه حلوه وجميله ..


@@ الغالي بندر نيابة عن الاخوان اعضاء المنتدي والذين يتطرقون اما لذكر ما يقوله النثراويين او يتكرمون بالرد عليهم اقول ... مجرد ان نذكر مايكتبون او نرد عليهم هذا لا يعني اننا نعيرهم اى اهتمام ولكن من باب ايضاح مدى مايتمتعون به من تبعية جاهله الى رمزهم وترديد مايقوله دون التفكير به ولفضح ضحالة تفكيرهم العقيم اما الملاء .

لك كل الشكر اخوي بندر وياهلا...

بس لاتصدق(امزح)

وجهة نظرك سليمه ياغالي وانا موافقك على كل اللي قلته

بس تدري وش مشكلتنا
من بعد مامشى الامير بندر بن محمد وبعد ماسكت الامير خالد بن طلال

صارت عندنا عقدة نقص في الردود على النثر ورمذهم

فيحاولون الشباب يجيبوا خبر عنهم
ويستلموهم حش وردود حتى يشبعوا رغبتهم

لان الادارة ساكته وحنا لنا الزعل
فما يلاقون الا النثر يحطون حرتهم فيه

والمفروض اننا نريح روسنا منهم وزي ماتعرف اهم شي الراحة


ومشكوووور على موضوعك الرائع;) ;) ;)

بداية موفقة أخوي بندر وإن شاء الله دائما للأفضل في مواضيعك

وما ذكره مشكور عليه الأخ / حبي تيماوي في رده كافي ووافي . . .

حـياك الله أخــوي بـنـدر . . . وتـحـيـاتـي لـك ولـجـمـيـع , , ,

bandar983

هلا وغلا فيك ياغالي

شايفك تكتب وانت متردد ...

حتى انك مشترك من أبريل/ 2001م يعني لك مايقارب الأربعة شهور ومواضيعك أو ردودك لم تتجاوز الثمانية مشاركات!!
خير ان شاء الله !!!

وليه التردد ؟؟؟

انت تكتب في جريدة و لا في مجلة ...

يا أخي انت تكتب بين أخوانك وفي منتدى كلهم هلاليين ...

وكلنا بدأنا بالكتابة حبة حبة ولازلنا تلاميذ ...

واذا كانت هذه مقالتك الأولى وبدون مجاملة فكرتها رائعة جداً جداً ...

فلماذا نكتب عن النصر؟؟

ونضيع وقتنا بمتابعة كل صياح وتصريح (( رمزهم )) & (( الرميز )) !!

حتى وصل بنا متابعة مايكتب في منتداهم للرد عليهم في منتدانا...

وآمل أن تخف هذه المواضيع ويكون تركيزنا ينصب في مصلحة الهلال ...

وخاصة كيفية استعداد الهلال للموسم المقبل ...

وتحياتي لك ياغالي ...

وأتمنى منك الاستمرار والتواصل ..

اخوك
ابو فيصل

الله يحييك وبصراحه أسلوب حلو ورائع وياليتك تستمر وتواصل وتترك عنك التردد وعدم الثقه..........

فإحنا ما نكتب هنا ككتاب محترفين ولكن نكتب كهلاليين يحبون الهلال ويحاولون يوصلون رأيهم بالكيبورد ;) ;)

بالنسبه للكتابه عن المساكين الصفر فالمسأله للوناسه والضحك فتصرفاتهم وحركاتهم هم و(رمذهم) تخلينا نضحك عليهم ونعلق عليهم وفي بعض الأحيان نحاول نقهرهم ونسكتهم ببعض الحقائق اللي تزيد نسبة الضغط والسكر والجنون بينهم

تحياتي لك.........