21/08/2001, 02:59 AM
|
| زعيــم متألــق | | تاريخ التسجيل: 14/08/2000
مشاركات: 1,416
| |
|
العرابجه.. كائنات معرضه للأنقراض!
اول شي عسى العرابجة مايزعلون يحسبون كلمة كائن سبة تعرفون
الثقافة تخر منهم !!!! مايمشي كل واحد منهم الا معة كتاب
الى لحق على الزمن قبل 10 او خمس طعش سنة يبي يشوف ان الدنيا تغيرت كثير !!!! كل الى هنا شياب!!! انا اصغرهم ؟؟؟؟؟
اشياء كثير كان معتاد نشوفة من زمان اختفت الحين ومنها السادة العرابجة !!! خلونا ندلعهم قبل عشان أضمن ما انضرب .
وين عرابجة اول الي مافيها شارع او برحة الا تلقاهم ولا يعننهم تاثرو بالعولمة
وين الونيتات المشحمة والي مادري وشلون يصير شكل السيارة ازين اذا كانت اوسخ قطعو رزق المغاسل !!!! والكفرات المغسولة بشامبو الى المسكين ابو هالعربجي ينقل من هاالكراتين الشامبو يبي ولدة عساة ينظف وها العرببجي يقضي الكراتين على كفراتة وشعرة صاير كامب للقمل من وسخاتة ؟؟؟؟؟ وعاد كان عندهم منطق حلو انة كل ماصرت اوسخ صرت رجل!!! يعني وساخة اكثر رجولة اكثر ( مثل الدعايات)
وين تنسيفت شمغ اول جونا الحين راعين هاالطواقي الي الطاقية الى ركبتة يعني مضلل السيارة وأذنة مع بعض واللة مادري كيف يقدرون يسمعون ؟؟؟؟ وين اسامي اول ابو عرب وابو شامة والعزي ؟؟؟ الي مافية جدار ماكتبو علية اسماهم هذا يكتب يعيش ابوعرب مع تحيات ابوشامة والثاني يرد علية بجدار ثاني ومن قال !!! مع تحيات ابوعرب والرومنسي منهم تلقاة كاتب اموت انا على الزد اكس ومن زود الطيب!! مايكتبون الا على سور البيوت الجديدة يعني صايرين كانهم مهندس للمشروع المهندس يوقع على المخطط وهم على الجدار؟؟؟؟
وين اغاني اول حقت العرابجة الي تقل واحد يغني في طاسة من كثر الازعاج مريحين انفسهم لاهندسة صوتية ولا مشاكل راس مالة اقرب قدر
وواحد صوتة شين وهك على العالم وقل اغاني حزينة!!! واللة الحزين الي يسمع صوتة !!!!وين اغنيتهم المشهورة اللة على الجمس الي اتصور كاتبها نزار قباني او تكون احد المعلقات مانيب متاكد!!!! احسن من اغاني هاالحين خالد عبدالرحمن وطقتة الي صوتة تقل صوت واحد كان سهران
يومين مانام ويوم نام كلم علية واحد وقومة من النوم!
وين الجهال حقين اول الحين طاحو لنا في الدراسة!!!!! الي العربجي اذا صار خلاص حدة معة شهادة عالية صارت سادس ابتدائي!! لا ولا يعلم اخوياة انة معة شهادة يخاف يقولون لة ياخكري راعي دراسه
واللة انا اطالب بحماية هالاشكال من الانقراض يعني يسون لهم محمية
ويخلوناهم يتكاثرون ويسمونة محمية العرابجة بس ياليت يكثرون الجدران
فية عشان العرابجة يستغلون ثقافتهم لانهم ماتعودو على الدفاتر؟؟؟
الغريبة كل عرابجة منول صارو يبيعون جح مادري وش العلاقة بين الجح والعربجة؟؟؟ واللة ودي اقول بس اخاف يزعلون ؟؟؟؟؟
--------------------------------------------------------------------------------
عبر الايميل |
الوضع العادي
