موبايلي تقاطع ستار اكاديمي :) - صفحة رقم 2 - نادي الهلال السعودي - شبكة الزعيم

تغريد · #16 28/12/2005, 12:54 AM

والله ونعم فموباااااايلي

الله يقووويهم يارب

والله ودي اخذ موبايلي ماودي اكسب الاتصالات

بس رقمي عاجبني خخخخخخ

إقتباس


	أتوقع إن الخطوة مجرّد كسب إعلامي لبعض شرائح المجتمع

احسن من الاتصالات الي مافكرت بالكسب الاعلامي وفكرت بالكسب المادي بس

ويكفي انها فكرت شوي بالمجتمع

موب ذوليك

مو هامينهم احنا:p

فيروووسه اي يازين الاتصالات الله يهديك:p

البارق · #17 28/12/2005, 01:17 AM

[align=center]

أقول يا كثرهم بعد ..إلى الحين ستار أكاديمي ..

والله الخطوة هذي تحسب لشركة موبايلي رغم التحفظ على بعض الأعمال اللي تقوم بها .!! وخاصة أنها في بداية البرنامج ..ماهوب إذا بقى يوم ..

ما نقول إلا الله يقويهم والله يكتب اللي فيه خير للجميع ..

شكرا يا سميي وابن جلدتي ..

تحياتي لك ،،،[/align]

abo3abed · #18 28/12/2005, 01:40 AM

والله ياذا الموضوع طلع يوزرات مغبره

عوافي بروق نجد على الخبر ...

وتظل الخطوة في نظري مثل ماذكروا الأخوان هي محاوله لكسب عدد من العملاء أو بمعنى اصح هي محاوله إرضاء الشريحة التي استنكرت سياسات موبايلي السابقة ... فالشركة لها اعمال سابقة اثبتت فيها أنها تجهل عادات المجتمع السعودي ... فكان من الطبيعي أن تقوم بمثل هالخطوة ..

وعلى العكس نجد الإتصالات تفوقت في هالجانب ( معرفة عادات المجتمع السعودي ) واستغلته إعلامياً في عروضها .. ونجحت بامتياز .

تحياتي لك يالغالي

بروق نجد · #19 28/12/2005, 01:55 AM

[align=center]الف شكر لكم جميعا على مروركم وتعليقكم;)

لوحة مميزة

إقتباس


	وعلى فكره .. طلعت جوال موبايلي

بعدي والله انت

واذا تبي نشغلك بعض الخدمات ترى مانقصر
<<<< احس اني تورطت والرجال يبي يصدق

blueblood_999

إقتباس


	بصراحة .. موبايلي هي الخسرانه .. ستار أكاديمي ما راح يوقف على موبايلي .. دام إن الشباب مقتنعين بفكرة البرنامج ((بالنسبة للي يتابعونه)) ..

شيء يجي من وراء حمااار اكاديمي مانبيه

لو هو خساارة

<<<<< صاايرن محاامي الولد

الحاتمي

إقتباس


	أتوقع إن الخطوة مجرّد كسب إعلامي لبعض شرائح المجتمع , ولا لو هم صادقين ما وظفّوا بنات في أقسام مختلطة و يمكن أن يعمل فيها رجال

لاتتوقع على كيفك ثااني مرة

بالنسبة للبنات غلطان اخوي طارق
مافيه اختلاط

البنات فقط في مراكز البيع للسيدات (الجوهرة) <<<< خذ العلم من عندي;)

الفيروسه الزرقاء <<<<<<< انتي وش تبين ياااحبتس للعناد

إقتباس


	تقلد الإتصالات ، العامـ كانت شركة الإتصالات مانعه بث الرسائل

ما اقول الا الله يرحم حااالتس

الله يسلمك العام والي قبله صحيح كانت الاتصالات موقفه التصويت
وطلع الملحم وقال ان البرنامج مو من عادتنا وتقااليدينا

بس هالسنه وش الي صااار ؟؟ <<<<< مسوي اسلووب تشووويق

اول مابدا البرنامج كانت موبايلي فاتحه خطوط للتصويت
جت الاتصالات وشاافت الدعوى فيها درااااهم للمناافس وفتحت التصويت

طيب وين كلامكم عن الاخلاق وما ادري ايش
يعني بالعربي اخر شيء نفكر في الاخلاق واهم شيء الفلوووووووووس

تغريد

إقتباس


	فيروووسه اي يازين الاتصالات الله يهديك

ايه علميها وانا اخووك

البارق2000

هلا بسميي الي ماايبين الا بالموااسم

إقتباس


	والله الخطوة هذي تحسب لشركة موبايلي رغم التحفظ على بعض الأعمال اللي تقوم بها .!! وخاصة أنها في بداية البرنامج ..ماهوب إذا بقى يوم .. ما نقول إلا الله يقويهم والله يكتب اللي فيه خير للجميع

هاه عااد وش راايك بنا

ترى انا الي قاايل لهم

تحياااتي لكم كلياااتكم

اخوكم برووق نجد[/align]

xavi6 · #20 28/12/2005, 09:05 AM

والله شي يرفع الضغط
يعني شركة الاختلاسات ماتستحي على وجهها وتشوف موبايلي وش قاعد تسوي ,واللي يزيد الطين بلة ان شركة الاختلاسات سعودية ولافكرت في شعبها

هلالي ساامي · #21 28/12/2005, 09:26 AM

خطوه ممتازه

وياليت بعد تتقدم شركه الاتصالات (( الجوال )) بنفس الخطوووه

ويارب يهدم هل المبنى الي هم فيه هالدشير

اقصد استار اكاديمي

$الزعيم$ · #22 28/12/2005, 02:10 PM

إقتباس


	وتشكر موبايلي على هذه الحركه وان شاء الله تلحقها التصالاتـــــــــــــــــــــــــــــــــــــــــــــــــــــــــــــت

إعلامي معتزل! · #23 29/12/2005, 01:40 AM

بدايه غير موفقه لموبايلي فضااائيا المفروض تكسب جمهورها مو تفشلهم