السلام عليكم ورحمة الله وبركاته،،

الاخوة الاعضاء الكرام


كلنا يعلم اهمية المرحلة القادمة للمنتخب واهمية اللاعبين المشاركين من جميع الفرق وحنا واثقين ان شاء الله بان الاتحاد السعودي ممثلا بالامير سلطان بن فهد والامير نواف بن فيصل حفظهم الله وجميع العاملين بالاتحاد السعودي لكرة القدم بيساهمون مع اللاعبين والجهاز الفني بتشريفنا واظهار المنتخب السعودي ظهور رائع في كاس العالم وهذا مايتمناه كل سعودي اصيل.

الاقتراح للاعضاء ان يتم ذكر قائمة بالاعضاء الموجودين في المنتدى والي ردودهم متحيزة ومتعصبة للاعب او فريق وكل ردوده تظهر سب وشتم وتشجع على الحقد والتعصب لنادي او لاعب او اي كلام ممكن يأثر على مصلحة المنتخب .. هالشخص الي يتعصب لنادي او لاعب وينشر كلام مسيء للاعبين اخرين ربما كلامه يتداوله الجماهير وتوصل للاعبين وتأثر على نفسياتهم ويظهر التعصب بينهم قبل مباريات كأس العالم..

الاقتراح وجد فقط لنتخلص من ظاهرة التعصب الي دخلت بين بعض الاعضاء للاسف ونشاهدها في بعض المواضيع الي تحرض ادارة فريق على لاعب او لاعب على ادارة فريق او الاتحاد السعودي على فريق محلي او العكس.

قائمة الاعضاء الي تذكر يتم مقاطعتهم في منتدى المنتخب السعودي وعدم متابعة مواضيعهم او رفعها او الرد عليها ويتم اختيار اعضاء غير متعصبين لإعداد القائمة واضافة من يسمح لنفسه بالتعصب على حساب المنتخب.

هذا مجرد اقتراح ان شاء الله نشوف من خلاله الناس الي تهتم بالمجاملات والعصبية على حساب المنتخب والوطن بتفكر الف مره قبل ماتنزل موضوع ضد مصلحة المنتخب.

مع التحية

المفروض هيييييييييييك

الحمد لله أنا مو متعصب

كلام جميل وأنا معاك