ياشباب فيه فرق بين الاعب العادي الي مايملك مواصفات لاعب نجم ولاعب موهوب وبين نجم بس مستواه منخفض لاي سبب من الاسباب!!!
والغنام الاعب موهوب وفنان بكل ماتعنيه كلمة فنااان بس بصراحه الحين مو في مستواه المعروف عنه عشان كذا لازم الجمهور يوقف مع الغنام لحد مايرجع لمستواه وبأذن الله بيكون الشي هذا قريب..
بس للاسف بعض ردود الاعضاء الي تقول فاشل والي تقول عادي والي يقول حرام فيه 12 مليون!!!يعني وش رايكم ينسقه الهلال ولا يبيعه ب 100 الف!!!واتمنى من الاعضاء الي يقولون كذا يتذكرون العام الماضي متى تحسن مستوى الهلال وبدأ بتحقيق النتائج الايجابية في الدوري بتكون من اول مباراة لعب فيها الغنام مع الهلال وربي ومن بعد الاصابة الي اصيب فيها الغنام امام القادسية على ما اعتقد او الاتفاق من بعد المباراة هذي خسر الهلال كذا مباراة للمعلومية بس..

ياحبيبي الاعب كويس لو انه موب كويس كان ماحرص عليه الهلال وجابه ب 14 مليون ريال وبالعكس الغنام الان من افضل المحاور السعوديه هو وعزيز وكريري ثلاثي مجنون وبالعكس الغنام افضل من الغامدي اقل شي مايموت الكوره وهي معه على طول يسلمها لكن الغامدي الله يهديه يعجن ويخبز في الكوره اللين تموت وكل واحد يمر في ظروف ينخفظ فيها مستواه شي طبيعي لأي لاعب في العالم واولهم سامي الجابر ويوسف الثنيان وهذي حال الكورة وان شاء الله يتقدم مستواه لأفضل ولكم شكري وتقديري.
اخوكم:جابر الملاعب

اخوي لاتقارن الأهلي بالنصر

لأن النصر ضاربين دفاع

الغنام لاعب عنده فكر كروي

الغنام رائع جدا وأفضل من النكبه (الغامدي)

إقتباس الرسالة الأصلية كتبت بواسطة وحش هلالي السلام عليكم ورحمه الله وبركاته....سلمولي على عــــــــــــــــــــزيـز و البــــرقــــــــــــان بصراحه انا اشوف الغنام مستواه اقل من عادي......لاهو اللي تقول يقطع كور .....ولاهو اللي تقول يلعب باصات طويله........... باختصار عزيز يقطع كور.....والبرقان ينظم ويمول المهاجمين اقر مثال الاهلى اللي افضل من النصر بمراحل...وخلونا من المدح اللازم بالغنام اللي ينعكس سلبي على اللاعب......تظل وجهه نظر

والله العظيم انك فاهمني وينك من زمان
الله يحفظك

معطينه اكبر من حجمه
أنا ما أقلل منه
وأنا أشوف في لعبه البرود والبطء
بالعربي يموت اللعب

تحياتي

الهـ محمد ـلالي

شباب ....
ما يصير نجلس نزل من قيمة اللاعب ... رجاءاً التشجيع ليصل للمراد ..


معاً نتفق على حب الزعيم ،،،

ياشباب كفاية قسوة على الغنام هو لاعب قدامه مستقبل كبير
غير كذا ترى مدرب منتخبنا توه مستبعده من المنتخب بطريقة أزعلتنا كثير
فهو الآن محبط تجون الحين وتزيدون الطين بله والله حرام عليكم خلونا نكون يد وحده ونوقف مع اللاعبين لتجاوز الظروف القاسية إلي يمرون فيها من إحباط وغيره أو حتى هبوط في المستوى كل اللاعبين يجي وقت وتهبط مستوياتهم والأمثلة كثيرة من سامي إلى الشلهوب إلى الدوخي سابقاً إلى الدعيع كل الاعبين بدون إستثناء تكفون ترى الزعيم مقبل على مشاركات هامة وكبيرة نحتاج تضاعف الجهود من إدارة وجهاز فني ولاعبين وأعضاء شرف وجمهور فلاتخيبون الظن في مثل هالوقت الحساس
وهذه وجهت نظري وبالتوفيق للجميع

والله الغنام يمر بمرحلة انخفاض مستوى وهي طولت شوي

بس اللاعب في هالمرحلة محتاج التشجيع

وبذمتكم لو ما اللاعب قدم ما يشفع له كان الهلال دفعوا فيه 13 مليون ريال

ولو ما كان اللاعب يمتلك امكانيات كبيرة كان صار اصغر كابتن لفريق في الدوري السعودي ؟؟؟؟؟

شوية منطقية يا سادة

والله شف كل واحد فيه حقه

الغنام والبرقان وعزيز

الغنام = يقطع ويمرر صح

عزيز = يقطع كور بس مطفوق

البرقان = يمول كور صح لكن قطع الكور صعب عليه شوي

فا كل واحد له مميزاته ولكن يبقى الغنام هو الافضل

من وجهة نظري طبعاً

روحي الزعيم هاذي الردود ولا بلاش اسمع الكلام هاذ الغنام موب انتم الي تقيموانه

إقتباس الرسالة الأصلية كتبت بواسطة ياقاهرهم يالهلال والله الغنام بطل الموسم اللي راح بس هالموسم اصابه ومن زمان مالعب وبعدين امس ماعليه يعني تقدر تقول حليو مو حلو

للغنام افضل محور هو بلا عزيز بلا البرقان

والله انه بطئ جدا جدا
اسألكم سؤال هل رأيتم لاعب محور يجمع هذه الصفات بطئ وبارد وغبر مقاتل

أنا أرى من وجهة نظر خاصة جدا جدا أن البرقــــــــان هو خليفة الأسطورة فيصل أبو اثنين والكبيرين عبادي الهذلول وخميس العويران وإذا استمر باكيتا في وضعه إحتياطيا تارة وأساسيا تارة فسيحرم الهلال من كنــــــز لايعوض

لاعب صغير ,, مخه نظيف تمريراته جيدة ,, يكشف الملعب صح
بس المشكلة من رجه من الاصابة وهو مش ولا بد يعني

بس الموضوع كله مسئلة انخفاض مستوى لا اقل ولا اكثر


ودمتم سالمين