|
.. في رأيك ’’ ماهو سبب خسارة نادي الهلال ,, أقصد التعادل .. ( شاركنا برأيك ) بسم الله الرحمن الرحيم الموضوع باين من عنوانه انا برأيي : أقول الهلال كان بكامل جاهزيته و لكن تقصير أداء اللاعبين نسبيا في الشوط الأول خصوصا و التنظيم النصراوي الجيد كان سبب في الخسارة و إنت وش رايك ؟؟ مستر هلالي |
دلاخة باكيتا |
السبب داخلين الملعب و هم ضامنين الفوز وعدم الحماس الافي العشر الدقائق الاخيرة على العموم حظ اوفر في اللقاءات القادمة |
صدقوني الانتقاد الصحيح هو الطريق المؤدي إلى سد الثغرات في فريقنا ، ياأخوان هل الدعيع الآن مثل قبل ثلاث سنوات ، وانظروا ماشاء الله لتفاريس ماشاءالله ثبات وثقل ، وأيضاً المفرج لايلام لأنه أراد تشتيت الكره ولكن جلا على العموم راح نستفيد من أخطاءنا والحمدلله قدر الله وماشاء فعل وهذا حال مبارياتنا مع النصر هجوم هلالي وانكماش نصراوي وأتحدى أحد يجيب لي مباراة صار فيها الهلال متقوقع في الدفاع والنصر يضغط عليه أتحدى . |
11 واحد دفاع عادي نطلع بتعادل |
إقتباس:
عادة النصر ... مايجتهد الا قدامنا وباقي المباريات خساير وفضايح.... النصراويين لعبوا بحماس وتركيز شديد... واعتقد انها أفضل مباراة لهم من سنين.... فقط تابعوا المباراة القادمة النصر وشوفوا مستواهم السيء .... |
النقل البطي للكره وعدم الاستفاده من الهجمه المرتده يمشون حبه حبه |
الثقه اللي اصابت لاعبين الهلال والكل متوقع هذا الشي ولا يوجد بديل للهلال مع احترام للي يقول سامي ولا الجمعان سامي هذي اول مباراة يلعبها في هذا الموسم يعني صعبه يلعب من بداية المباراة والجمعان كذلك نفس المشكلة السوال وين التمياط والعنبر وعزيز والصويلح |
لاتقولون خساره 00 هذه لعبه فيها فوز وخساره 00 والله يوفق الزعيم في الجايات 00 اما العنبر والصويلح والتمياط بالمنتخب 00 تحياتي 00 |
^ ^ ^ كل اللي سالت عنهم في المنتخب مع ان العنبر فيه اصابة . |
باكيتا ثقة الاعبين والي زرعها الجمهور فيهم اكثر من الازم >> اجل تاريخيه اخير صرف رواتب ومكافات لاعبين النصر قبل المبارات ووعدهم بمثلها في حالة التعادل ومايشوفنها الى مبارات الثانية لووووووووووول |
الثقه الزائده حضور الجماهير من اجل تشجيع سامي فقط وليس تشجيع الهلال وهذا شيء واضح لكل اللي كان في الملعب... حتى الهدف لما جاء طالبتوا بسامي وما حيتوااا جلسي زي ماتحيوا سامي او كماتشوا حتى صاحب التمريره ما حيووووه الجماهير..... وبصراحه اعتبرها هزيمه للهلال.... |
في المنتخب وياسر والشلهوب وسامي وين راحو |
^ ^ ^ مع المنتخب يالطيب الحقيقه تكتل دفاع النصر .. اضافة الى انهم دخلوا المباراة وكأنها على نهائي أهم اسباب خسارة الهلال بالتعادل |
السبب 1:المفرج 2:الدعيع 3:المدرب (باكيتا) هم سبب تعادل الهلال |
1-تأخير التبديلات. 2-الثقة الزائدة. 3-إستهتار بعض الأعبين.((عدم الجديه)). الله يوفق الزعيم في المباريات القادمة. |
باكيتا نكبه والثقه الزايده باللعيبه واخطا الدفاع هذا اول شي من ناحية الهلال ومن ناحية الحالمي اتوقع لاعبين بطريقة 1/1/8 ومعتدمين على الهجمات المرتده وصح موقفينهم ياسر الياس والخثران بس يوم دخلوا مع النص لقوا المفرج لحاله قالوا طفشان يالشيخ اجل نبي نهبل بك شوي ونص المباراة جت عن طريق المفرج ومنها جا الهدف وبالصدفه لاتصدقون يالنصراووين :D الله يرجكم يالنصراووين والله انكم فرحاااااااااااااااااااانين بالتعادل خخخخخخخخخخخخخخ اطلق مباراة واحلا مبارة للحالمي اليوم من ثمان سنوات كككككككككككك |
إقتباس:
بصراحة باكيتا داج وجيب أي واحد من الشارع وعطه نجوم الهلال وشوف شنو النتيجة قدام النصر .. بعدين يا إخوان لو لعب النصر على قولتكم 11 دفاع حنا بكم لعبنا هجوم ؟؟؟؟ ليش حاط باكيتا (إذا كلامكم صحيح ) قلبين دفاع واثنين أظهرة وخمسة وسط ومهاجم يدربي راسه بين كل هالدفاع؟؟؟؟ شتبون ياسر يسوي ؟؟؟ بعدين متى بدى بتغييراته الذكي (أي هين ) باكيتا؟؟؟ يعني كان راضي باللي يصير أنا كنت متوقع يغير بين الشوطين أو بعد بداية الشوط الثاني بعشر دقايق كحد أقصى لكنه متكي وأهم شي عنده مايطلع خسران ... إذا الدعوة كذا ياعالم خلوة يخسر بس يلعب كورة زي الأوادم نبي نشوف فريق يهجم ويضيع ويسجل مو مهم المهم يمتعنا يعني نفتخر في لعبنا حتى لو خسرنا مو فايزين بسماجة وبرود باكيتا ... بالله شوفوا هجوم الوحدة كم سجل وهجوم القادسية وهجوم الإتحاد ... البعض يقول ياخي شف دفاعنا كم دخل فيه يعني إن لعبنا متزن حنا نبي كورة زي الناس نبي إبداع مو سماجة من شان ثلاث نقاط وفرق هدف.. الموسم الماضي قعدنا نحسب فرق الأهداف بينا وبين الشباب وكم يبي لنا من شان نصير المركز الأول وطلع الشباب وصرنا الثاني وفزنا بشوتين !!!! تذكروا النهائي المثير والحماسي اللي جمعنا بالشباب وقذيفة سامي ياعالم .... |
المدرب باكيتا رافعٍ ظغطي لأنه ماطلع جيلسون على حساب انه برازيلي , والمفروض أن سامي لاعب من بداية المباراة بدلاٌ عن جيلسون اللي مابراسه كورة وأيضاٌ العصفور بدلاُ عن الياس , ويلعب بخطة 4-4-2 . وأيضاُ لاتنسوا أن فريق الفقر دينه ودين انه ينهزم من الهلال لانه يعتبرها فقدانا لبطوله تقام في السنه مرتين وهو طرف ثابت في النهائي . |
طريقة لعب الهلال 4 ،5 ، 1 المفرج(( المخرب )) عدم وجود البرقان |
1- الثقه المفرطه بالفوز 2 -التكتل الدفاعي لفريق النصر 3 -غياب المهاجم ياسر القحطاني 4-غياب الغنــــــــــــــــــــــــام 5-يتحمل باكيتا التاخير في نزول المهاجمين الجابر والجمعان وشكرا بالتوفيق لزعيم أسيا |
الحظ+ التشكيله+المفرج |
التعادل بسبب تهاون لاعبين الهلال وبرود ياسر واخطاء الدفع وغياب خالد عزيز |
المدرب بالدرجه الاولى بصراحه المدرب معطي الثقه لكماتشو وكنه رونالدينوا مو كماتشو وثاني شي الخطأ من المفرج الي جا منه هدف النصر وحتى آداء الاعبين بالشوط الأول ابد ابد ماكان لايق للهلال هاللعب |
انا اعتقد ان السبب في الاعلام والتخديـــــــــــــــر الاعلامي احنا كنا مخدريــــــــــن وواثقين من فوز الهلال لانه يلعب امام نادي في حاله في هذا الوقت يرثى لها وكنا مخدريـــــــــــــــــــن الين ما جا الهدف النصراوي قمنا ولعبنا بحماااس ولا المفروووض كان من بداية المباراة يصير هالشي وكل واحد وله وجهة نظر |
إقتباس:
حرااااااااااااااااااااااااااام عليك الدعيع وش ذنبه والله ماله اي ذنب في الكوره:nono: ومن رائيي 1- تكتل الدفاع النصراوي (كل الفريق في الدفاع):wallbash: 2- غياب (مكللي العرب) خـــــــــالد عزيز والله مأثر تأثير كبير في خط الوسط:wallbash: 3- تغيرات باكيتا المتأخره:wallbash: |
:wallbash: انا رأيي الإعلام سبب التعادل وتأخرالتغييرات ولا تنسى ان النصر مقفل الدفاع والمفرج سبب الهدف كان كاشت اليوم |
أنا أعتقد أن باكيتا يتحمل أغلاط بس ولو الاعبين يحملون كل الأخطاء تقريباً يعني وبكل صراحه الهلال اليوم ليس بالمطلوب أبداً ولا المتوقع الهلال محتاج على ماأظن أن رئيسه يضغط شوي على اللاعبين في الرواتب علشان يحسون بقيمت المباراه فقط لأن أنا أحس أن الاعبين متساهلين في المباراه بدرجه كبيره جداً وأمنيتي هي عودت الزعيم لقوته ومستواه |
انا رأيي الإعلام سبب التعادل وتأخرالتغييرات ولا تنسى ان النصر مقفل الدفاع والمفرج كان كاشت اليوم |
مباراة البطولةللنصر خطة النصر المفرج وهي زلة بسيطة أن شاء الله الثقة الزائدة للأعبي الهلال |
تعقيب على الكلام اللي قلته ابغى اضيف ان الجهه اليسرى ضعيفه صح الخثران ما قصر يعطيه العافيه وين البديل او الاعب اللي يلعب في اليسار لان الخثران يوم طلع مافي مين سد مكانه.. |
انا اقول اول شي اللعب بارد او ثاني شي التبديلات متئخره جدا جدا جدا |
السبب هو 1 _ الثقه الزايده الي بغت تجيب فينا العيد. 2_ دخول الجمعان في آخر الدقايق معنه المفروض يطب من اول الشوط الثاني . |
صراحة كنا ظامنين الفوز؟؟؟لكن غرورنا كلن هو السبب؟؟؟ ولا يهون السيد/ المفرج الذي لم يلعب للمنتخب الاول ابدأ في حياتة؟؟؟؟؟ فمتى يفهم المفرج؟؟؟؟؟؟ |
بصراحه اسباب التعادل باكيتا والثقه الزائده والدعيع مانقدر نلومه بالعكس نلوم الدفاع العلياني يمر من ثلاثه؟؟؟؟؟؟؟ |
السبب داخلين الملعب و هم ضامنين الفوز وعدم الحماس الافي العشر الدقائق الاخيرة على العموم حظ اوفر في القاءات القادمة |
السلام عليكم المباراة مايبيلها النصر بالتكتيك حق القروني(كابيلو) دفـــــــــــــــــــــــــــــاع حتى الوسط مافيه صانع لعب(كلهم محاور) +مرتده فيه اخطاء من الدفاع شفنا خطاء المفرج _الغنام بس الهلال في المباراة ككل ماقصر ماسك الكوره و واضحه افضليته وكان يستحق الفوز بس مكتوب في الاخير مساكين النصر مبسوطيــــــــــــــن كلهم بالتعادل ههههههههههههههههههههههههه |
شوف التوفيق كان له دور كبير لكن كان فيه نقاط ضعف هزت الفريق واهمها المفرج والياس اللي اعتبرهم الىالحين عله الزعيم وخاصه الياس لاعب مجتهد بس مو بالهلال يعني مو مناسب والعصفور اجى منه كثير وكنا نحتاج العصفور اليوم اكثر للأطراف . غير كذا سامي كان غير جاهز وباين هالشي من ركضه بس كان المفروض دخول الجمعان وبقاء القحطاني . ولي ملاحظه على جيلسون لأني اشوف انه مايفرق عن لاعبينا ابد وماسوى شي يبشر بالخير يمكن الهدف يصبر الجمهور عليه اكثر بس انا اشوف اننا بحاجه الى لاعب بمستوى لاعب الأهلي المغربي يعني لاعب مهاري يفك الضغط على الشلهوب اللي حوصر كثير البارح وتوقف الزعيم . |
أنا أقول الحكم ماقصر علينا وش نسوي |
بعتقد ان السبب الرئيسي في التعادل يكمن في اللاعبين لان شفناهم في الشوط الاول مافي تنظيم او بالاصح مافي حرص على الخروج من هذا الشوط بنتيجة ايجابية وعدم استغلال الفرص ومشكور خيو على الموضوع |
اعتد ان الطريقه الدفاعيه التى لعب بها النصر هي السبب في ظهور الهلال بهذا المستوى المتواضع |
علشان 11 لاعب دفاااااع ما بقى الا القروني معهم...... ولو الاعبين لعبو زي اخر الوقت حتى لو جمهور النصر دافعوا معهم كان فزناااا... وهاردلك للجميع |
:confused: احنى خسرنا المباره ولم نتعادل لدخول الفريق واثق من الفوزونسينا انناانهزمنا من الطائي في القريب اتمنى من الجميع ان ينسى مافات وان ينضرللقادم ويعطيكم العافيه واتمنى من الجهازالفني والتدريبي ارحت الشلهوب وانزاله في الشوط الثاني افضل من ناحيت العطاءوياسرالقحطاني ايضا لكثرت الضغط النفسي عليه من قبل الجميع خذراحتك يياسرفانت ابن الهلال لايهمونك انت وغيرك من ابناء الهلال المحاربين حتى من الاهلs13s |
ياأعزائي من وجهة نضري سبب التعادل واضح &11مدافع& أتحدى إن الكوره توصل للباب عدم حماس اللاعبيين ناقصنا أبوعزيز والتمياط**والمبدع الصويلح** المفروض الصويلح يدخل بدل سامي وبعدين اللي قاهرني إن باكيتا ينزل الياس ويترك العصفور *بالله ذامنطق* وبعدين أنتوا لاتثقلون على الاعبين تبون تفوزون في كل مباراه ...والله حاله حنا بصراحه ودنا نفوز في كل مباراه لاكن لكل مباراه ضروفها من عدم حماس أوإنضباطيه وغيرها |
اولا / التوفيق بيد الله سبحانه وتعالى ... ثانيا / ساهمت التوقعات والترشيحات بفوز الهلال نظرا لظروف النصر واكتمال عناصر الهلال إلى إحداث حالة من الارتخاء البدني وعدم التركيز اثناء التمرير وعند تنفيذ الفاولات ، وعندما سجل النصر أنتفض لاعبي الزعيم وسطروا لمحات كروية في غاية الجمال أفسدها حظ ياسر القحطاني المتعثر وتكتل الدفاع النصراوي ...... عموما هاردلكم يازعماء فما زال الهلال متصدر الدوري ... |
السبب هو دخول الهلال في ثقة كبيرة في الفوز والسبب الثاني تكتل النصر في الدفاع |
11 واحد دفاع عادي نطلع بتعادل |
أشكر الجميع على المروور و إبداء الرأي و إن دل فهو سيدل على حبكم لنادي الهلال ولكم أجمل تحية مستر هلالي |
ليه تظعون اللوم على باكيتا اتمنى انكم تشاهدون التغييرات اللي سواها قسم بلله كبر بعيني مع اني ماكنت اتمنى التعادل بس فرحت لان النصر عاد الى مستواه <<< لا تقولون مثاتلي |
أشكرك على المرور يالغالي مستر هلالي |
الهلال لعبه في الشوط الاول سامج على العموم سامج من ناحية الفريقين الهلال الشوط الثاني اوكي بس المدرب تاخر في التبديل لو انه بدل قبل بعشر بربع ساعة كان الهلال فايز وعندك كماتشووالياس امس نووووووووووووووووووووووووووووووووووووووووووووووووووووووووم اه بس لو ان الجمعان خاش بدري |
اقسم بالله الطريقه الدفاعيه اللي لعب فيه الفقر برغم هذا الزعيم جاءت له فرص حلوه لو تخلى الفقر عن الطريقه الدفاعيه كان شفتها تاريخه لكن الحمدلله على كل حال |
أنا اقول الثقة الزايدة واستهانة الهلال بالنصر بالنسبة للمستويات الماضية اللي قدمها وانا مااقول كذا الا من حبي للهلال .. وبالفعل النصر فاجىء الجميع بستواه وشكراً على الموضوع الجميل |
السبب الاول = هذا حال الكره (( فوز - هزيمه - تعادل )) ثانيا = تكتل فريق النثر في ملعبه (( خطة 9 - 1 )) والحمد لله على كل حال وتحياتي |
لما يكون عشرة فى الدفاع وانت عندك روهنالدينيو ما تقدر تسوى شى |
يا زعماء اللي ( تفوز به العبه ) لا تلومون النصر انه لعب بطريقه دفاعيه لومو الهلال لانه ما قدر يسجل او انه ما شكل خطوره كبيره على مرمى النصر و اكبر سبب كان ان الهجمات الخطره كلها من طرف واحد فيسهل على النصر انه يقفل الجهه و انتهى الموضوع و لو لاحظتو ان الهلال من الجهه اليمين يسحب و يدخل المنطقه لان النصر مركز على اليسار لكن المشكله ان اللي يدخل المنطقه ما عندك احد ( الغامدي و الياس ) و جيلسون قدام يعني اليمين من فيه ؟ ( و لا احد ) |
الضغظ النفسي والتأخر في التغيير هارد لكم وبالتوفيق للزعيم في قادم المباريات |
الثقة الزائدة في باكيتا التبديل المتاخر القوقعه النصراوية في الدفاع 11لاعب دفاع وين بلاستيشن الاستهتار من الاعبين الهلاليين فيالنصر |
الدفاع المستميت من النصر.. |
وجهة نظر: من ناحية الجاهزية الفنية : دخل الهلال المبارات وهو في أعلى مستوياته الفنية رغم النقص في بعض العناصر وكذلك النصر كان جاهزا فنيا إلا أن مستوى أداءة كان متواضعا بسبب تواضع مستوى عناصر الفريق . الحقباني وفيصل سيف فقط يمثلان ثنائي متكافئ مع الغنام والغامدي ، وأما بقية خطوط الفريقين فالتفوق الهلالي واضح جدا . أسباب التعادل : 1- بشهادة تاريخ لقاءات الفريقين التي تقول أن النصر يقدم أحسن مستوياته الفنية أمام الهلال. وهي حقيقة واضحة ولو أن النصر يلعب مع الفرق الأخرى بنفس مستواه حينما يلعب مع الهلال لما غاب عن البطولات . 2- بشهادة التاريخ نفسه التي تقول أن الهلال يظهر مرتبكا أمام النصر ويفتقد للثقة بنفسه حينما يقابل النصر. هذان السببان الرئيسيان أفضيا إلى مايلي: جميع لاعبي الهلال لم يظهروا بنفس مستواهم أمام الأهلي . الشلهوب كان نحلة أمام الأهلي ظهر أمام النصر وكأن لاحول له ولا قوة . حتى باكيتا ظهر عليه الارتباك فلم تكن تغييراته موفقة من حيث التوقيت . وحتى الحكم العمري خانه التقدير حينما أغفل خطأين على مشارف منطقة الجزاء كانت إحداهما على الأقل كفيلة بجلب الثلاث نقاط . ولكن لم يكن الهلال يستحقها عطفا على مستواه. فقد كان النصر قريبا من تسجيل هدف الفوز . القحطاني استسلم للرقابة ولم نره يتحرك كثيرا ولو كان سامي مكانه لتغير الحال جملة وتفصيلا . الضغط على حامل الكرة اختفى في لاعبي الهلال . عموما الصدارة ستحسمها اللقاءات مع الشباب والاتحاد فهما الفريقان الوحيدان المؤهلان لمنافسة الهلال على الصدارة . ومناقشة لقاءاتنا مع فريق النصر يجب أن تبدأ من : كيف ننسى الرعب ونتفرغ للعب ؟ |
| الوقت المعتمد في المنتدى بتوقيت جرينتش +3.
الوقت الان » 01:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd