<===== قصيمي
,,,
يعني لا يجيني واحد ويتفلسف ولا يتذيهن , أقعد أرفع به إلين يعض الأرض
,,,
وطبعا الكلام عن أهل القصيم مايعني أبدا التقليل من أهل باقي مدن مملكتنا الحبيبه فجميعهم مكمل لبعض في خدمة هذا الوطن ,,,
القصيم هي إحدى مدن مملكتنا الحبيبه , ومنطقة القصيم غنيه ثقافيا لترامي أطرافها ولا يجاريها في ذلك أي منطقه أخرى ,,,
نبي نتكلم عن القصيم بشيء من " التعميم " وبعدين نتكلم عن مدنها الرئيسيه وخصوصية كل بلد من منظور ميتافيزيقي ( إفلقني أنت وياه إن عرفتو معناها ) ,,,
وش هي الأمور اللتي تتميز بها القصيم ويتميز بها أهلها ؟؟ ,,,
- موقع إسترتيجي خطير ,,,
- أرض زراعيه خصبه فهي أحد أهم عوامل الإكتفاء الذاتي المحلي من القمح وتمورها معروفه حتى على المستوى العالمي , وهذه حقيقه يعترف بها مستوردي التمور الأجانب ,,,
- مدينة العلم والأخلاق والرفعه والأدب والدين وتفخر برجالها في هذا الجانب العلماء من أمثال الشيوخ ابن عثيمين السدلان والفوزان والمسندوائمة الحرم مثل السديس والسبيل والخليفي ..... وغيرهم كثير ,,,
- التجاره من أهم الأمور اللي يمتاز بها أهل القصيم وهم أحد أيادي التطور في مملكتنا برجالاتهاومشاريعهم في بداية النهضه والتطور من أمثال الراجحي والعويضه والعليان ..... وغيرهم كثير ,,,
- أهل القصيم هم أهلا للثقه دائما وهذا يجعلهم ذوي مناصب مهمه بالإضافه إلى كفائاتهم العاليه ولنا في العساف وأبا الخيل والنمله والتويجري أمثله بسيطه ..... وغيرهم كثير ,,,
- القصيم منبع للرجال النشاماء والكرم وهذي طبيعه في أهل نجد بصفه عامه ,,,
@@ طبايع بعض مدن القصيم وعاداتهم
,,,
كلنا يعرف مدى روعة وجمال اللهجه القصيمه ونعومة مفرداتها .... لدرجة إن فيه بحوث لعلماء مستشرقين يقولون إن القصمان فيهم عرق " فرنسي " والغالب إنه من جهة خوالهم ,,,
شوفوا الجمله هذي وإحكمو .... بوه مير نيم , حتى بعض الأحيان ونتيجه للتأثر الشديد بخوالهم يقولون .... بوه " ميغ " نيم
,,,
وهذي العباره تعني " لغير الناطقين بالفرنسيه " ;) .... فيه لكنه نايم ,,,
أيضا , أهل القصيم مهتمين كثيرا " بطلتهم " لدرجة إنهم يسمونهم لبنانيين المملكه لإهتمامهم الكبير بحسن طلعتهم .... وهذا الشيء مطلوب , فمادام مخبرهم الداخلي كالألماس فلماذا لايكتمل بالشكل اللبناني الجذاب ؟؟ ;) .... والأدله كثيره وواضحه بهذا الخصوص , لكن ماراح تلقون أكبر وأوضح دليل مني بوسامتي وطخامتي وطعامتي
( الله يخلين لي ولا يحرمني مني ) ,,,
<==== شعره أشقر ومسبسب وعيونه عسليه وخشمه سلة " محذوفات "
سيف ,,,
بريده :
أهل الكرم والطيب ,,,
أهل بريده وبحكم إنهم أهل عاصمة القصيم فتراهم شايفين أنفسهم شوي ومعهم كل الحق بكذا ... والله يلوم اللي يلومهم , يعني عاصمة القصيم بكبرها ولا يشوفون حالهم !! هذي كبيره شوي
,,,
مشهورين بالعرس على حريمهم .... لدرجة إن الأم إذا جات تدعي على بنتها تقول لها .... روحي الله يزوجك ببريداوي علشان يصكك بأربع حريم
,,,
عنيزه :
أهل العزه والإباء والثقه ,,,
أهل عنيزه هم أهل الكراث
... مايحبون النقاده أبد ;) وعلشان أثبت لكم إنهم أهل عزه , فهم مايقولون مثلا نبي نروح للقصيم ... يقولون نبي نروح لعنيزه
,,,
الرس :
أهل الطيبه والحبابه والأخلاق العاليه ,,,
أهل الرس هم راعين الحبحر
... هم صحيح طيبين وحبيبين لكن " بعض " الأحيان تكون بزياده
,,,
البكيريه :
أهل الشهامه والنخوه ,,,
يعزون شيء إسمه " بقره "
ليه ؟؟ ... الله أعلم
,,,
نفسهم في بعض الأحيان اللي مايكون فيها رايقين تكون شينه .... يعني مهوب دايم , لا بعض الأحيان ,,,
الخبراء :
أهل الإلتزام والإنتظام ,,,
حبيبين بالحيل أهل الخبراء وقليل منهم راعين مشاكل وتلقى بينهم أنواع الهواش والتكافخ
,,,
البدايع :
أهل السماحه والبشاشه ,,,
أهل البدايع هم أهل " القرع "
... ديارهم كلها مزارع وخضار وهذا يعني إنها قليلة حظ بالتطور .... وهذي ماتسمى " قراوه " تسمى حب للطبيعه والأصاله
,,,
وفيه الكثير من المدن في القصيم ولأهلها العديد من مكارم الأخلاق .... مثل الشحيه ورياض الخبراء والهلاليه والقرعاء , وغيرهالكن ماذكرناها هي تقريبا أكبر مدن القصيم واللتي يتبع لها الكثير من القرى والهجر ,,,
تحياتي للجميع ,,,
أنت من القصيم ؟ .. أجل تعال أكلمك عن نفسك 
الوضع العادي
