06/08/2001, 02:13 AM
|
| زعيــم جديــد | | تاريخ التسجيل: 20/07/2001 المكان: الرياض
مشاركات: 7
| |
فـلـمـبـان يلعب بلوت صدق ولا بسلامك
********** الــســـ عليكم ـــلام **********
يسولفي واحد امون عليه وهو يمون على الاتحاد
الآسيوي . يقول هاك اليوم مريت عند حارت الاتحاد
الآسيوي وانا ما شفتهم منذ مبطي قلت يا ولد مر
سلم عليهم . يوم وصلت ودخلت عليهم ولاهم
متسدحين عند التلفزيون يناظرون مباراة (
كركت ) يوم شافون ومير يتناقزون واحد قام يسلم
علي والثاني قام يغسل بياله والثالث طمر راح
يجيب ورقة البلوت .. ونا صراحة ما اعرف
بالبلوت الى انه مابه جوكر . قلت ما اعرف العب
قالي اللي جاب الورقه كلنا ما نعرف ... ( الله
يصلحه يحسبن متواضع ) قعدنا ودقوا الولد طلعت
انا( وبيتر فلمبان) مع( سوا) و( اسد تقي )
و( الدبل ) مع (سوا) وانا اسمع ان بيتر الله
يصلحه ( حار ) ومهب يحب المزايت ولا الرص .
وانا ما اعرف هالمصطلحات بس اسمعبهن .
وزعوا واول لعبه لعبته ما ادري وش صار قفلت ما
بيتر و( صك ) الورقه بوجهي قلتله
وانا ( قامط ) يا خوي قايلن لكم ما اعرف
العب . وحنا نتهاوش ( زعق ) فاروق بوظو وهو
منسدح على المركات ومعه الريموت ... شوفوشوفو
طيرنا عيوننا بالتلفزيون ولاهم جايبين حفل
تتويج افضل الفرق والاعبين والمنتخبات في
اوروبا. وسمعنا المذيع يقول وقدحصل فريق ريال
مدريد على جائزه افضل فريق في اروبا هذا
القرن . قام بيتر وصك التلفزيون قبل ما يكمل
المذيع وفيه لمبه مولعه فوق راسه اثره جته
فكره يوم سمع المذيع قال وشرايكم نسوي زيهم
ونحط جائزه افضل فريق في القرن في آسيا وافضل
لاعب وافضل حكم وافضل مدرب وافضل واحد يجيب كور
في آسيا . قال فاروق بوظو فكره حلوه بس وشلون
نقدر نحكم منه افضل فريق وعلى اساس ايش . هرج
اسد تقي وقال الظاهر انهم يختارون على حسب
الاقدميه قال الثاني لا يا غبي يختارون على حسب
الشكل يعنى الى صار الفريق كلهم زينين يصرون
افضل فريق . رد الدبل وقال لا ياخوي يختارونهم
على حسب الجسم قال بيتر يمكن على شان الطقم .
احتاروا الجماعة على اي اساس يختارون الفريق .
واتفقوا انهم يحترون رئيس الاتحاد الآسيوي لين
يجي وهو يقرر . سألتهم وينهو رايح قال مودين
عياله لحراج بن قاسم وبيجي . شوي ولا الرئيس
داخلن علينا علموه السالفه قال : يا ( كمخ )
الموضوع بسيط شوفوا من اكثر فريق بطولات على
مستوى القاره ويصير هو فريق القرن اقتنعوا
الجماعة الى واحد ما له داعي نقول اسمه .
المهم اشر الرئيس لواحد من اللي منسدحين وقاله
قم طق الكمبيوتر كف وشف لنا منهو الفريق اللي
عنده اكثر من غيره بطولات . رد عليه المسندح
قال يا طويل العمر الكمبيوتر خربان له (
شهرين ) قالوا بسيطه نحسبها بيدينا وبدوا
يعددون منهو اكثر فريق ويسجلون على كرتون
المناديل اللي كنا نسجلبه البلوت هالفريق جاب
( 5) خمس بطولات وهذا (10) عشر بطولات المهم انا
طلعت وهم يعدون وش رايك انت ؟؟؟؟؟؟؟
رديت عليه
هو فيه غيره
حقق البطولات الآسيويه على اشكالها وما خلا بيتر
وربعه يسوون بطوله الى وجابه
يا خوي فريق عنده ( 35 ) بطوله من كل شكل ولون
طب وتخير بالله عليك ما يستاهلها
فريق عنده بطوله ما تجي الى كل ( 100) سنه
يعنى الظاهر والله اعلم انك منتب لاحق على
الثانيه بالله ما يستاهلها
فريق هو الوحيد اللي جمع البطولات الآسيويه
الثلاث ابطال دوري وابطال كأس وسوبر بالله ما
يستاهلها
فريق عنده يوسف الثنيان وسامي الجابر ونواف
التمياط ومحمد الشلهوب ومحمد الدعيع وابو ثنين
واحمد الدوخي بالله ما يستاهلها
فريق لعب فيه منذ مبطي نجوم من الوزن الثقيل
امثال ريفالينو ونجيب الامام وفهودي وصالح
النعيمه وفهد المصيبيح مايستاهلها
رد خويي وقال يا خوي انا مقتنع بس رح قلهم
هالحسي
( تم نقل المقال من أحدى المنتديات للكاتب الفاهي )
ودمـــــــــــــــــــــــــــتم |
الوضع العادي
