موقع سعودي رياضي محجوب غريبه ؟؟؟؟؟؟ - نادي الهلال السعودي - شبكة الزعيم

المنسي · #1 05/08/2001, 11:33 PM

سلام شباب والي يرحم واللديكم الي
فاهم بالبركسي او بطريقه كسر البروكسي يجربه مع موقع سامي ذا ليش محجوب
وش السبب وهل هو صحيح مانسمعه من الاخوان هنا في المنتدى فيه ايدي نصراويه
عن طريق دار الملك لها ايدي خفيه هي التي حجبت الموقع ان كان صحيح فقل على
الدنيا السلام كان فيه ناس الى الان وحنا تعدينا القرن العشرين بها العقليه
السخيفه والمخجله السطحيه كلش ولا حبيب القلب الذئب ساميووووووووووووووووووووووووو
تكفون عطونا الخبر اليوم وهذا الموقع الي ابيكم تجربونه وتعطونا الخبر

http://www.angelfire.com/ks2/sami/

الهلالي محمد · #2 05/08/2001, 11:40 PM

اخوي المنسي

الموقع طالع عندي

وحتى الان لم يفتتح

وصاحب الموقع هو الاخ سفر المرزوقي

المنسي · #3 05/08/2001, 11:48 PM

هلا والله اخوي الهلالي محمد كيف تقولي فاتح معاك انا محجوب الموقع
عندي مكتوب (( الوصول لهذه الصفحه غير مسموحه به)) وياليت احد الاخوان
يجرب ويقولن هو يفتح معاه ولا انا بس الي محجوب عني غريبه والله

العنيد 2001 · #4 05/08/2001, 11:52 PM

ايه والله انك صادق ماادري ليش ممنوع
الدنيا بدون سامي

على العموم ان شاء الله الادارة تقوم بصيانة الوقع ونا واثقين ان شاء الله بالادارة وشكررررررررا

الهلالي محمد · #5 05/08/2001, 11:54 PM

ربما لا الانترنت الي عندي

غير تابع لمدينة الملك عبدالعزيز

ســ9ــامــ9ــي · #6 06/08/2001, 12:35 AM

أخوي محمد ...

الموقع محجوب من فترة طويلة ...

وأرسلت أكثر من 10 إيميلات للمدينة ولكن لاحياة لمن تنادي ...

مع العلم أني تعبت في تصميم الصفحة الرئيسية ...

وكنت في طريقي لإكمال الموقع ...

ولكن ...

المدينة حطمت الموقع وحطمت نفسيتي ...

ولك تحياتي ...

أخوك / سفر المرزوقي .

المئـوي · #7 06/08/2001, 12:45 AM

اخوي المنسي لاتزعل الله يسلمك انشاء الله المواقع الجاية للذيب

كثيرة وعشاق ساميوووووووووووو كثر ماتدري بكرة انشاء الله يضع

واحد موقع عن سامي

واخوي سفر الله يحطم من حطمك قل آميــــــــن وانشاء الله خيرة

في غيرة

تحياتي الى كل عاشق للزعــــــيم وليوسف ولســــامي

الهلالي محمد · #8 06/08/2001, 01:06 AM

خيرها بغيرها

اخوي /سفر

بس انا دخلت الموقع

وحتى فيه سورة لسامي في قناة اي ار تي

وفيه ايضا لنكات لمواقع هلالية ومواقع لسامي ايضا

ريفالدو=نواف · #9 06/08/2001, 02:47 AM

اولا :احب اشكرك يا أخوي المنسي على هذي المعلومة اللي هي حجب الموقع..
ثانيا:مو اي أحد يحجب الموقع في المملكة اللي يحجبه مدينة الملك عبدالعزيز وهي اكيد مسؤولة عن هذا الحجب
ثالثا:اما النصراوية ما لهم دخل...يا هلاليين ارفعوا رووسكم ...لا تناظروا بمن هم اقل من مستواكم..
رابعا:اعتقد ان السبب انه واحد بلغ على هذا الموقع انه موقع اباحي...وهم مساكين على نياتهم....

العالمي · #10 06/08/2001, 02:58 AM

الموقع محجوب .. لكن ليه يحجب وش فيه الموقع ؟؟
موقع عادي جدا .. رغم عدم اكتمال الموقع .. يحجب !
غريبين وبس يامدينة الملك عبدالعزيز !

ابوصالح · #11 06/08/2001, 03:48 AM

والله غريبه المنسي
يصير كذا بس انت

فد دخلته وهالايم

بس يمكن غير العنوان ولا

والله مدري بس انت صادق اخوي محمد الهلالي ان الموقع فاتح

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

امر عجيب صراحه بس مو ممكن متلخبط بالعنوان

أبوفيصل · #12 06/08/2001, 04:23 AM

يا شباب حتى مدينة الملك عبدالعزيز ما سلمة من يدين جحا والي معه اعزكم الله لاكن الهلال قوي بالله ثم برجاله ونشوف من الي يبي يضحك في الاخير يا كلب يا جحا

الحاير · #13 06/08/2001, 06:34 AM

انا عندي مقفل لكن فتحته عن طريق بروكسي ومافي اي داعي لاغلاقه شي مضحك
وموجود لنكات لمواقع الهلال والمنتدى ونادي ولفر هامبتون!!!!ليش الحجب
والغريبه انه مكتوب قريبا الافتتاح يعني كلمة قريبا للافتتاح وصورة سامي تدعي لحجب موقع يا لاسخرية الاقداروبعض

ولهان الليل · #14 06/08/2001, 07:49 AM

غريبة جداً

يااخي المدينة تقفل وهي ماتدري وش فيه الموقع ؟؟؟

والله غريبة ..سلمني على المدينة

عبدالرحمن الهلالي · #15 06/08/2001, 10:34 AM

شف وانا اخوك يا سفر تراها تعتمد على الشركه الي انت مشترك معاها مثلا شبكه نت البركسي حقها مشدد عليه واثير اقل وهكذا...
بس ماعليك رح لموجه دوس عندك واكتب ping www.اسم الموقعcom بعدين بيطلع عندك الكود في html للموقع انقله لفراغ العناوين واضغط انتر بيطلع عندك الموقع غصب على خشومهم... طريقه قديمه شوي بس تنفع احيانا