السلام عليكم ورحمة الله وبركاته

اكيد مستغربين من العنوان .. او تتوقعون انها تسحيبه ..!!
لكن هذي الحقيقه ..
وهي ان جميع مباريات الهلال في البطوله الاسيويه واللي بيشارك فيها بإذن الله راح تكون مشفره

لإن الـ آر تي .. قاعده تنتظر انتهاء فترة الخمس سنوات بعد ما ( ضحك ) عليهم الاتحاد السعودي قبل كأس آسيا اللي بلبنان واستطاع ان يحصل على حقوق البث لجميع النشاطات الاسويه لمدة خمس سنوات




طبعاً عام 2005 تنتهي هالفتره المجانيه اللي انبسطنا فيها وشفنا مباريات ببلاش ..!!!
وصالح كامل اكيد راح يشتري حقوق النقل للفتره القادمه


بس طالما ان الـ آر تي حتى الان ماجابت سيره للموضوع .. ويمكن اتكون مشغوله في احتكار كاس العالم للأنديه وكأس العالم للمنتخبات بالاضافه الى كأس امم افريقيا

اقول ليش مانستغل فترت انشغالهم ونتغدى فيهم قبل يتعشون فينا .. خصوصاً انهم ماراح يفكرون في حقوقها الا بعد انتهاء مبارة الاتحاد والعين ..!!

يعني يتقدم الاتحاد السعودي الان بطلب حقوق النقل للبطولات الأسيويه للقنوات السعوديه وياخذ حق النقل
وبكذا نقدر نشوف الهلال بدون تشفير والمنتخب برضو بدون تشفير

مدري هل كلامي راح يوصل او لاء ؟؟؟
يمكن فيكم احد ( واصــل ) ويقدر يوصله للمسؤلين ..؟؟
<< والله ماهقيت

بس ليش ممكن تصير


وانشالله ماتتشفر بطولات آسيا ..
هي الوحيده اللي كانت مسليتنا امام حالة ( الحرمان ) اللي انعاني منها




تكفون اللي يقدر يوصل هالكلام يوصله
قبل تطير الطيور بارزاقها
ويطير صالح كامل بآسيا كلها
ونروح انتابع الزعيم في المقاهي والكوفي شوبات << جمع كوفي شوب ترى

اخوي كل شي يهون لعيون الهلال
والله لو اشتراك القناة في 1000 ريال بالشهر اشتركة عشان الهلال
وبالتوفيق للزعيم

اخوي ابو ميرا

القصد ماهم اشترك في الار تي .. والا كان الشغله هانت
حتى لو ما اشترك بشوفها في كوفي شوب


بس انت تعرف البطوله العربيه على آر تي
وتتذكر الاستديو التحليلي
مدني رحيمي وعلى داوود وطقته

يعني استديو يجيب المرض

نبي انشوف المباريات بمحللين غير
واستديو غير
ومعلق غير بعد

نبي انشوفها على الأوربت
على الجزيره
على دبي الرياضيه
على بوظبي


يعني اتصير الخيارات امامك كبيره
وماتصير مجبور اتابع مدني وعلى داوود


هذا هو القصد

مشكوووووووووووووووور على الكلام الرائع

يستاهل الزعيــــــــــــــــــــــــــــــــــــــم

خلوه يكسب

النــــادي يكسب ..

وأحنــــا نخسر بتحليل الأخوه في الأستديو التحيلي الإتحادي .. !

الله يعين .. !

مشكوور أخوي عمر على الموضوع وإن كنت اخالف الأخ أبو ميرا

فأنا لن أدفع ريالا لصالح كامل لكي أتمكن من مشاهدة مباريات فريق سعودي في حين أن الجماهير المصريه تشاهد ما يحلوا لها بالمجان لعيون صفاء

في حال احتكار صالح كامل لهذه البطوله فالمقاهي أولى بالمال من اللي ما يتسمى

والاختلاف في الراي لا يفسد للود قضيه

حسبي الله ونعم الوكيل

مااافهمت شي

اخوي.. مو المشكلة الكلام يوصل ولا ما يوصل .. المشكلة ربعك عندهم دراهم يشترون النقل ولا لا .. كل شي وانا اخوك بدراهم ذا الايام .. والله يعين الجميع ..

انتهاء العقد 2007وليس2005 للبث المجاني

على مااعتقد