بسم الله الرحمن الرحيم
كان في شاب مقتدر ماديا ًعنده أصحاب كثيرين مرة و كانوا كل ليلة يجتمعون في مجلسهم.
كان أبو الشاب ملاحظ هذي التجمعات في كل ليلة لكنه كان يحتري الوقت المناسب على شان يكلم الولد، إلى أن جا ذاك اليوم
في ذاك اليو أخذ ألأبو الولد في الغرفة و قاله:أنا أبسألك سؤال ياولدي .....
أكيد جاوبه الولد وقاله : خير يابوي ......
ــ : الخير بوجهك لكن أنا كنت أسأل نفسي دائما وأقول بل و أتمنى أن يكون لك صديق في هذي الدنيا ..........
ــ : الله يا بوي صدق انك طيب أنا عندي أكثر من 10 أصدقاء
ــ: أنت متأكد أنهم أصدقاءك صحيح؟؟؟؟؟؟؟؟؟؟؟
ــ : أي يبه ولا ما كان يسمعون كلامي ويجون كل ليلة في مجلسنا
ــ: أنا عندي لك إقتراح ودي أنك تسويه
ــ : أنت تامر أمر يابوي
ــ : بكره العصر إن شاء الله أبيك تمر عليهم واحد واحد وتقولهم أنا محتاج ألحين 1000ريال ولا تخليلهم فرصه يسألونك لأيش هذي الفلوس
راح الولد في اليوم الثاني وسوى اللي قاله أبوه يسويه.......
رجع الشاب إلى البيت وهو مكسور الخاطر............
أبوه شافه في هل الحال عرف كل الموضوع قاله أكيد ما حد عطاك أي شي
ــ : و لا أحد حنى عطاني وجه ....
ألابو قام يضحك و قال للولد الصديق اللي ما يوقف جنبك في وقت الشدة أتركه
ولا تضن أنك راح تخسره...
أنا بقولك شي و ابيك تسوي .....
الليلة أبيك تروح ذلك البيت ..............
ووصف له البيت ....
راح الولد البيت في نصف الليل مثل ما قاله أبوه و دق الباب طلع له رجَّال
قاله الولد انا ولد فلان و يقولك أبوي يبيك تجيله البيت ألحين
راح الشاب مع الرجال
أبو الشاب من شاف الرجال قاله على طول وبجدَّيه كاملة أنا ذبحت واحد و أبيك تشوف لي صرفه قاله الرجال على طول وبدون تردد تعال بسرعه ندفنه أهو وينه
قاله الأبو هذا هو داخل
دخلوا داخل البيت و الولد كان يسمع كل الكلام
المهم لما دخلوا داخل راحوا الصاله و شاف الرجال الجثه مغطيه بطربال سأل صديقه : هذي هي الجثة ؟؟؟
ــ : أي هذي الجثة و أبيك تروح ألحين تدفنها بروحك تدري يا خوي أنا ما لي قلب.
ــ : أنا أدفنها و لا يهمك لكن أهم شي أنت ما حد شافك هذا أهم شي
المهم و لا أطول عليكم الرجال فتح الطربال و لا شاف إلا ما لذ و طاب من الاكل قاله وش السالفه؟؟؟؟؟؟؟؟؟؟؟؟؟؟؟؟؟
ــ : أبد بغيت اعلم الحمار ولدي درس في الصداقة.
و أعذرونا على الإطااااااااااااااالة