#1  
قديم 15/07/2001, 04:41 AM
مشرف سابق في شبكة الزعيم
تاريخ التسجيل: 12/08/2000
المكان: الريـــــاض
مشاركات: 2,917
يا مصيبيح نصايحك الهلال بغنى عنها!!!!!!


## فراغ + طفش= !!!!!!!!! ##


حاولت ان ابتعد عن الرياضه (( وخصوصا)) المتعلقه بأحوال ( الدوري المحلي )
وتعاقدات اللاعبيين وتصريحات ( ذ يـابة الانديه) من اللاعبيين والإداريين !!!!!!!
فهذا لاعب يصرح ويفرد عضلا ته وهذا اداري يهدد وذاك مدرب ( يلمح) ويبغى الفكه
من نادييه ،، وغيرها وغيرها

ومانلومهم صراحه لان الفراغ يولد الطفش ومسببات الطفش(( الصجه واللجه)) على غير سنع

بس الوضع كل ما له يزود !!! والملاحق الرياضيه (( ما تقدر تلبي احتياجات الطفشان))

فمثل الهلال واللي يهمني ويهم القراء لانه (( واجهة الكره السعوديه)) كثر بالاونه الاخيره

تصدعات خطيره كادت ان تعصف بهلال العريجاء الى نادي ( فوضوي) !!!!!!

لانني خفت ان يكتب بشعار الهلال (( اجتماعي وثقافي ورياضي ومشاكلي))!!!!

لكن الحمدلله ان الوضع ما اخذ فتره طويله !!!!

ونحن كجمهور هلالي(( واعي)) ومدرك للامور دخل هاجسه في يوم من الايام سقوط

الهلال والاسباب واضحه ولانحتاج للتذكير !!!!

المهم يا اخواني مصلحة الهلال (( الهلال فوق كل شى)) لان اللاعب مصيره يعتزل

والاداري مصيره( الاستقاله) <<==== هذا عندنا لكن غيرنا ( وارطيين)

ويبقى الكيان وهذا هو الاهم

علينا جميعا ان ننظر باي مشكله قادمه (( بعين هلالي غيور على ناديه))

لان مثل الجميع عارف (( الصيف من الفصول الطويله واللي تحتاج لتقطيعه))

وبعض (( الهامشيين )) يكونون من الفئه ( الطفرانه) واللي يستهوون هذا النوع!!!!

يعني مانلوم جماهير الكره البعد عن شى اسمه (( كوره))!!!!!!!!!!




## التمياط ودروس مجانيه ##

كم انت رائع يا ابو بندر بداخل الملعب وخارجه فهذي ميزه قلما تجدها بلاعب حالياً
فنـــواف من اللاعبيين الذين يمتلكون (( خُلقاً)) غزيراً وماهي غريبه على نادي
مثل الهلال انجب ( المصيبيح وسعد مبارك وعبادي الهذلول وسامي والنعيمه)

نواف شفاه الله من اصابته والله يرجعه لاهله واحبابه اصبح واجهة الهلال خارجياً
فيكفي اقتران اسمه ((بالهلال)) وهذا بحد ذاته شرف لكل هلالي

المطلوب من اداراة الهلال عدم التفريط منهم (( بمعدن)) نواف لان نواف ومنهم على شاكلته
لايعوضون ولايقدرون بثمن!!!! وكم هي مصيبه اذا سمعنا انتهاء عقود لاعيبتنا!!!!!
لان الاسم الاول البارز هذا الفتى !!!!!
فلاعبيين مثل التمياط والشلهوب والغامدي والمطرف ( هم أمل الهلال )!!!!!!!
واستغرب (( الاستخفاف بعقولنا)) حينما نسمع التفاوض مع احد الاسماء السابقه!!!!!

علينا كجماهير مد العون لكل هلالي (( نجم)) بتوفير كافة شروطه لكن بحدود المعقول!!!

لان فريق يضم بين جنباته ( تُخمه) من أ لمع نجوم المنتخب واهم ركائزه 00000



## مدرب الهلال الشاعر وحلمه اصبح واقع ##

كم هو جميل ان يتحقق حلمك الى واقع وما اجملها من لحضات !!!!

فمنذ ان كان الشاعر مدربا (( لمنافس الهلال قبل 15 سنه)) كان عقله وفكره بالهلال

والحق معه !!!

فريق (( يبيض الوجه)) دايم ويرفع أسهم المدربيين ويمشي سوق الجرايد من بكره
ويّربح الاتصالات السعوديه!!!!!!!!

فالبرتغالي هو مدرب له بصمه واضحه من خلال النادي الذي ( تهور) ودربه لانه خلق
شى من لاشى !!!! ولكن للاسف ((( لم يعرف الذهب معهم لان الجار ماخلى للمحتاج حاجه)))

لكن انا ضد من يقول بان الهلال محتاج للفتره القادمه مدرب تكتيكي !!!!!!!

لان الهلال المرحله المقبله محتاج (( لاعادة اسماء ودماء شابه)) يمثلون العصب بالهلال
مستقبلاً !!!!!
وهذا يتطلب منا كجمهور(( الصبر والتروي)) على هالنجوم القادمه

وهذي ميزة ارثر اللي يمتاز بها (( الدماء الشابه)) وقبل هذا فريق يعرف شكل المنصه



## طبـــــــــــــــــــــع الهلالـــــــــــــــيين##

استمتعنا بما يكتبه زعيم المنتديات ياقاهرهم ياسامي ولكن لفت نظري في حديثه
ان الاعلام ( المقروء) يصف الاتحاد بأن هذا الزمن زمنه!!!!!!! لانهم بدأوا من عام 1997
الى 2001 وصار للاتحاد 11 بطوله !!!!! لكنهم كالعاده طمسوا حقيقة الهلال وبطولاته
المتزايده عام بعد عام فمنذ عام 1997 الى عام 2001 حقق الزعيم(( 14)) بطوله!!!!!!!!
اذ ان الفارق 3 بطولات لكنها عادتهم (( تجاهل البطولات الزرقاء))!!!!!

مشكلتهم انهم الى الان(( اغبياء)) باحاديثهم والقابهم المغلوبه على امرهم بأن الهلال
ينتفض ويحقق المزيد متى ما واجه ( الاجحاف)!!!! مع العلم بانها القاب ورقيه
تتزيين بها جرايدهم ومنتدياتهم!!!!!



## السنه اللي فاتت 5 واللي قبلها اربع !!! كم تبون هالسنه!!!!!!!!##



فعلا الهلال اصبح يكرمنا بكرم الاجاويد فهو نادي اعتاد عليه محبيه بالتزيين
بكل مايبرق (( طبعا الذهب))
ففي عام 1419 وقفت الماكينه الهلاليه(( تتريث)) وتعطي الفرصه لغيرها
لان المنافسه لم تعد قريبه بين اقرب منافسيه وهو( الاتحاد)
فا كتفى ببطولة الصداقه 1419 وتباشر (( الحاقدون والفارحون)) لعرقلة المارد
بتوقفه عن البطولات مستدليين على الاهلي بان جاء له وقت وانتهى!!!!!!!!!!!

غير انهم استخدموا لغة الاجحاف بتاريخ الهلال وماكان من الهلال الا ان اضاف 9 بطولات
في اقل من 24 شهر!!!!!!!! ليكون الرد عنيفا

حال لسان جمهور الهلال يقول للهامشيون (( حارشوه )) عشان يكرمنا بالذهب لان هذا
ديدنه لاننا الصراحه(( أبطينا على البطولات))



## المصيبيح والتسلق على اكتاف الهلاليين ##

نعم هذا طبعه وهذا هو مساره الابدي واللي يتحجج بحياديته !!!!! وهو بعيد منها

طالعنا امس بمقال غريب يتكلم عن امور نادينا وكأنه(( موصى على الهلال))!!!!!

فابتعد يا احمد فالهلال غني عن مشورتك أو وفرها للنوادي المقربه لديك






أمام الهلال 5 بطولات (( كم بطوله ستطلب ود الهلال باذن الله))



اسفيين على الاطاله

  #2  
قديم 15/07/2001, 08:02 AM
مشرف سابق بشبكة الزعيم

تاريخ التسجيل: 18/08/2000
مشاركات: 2,099
هلا والله بالغااااااااالي ( مخاوي البطولات ) ..

يا رجال لاتحاول تبتعد عن الكورة .. ترى الكورة هي اللي خلتنا نستمتع بكتاباتك .. ;)

اما حكاية ( زمن الاتحاد ) فهي حقا ( فشيلة ) لهم .. وتعرية لعقولهم ولعقول من بيدهم ( الريموت كنترول ) ..!!!!!
دعهم .. فماذا تتوقع منهم سوى مثل هذه التفاهات ..!!

تسلم يمينك ..

وتقبل خالص تحياتي ..

  #3  
قديم 15/07/2001, 11:01 AM
زعيــم مميــز
تاريخ التسجيل: 14/08/2000
المكان: الرياض
مشاركات: 2,890
المهم يا اخواني مصلحة الهلال (( الهلال فوق كل شى)) لان اللاعب مصيره يعتزل

والاداري مصيره( الاستقاله) <<==== هذا عندنا لكن غيرنا ( وارطيين)

هههههههههههههههههههههههههههههههههه عز الله صدقت .. هو بلشانين بهالاداري اللي يبي يحفر بور كل لاعبينهم وهو معمر ماشاء الله الله يزيده بعد وبعد

@@

موضوع مميز .. وكلام جااامد

يعطيك العافية

  #4  
قديم 15/07/2001, 01:45 PM
مشرف سابق في شبكة الزعيم
تاريخ التسجيل: 13/08/2000
مشاركات: 1,346
أخوي مخاوي البطولات ،،،
جميل جداً أن نهتم بالهلال البناء والكيان أكثر من اهتمامنا بأي لاعب أو إداري حتى لو كان جزء لا يتجزأ من ذلك الكيان العظيم .

كما أشرت ـ حفظك الله ـ الحفاظ على نجوم الهلال أهم واجبات الإدارة وأعضاء الشرف ، أما الجماهير فمهما بلغت درجة تفاعلها فلن تستطيع الوفاء بالتزامات تجديد عقد نجم واحد .

في الوقت نفسه أعتب عليك في نقطتين :
1ـ ما ذكرته عن الشاعر جورج آرثر من أن أمنيته تدريب الهلال حسب علمي غير صحيح فالرجل حرفته التدريب وجاء إلى الهلال لأنه سارع في التعاقد معه ولم يمرمطه كالنصر وإن كانت الصحافة تقولت على آرثر بأنه عشق الهلال فهذه مصيبة . [ ما ودنا نصير مهكة نصدق كل شي ]

2ـ أحمد المصيبيح هلالي حتى العظم ومن حقه أن يبدي وجهة نظره حيال كل قضية هلالية ، وما يكتبه أحياناً من كتابات لا ترضي الهلاليين أو تجامل منافسيهم بشكل مكشوف فتلك يفرضها عليه منصبه الحساس .
ويكفي أن جريدة الرياض لم تخترق من قبل كتاب النصر الحاقدين مثل الدويش وسعود عبد العزيز الذين أفردت لهم الزوايا في الجزيرة الجريدة الهلالية رقم واحد .
  #5  
قديم 15/07/2001, 03:18 PM
زعيــم جديــد
تاريخ التسجيل: 01/07/2001
المكان: الرياض
مشاركات: 5
كل شيىء الأ المصيبيح

ياخوى العزيز

احب اخبرك خبر وهو ان المصيبيح كما قالها الفتى الذهبي
هو شمعه تحترق من اجل الهلال فلماذا هذا الهجوم على الرجل الذي يطبق النظام
على كل الاشخاص ارجوا منكم التعاون من الزعيم وعدم اخذ اراء الحاقدين على نجاح
الرجل الذي خدم النادي وهو لاعب وهو ينجح الان وهو اداري كما اتمني له التوفيق
في مجال عمله الادارى فيكفيك انه حقق مع الهلال تسع بطولات اثناء الاشراف على
قطاع الكره
  #6  
قديم 15/07/2001, 07:31 PM
زعيــم فعــال
تاريخ التسجيل: 04/06/2001
المكان: الرياض
مشاركات: 326
موضوع حلو...

لكن...

أتفق مع الأخ أبو بدر في النقطة الأولى...

آرثر قال (أتشرف بتدريب الزعيم) وأي مدرب يتشرف بتدريب الهلال...

موب شرط إنه يقصد أنه يتمنى هالشي من زمان...

وبالنسبة للأخ فكوك..

ياخوي أنت فهمت غلط...

مخاوي البطولات يقصد الأستاذ أحمد المصيبيح الكاتب المعروف في جريدة الرياض..
  #7  
قديم 19/07/2001, 09:38 PM
مشرف سابق في شبكة الزعيم
تاريخ التسجيل: 12/08/2000
المكان: الريـــــاض
مشاركات: 2,917

مشكوووووووريين

ابوناصر:: ويمينك بعد انت الاصل وحنا الفرع


ياقاهرهم ياسامي :: تقوله صادق انت
تدري وش ودي انا؟؟(( ودي عمره 25 سنه)) عشان نضمن الذهب بعيد عنهم
تسلم والله انت المميز

ابوبدر::: انا معك ان ارثر(( مغزاه)) مادي بدون جدال
لكن القلب ومايهوى ولو انك سمعت تصاريحه (قبل وبعد) العربيه
اللي نظمها الهلال وكالعاده اخذها كان كل كلامه بالهلال بانه منبع
النجوم وفريق البطولات

اما بخصوص المصيبيح ادري انه حتى الثماله هلالي بس يالغالي
كلامه عن الهلال (( كثير)) يعني لو يخصص كلامه للانديه الثانيه
كان تعدت الهلال ببطولاتها

فكوك:::
انا اقصد احمد ( رئيس تحرير الرياض)
حاول تركز قبل ماترد

فهد بريق الماس:::هلابيك اخوي ومشكور على توضيحك
  #8  
قديم 20/07/2001, 05:00 AM
زعيــم فعــال
تاريخ التسجيل: 18/12/2000
المكان: الرياض
مشاركات: 211
Unhappy

نعم اخوي مخاوي البطولات انا اتفق معك في كلامك عن المصيبيح

المصيبيح دائم الانتقااد للهلال

اتذكر مره كتب عن الثنيان ووضع اسم المقال حماقة كابتن

يعني ان الثنيان احمق

وكل هذا علشان يقولون ان المصيبيح حيادي

ياليته يفكنا ويفك الهلال من مقالاته
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:46 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube