................... قامت جدتي الفجر رايحه للحمام تتوضئ لصلاة الفجر
وكانت تقوم قبل الصلاة بساعه علشان تتهجد اخر الليل
وهذ حالها من يوم عرفتها ((( صديقته ))
ومر من المرارير كنت جاي من البر وسخ كلى تراب وطين من لعب الكوره ومن الجربعه
ودخلت البيت في الليل قبل ما يقومون أهلي
وكان عندنا فله دورين ((( واحد يدعي))) امي وابوي واخواني فوق في الدور الثاني وجدتي تحت
نصيت حمام جدتي عشان اتروش (( اتسبح))
بدون فوطه ولاشنبو ولا صابون
دخلت وجلست في الطشت ( ملابس)
فتحت البزبوز واخذت الغضاره وجلست اصب على جسمي الرشيق واستعملت شنبو جدتي الاحمر القديم الاانقليزي والصابون أبو عنز واليفه السوريه
لين ليفت ظهري ورجلين جلست اصارخ من الالم والوجع كني جالس اصنفر جدار
خلصت من الترويش لين الحمام حوسه بعدي الشنبو مكبوب والصابون طالع برا
يوم قمت من الطشت جلست ادور فوطه ما لقيت .......
لقيت جلال جدتي معلق خذته ونشفت جسمي الريان فيه
المهم طلعت ......... وتوني ابرقي فوق واسمع أمي جدتي تدعي وتهلل وتكبر .. قامت من النوم
دخلت عليها حبيت رأسها وجلست عندها شوي وبعدها طلعت لغرفتي
فتح باب غرفتي بالمفتاح لاني اقفلها خايف احد يدخل ويفتش . واخواني بثرين
بتقولون ليش خايف؟
ابقول صورة خويتى في الغرفه
واخاف يلقونها اخواني يورونها أمي ((( وأخواني مهوب ملاقيف أبد))
دخلت الغرفه
الله من الحوسه والوصاخه والطماله
تصدقون ما اقدر امشي في الغرفه من الملابس المرميه والكنادر المذببه والنعال والسراويل والفنايل والشراريب وكانت عندي ثلاجه صغيره
يوم فتحتها لقيت فيها سروال وتفاحه ومويه الهناء وفيش كهرب ودفتر وجه وجه ومكره وفليت وكت كات معروم
حتي أني ما أشوف السرير من الهدوم المتراكمه عليه
لين بغيت انوم اجلس ربع ساعه ادور على السرير من تحت الملابس كني انقب ؟ عن بترول
لقيت السرير بعد مجهود ضنين
وتوني منسدح على سريري الدافئ الوثير
الا اسمع صوت زلقه وبعدها خبطه وبعدها صراخ
قحصت من السرير من الروعه
من الروعه بغيت اطب مع الدريشه ضيعت الباب .ماعاد ادري من الباب ومن الدريشه من كثر الملابس (( كني جالس في مغسلة فندق))
نزلت بسرعه لين جدتي زالقه في الحمام واسمع فتح البيبان نازلين على صوت الصراخ
وتجمهرنا على جدتي حتي واحد من اخوني من الروعه قال عسى ما جاء السياره شي
شلنا جدتي وحطيناها على السرير
خمس دقايق الاا عماتي وعماني وعيالهم وحريم عيالهم ورجال بناتهم واقاربهم ممتلي البيت من البشريه
وعرفت ان أخوي هو اللي مكلم (( يحب الاخبار الشينه))
حتي وحده من عماتي جايه بالشلحه الحمرا أم ورد من الروعه
جاء عمي الكبير قال لاازم ننقلها للمستشفي
المهم راح نسيب عمي يجيب السياره لان عنده جمس سوبرمان بني خط بيج الداخلي رصاصي نظيف ماشي 75000 ما لمسه الشاكوش ((( شريطي )))
ركبنا جدتي الجمس النظيف
رحنا للمستشفي
نزلناها في الطواري ..... ويوم نجيبها للمستشفي كا ن ورانا ثلاثين سياره من اقاربنا وعمانا وعيالهم
وكانت ليلة جمعه والمنتخب فايز وكل من شافنا من الشباب لاحقنا يحسبنا موكب جالسين نشجع
وصارو الشباب يلحقونا ومطلعين اعلام المنتخب
واللي يرقص عند الاشاره واللي يفحط
حتى دخلو معنا في الطواري ومعهم اعلامهم
نرجع للسالفه
دخلو جدتي غرفة الاشاعه وشيعوها وكان نسيبنا سعد الدرهالي يشتغل في المستشفي وكان يعرف دكتور عظام ممتاز سعودي أسمه عبد الملك المسعودي استشاري
المهم كلمه الفجر .والله ولا قصر الدكتور جاء بسرعه
كشف عليها الدكتور وشاف الاشاعه وجاء عند ابوي وعماني وقال لهم الوالده فيها تمزق بالعضله وشد عضلي في الفخذ ومحتاجه عمليه الرباط الصليبي (((( انا طليت على جدتي احسب أني جايب ماجد عبدالله مهوب جدتي)))
قال عمي لا تستعجلون على العمليه
رقدوها كم يوم في المستشفي
وكان عمي يشتغل فى الديوان دبر لها علاج في المانيا
المهم استعدينا .......... جت مشكله الجواز .جدتي ما تبغى رجال يصورها والصور حرام ((( من زينها)) والله المصور اليماني حق ريما احلي منها هههههههه
حولنا لكن دون جدوي
المهم وحده من بنات عمتي قالت انا اوديها الى أضوى الطاقم نسائي .. بس ما يصورون صور جواز. يصورون حفلات عروس ......... الخ
المهم حاولت لين صورناها .......... اول مره اشوف صورة جواز خلفيتها ورد وزهور وحيوانات
جبنا واسطه لمدير الجوازات يقبل الصور المهم خلصنا الجوازات والتأشيرات
بس ما لقينا حجز على الخطوط السعوديه كالعاده
حجزنا على الخطوط الامانيه (( لفت هانزا))
كانت الرحله الساعه ثنتين اخر الليل
بغت تروح الرحله جالسه تصلي وتتهجد
لحقنا على الرحله
ركبنا الطياره وكان معنا حوالي ثلاث الف شخص يودعونا من اقاربنا
جدتي وأمي درجه اولى وابوي وعماني وأنا سياحي
اقلعت الطياره
شوي اعلنو عن فك الحزام عطونا عصير واشياء خفيفه
تعدة الاجوا السعوديه وبدو يوزعون القوارير والبيره على الزكرت
رحت ا شوف جدتي لقيتها ضايق صدرها جاء ابوي وعمي وجلسو عندها
جاء المضيف قال ارجعو الى بنوزع الاكل
رجعنا سكر الستاره اللي بينا وبين الدرجه الاولي
جلسنا ساعه الا أمي جايه قالت تعالو شوفو أمكم تسب وتلعن فيني تغيرت الاخلاق
رحنا مسرعين لقينا معها كأس نبيذ احمر
تحسبه توت
سكرت جدتي جلست تسب أمي وتقول انا اكرهك من يوم خذتي ولدي ما نيب احبك (( توه يطلع ذ الكلام من اربعين سنه)) خذنا منها الكاس عيت المهم شربت الباقي
وصارت نشيطه كل ساعه جايه لنا في السياحي تخممنا وتحببنا (( طلعت العواطف))
المهم جت أمي عندنا في السياحي وراح عمي عندها
بس قل ساعه جايه تحارش أمي
والتفت على أمي اقول لاتهمك سكرانه
شوي واسمع صوت جدتي جالسه تهيجن وتغني ((( اتونس بيك وانت معاي))
واروح اشوفها لقيها شايله المنيخل وتسولف مع الي جنبها وضحك وسوالف المشكله انه الماني بس كلهم سكارى يفهمون على بعض
قبل ما نوصل للمطار فرنكفورت نامت (( الحمد لله)) لاان فيه ناس بيستقبلونا من السفاره
وش بيقولون جايبين وحده سكرانه
كانت واقفه سياره الاسعاف عند البوابه
نقلنا جدتي للمستشفي وكان معنا ناس من السفاره
قبل ما نوصل للمستشفي قامت جدتي
قمت عطيتها حلاو بولو عشان الريحه
وصلنا للمستشفي دخلنها سووى جميع الاجرأت
والعمليه بكره....... المهم قامت جدتي ورأسها يوجعها (هنق اووفر))
جت أمي مرافقه معها وخايفه أمي بس الوضع عادي وسوالف عاديه...
عرفت ان اللي لعب براس جدتي النبيذ الاحمر ((رد وين)) المهم سوت العمليه ((نواف التمياط)) والحمد لله تكللت بالنجاح
ويوم جاء وقت الرجعه قال عمي احجزو على الخطوط السعوديه باي ثمن ....
خايف تسكر علينا وتفضحنا
والسعوديه ما فيها مزح
والله ان يسجنونها وسون لها اختبار استشمام
حتى يم وصلنا للرياض جلسو العيال يشرون علي هذ اللي جدته تسكر
منقول لتعم الفائده <<<اي صح 
الوضع العادي
