حيا الله الأخ الغالي تغيب الشمس بحلم يومي يعلم الله ان لك وحشه وافتقدناك من فتره طويله ,,,,

أول شي الحمدلله على السلامه (سمعنا انك كنت في جده غير) وألف مبروك الرباعية ولو انها متأخره ,,,,, تصدق عاد اني أول ما شفت موضوعك دخلت وانا امشي مليون عشان اسلم عليك وابارك لك وبس لكن يوم قريت كلامك قامت تاكلني اصابعي الا أرد ,,,,,,,

أول شي الي اعرفه عن العمل الصحفي (وخاصه في جريدة الجزيره لانه تربطني علاقه شخصيه بأكثر من شخص يعمل فيها) دائما عرضه للهفوات لأنه يعتمد اساسا على اجتهاد الصحفي نفسه ,,,,, وبخصوص نقلهم لخبر من منشوره انا اتفق معك انه كان خطأ والصحفي ما كان موفق في النقل ولكن اسمح لي اقول ان الحكم على الجريده كامله فيه نوع من الظلم ,,,,,,

الشي الثاني أنا اختلف معك تماما فيما قلته بخصوص الامير محمد الفيصل وقولك لغرض في نفس يعقوب ,,,,,, هل نسيت ان محمد الفيصل كان عضو شرف هلالي فاعل قبل يكون اهلاوي ,,,,,, وانه هو الي احضر ريفانيلو للهلال وان انتقاله للاهلي كان لها اسباب لا مجال لذكرها ,,,,,, وطوال فترة رئاسته للأهلي لم يطلق اي تصريح فيه اساءه للهلال بل على العكس في نهائي 1416 يوم قال ماجد "اذا لم يكن هدف سامي تسلل فمتى يكون التسلل؟!!" خرج محمد الفيصل وصرح ان هدف الهلال سليم 100% والهلال يستاهل البطوله ,,,,, عارف بتقول انه ما قال الا الواقع انا اتفق معك لكن لا تنسى ان هالكلام أغضب جماهير ناديه ولو لا انه يحب الهلال كان ما غامر بسمعته عندهم ,,,,,, وهو الي كان خلف انتقال عبدالله سليمان وسعد الدوسري الله يرحمه باسعار معقوله وهم يلعبون اساسيين في المنتخب ,,,,,,, وبعدين محمد الفيصل ما نشر له في اي جريده تصريح ينفي تصريحه الأول كما يحدث دائما في التصاريح المفبركه مما يعزز احتمال كون التصريح حقيقي ,,,,,,,,

الشي الأخير والي استغرب انه يصدر من شخص عزيز وغالي مثلك انك اطلقت على محبي الجزيره "المرضى" ,,,,, وش دعوه ياخوي والله لو انها قناة الجزيره ,,,,,,, ما راح اسرد تاريخ الجزيره مع الهلال لانه يبغاله صفحات لكن يكفي اني اقول لك من يوم عرفت الهلال في عام 1404 بالتحديد وجريدة الجزيره هي المنبر الهلالي الأبرز بغض النظر عن بعض الهفوات ويكفي انك تسمع اراء اللاهلاليين فيها عشان تعرف قيمتها ,,,,,, وتنافسها الرياض وهالجريدتين عينان في رأس ,,,,,, وياويلك من ابو ساره


تحياتي لك والف شكر لك على التحيه الخاصه