الصرصور مهاجم الهلال القادم ! ! ! - نادي الهلال السعودي - شبكة الزعيم

ازرق الارض · #1 08/07/2001, 07:03 AM

المصدر جريدة الرياضيه

شرع نادي الهلال في مفاوضة جديده مع هداف الدوري المغربي

ب( 14 ) هدف مهاجم الكوكب المراكشي اللاعب ( المنتهي الصرصار )

** الله يستر منتهي وصرصار ** العمر 24 سنه

ليغطي النقص المتوقع في هجوم الهلال

عبير الهلال · #2 08/07/2001, 08:17 AM

السلا م عليكم ورحمة الله وبركاته .......

لا لا ....... الصفقه هذي كيديه ........

يبووووووون يجيبوووووون (((( صرصوووووووور)))

لاني اخاف من الصراصير يعني ...

كل هذا علشان مااشوف مباراة الهلااااااال

=======================================

المهم يكوووون لاعب ممتاز ومتمكن ......

ولايكووووون اسم على مسمى (((منتهي )))))و((( صرصوووور)))

وشكراااااااا.....

اختكم ...... عبيرررر.....

ازرق الارض · #3 08/07/2001, 08:22 AM

ههههههههههههه

شفتي عاد الله يستر صحيح من الاسم

الغضب · #4 08/07/2001, 09:52 AM

والله انا من الاسم اقول مانريده

هذا الي ناقص منتهي و..................

ازرق الارض · #5 08/07/2001, 10:07 AM

هلا باخوي الغضب

والله على قولتك الاسم !

بس يمكن المستو ى زين

شيروكي · #6 08/07/2001, 03:26 PM

لا عبي المغرب أنا اتفائل بهم لأن لاعبي الهلال السابقين اللي كانوا من المغرب كلهم ناجحين .

أحمد بهجا
سعيد شيبه
صلاح الدين بصير
حتى نضاو كان جاي من المغرب!!!!!!!!!!

ارفع راسك انت هلالي · #7 08/07/2001, 04:39 PM

شكل الخبر من خراااااابيط الرياضيه .

ابوصالح الهلالي · #8 08/07/2001, 04:46 PM

ازرق الارض يا الغالي:
والله الاسم ما يبشر بالخير !!!!! لكن انا ودي اعرف حاجه وحده اهله مسمينه على من؟؟؟؟ يمكن ما احد عطاه السماوه !! والله ان دواه فليت بف باف هذا يا الغالي ما ايحتاج يراقبه يكفى ان المدافيعن يعطرونه بكازنوفا ريد!!
... والله يا جماعه ما نريده من اسمه بس لو كان مستواه ريفالدوا!!! خصوصا عندك المرضى من اتباع ابو زكريا بيعلقون وبيستخف دمهم زياده وانتم تعرفون ثقيل الد م اذا استخف دمه نكتته تجيب المرض مهوب عاد بثارته!!!
نداء اخير اذا انتم معزمين تتعاقدون معه خيروا بطاقته وانا متكفل بعزيمه عشان تغير اسمه !!! وادري ان شيروكي بيقط معي!!!

ملاحظه اخيره واتمنى من اعضاء المنتدى ترشيحي مهاجم للهلال بدل صرصار على الاقل انا وطني بعدين ترى ابو صالح يشوووت بوووز وظفر والعب جوكر في اي مركز يحتاجه الفريق ماعدا الظهير الايسر لاني بصراحه ارفع الرايه البيضاء لربرتوا كارلوس ظهيرا الممتاز واذا بتلعبوني مدافع المهاجم ما يتعدى مني باذن الله احش رجلينه بدون 100 الف ريال الدعوى بس انخوني وانا العب تكفى يا ابو صالح وابشروا بسعدكم!!! وادري انه على طول بيصدر قرار من الاتحاد السعودي بشطبي من الملاعب كحال اي هلالي سبق وان ذاق هذه القرارات التعسفيه وابكلم اداره النادي تسوي لي حفل اعتزال مثل كل اللاعبين السابقين الذين ودعوا الكره واستمتعنا بأقامه مهرجانات اعتزال لهم!!
وتراني ماني شارط ملعب محدد انشا الله في صاله تزلج والا على الدايري المهم احس بقيمتي كلاعب ضحى من اجل الازرق !!! لكن تبون الصدق انا ودي يسوون لي مهرجان اعتزال مثل مهرجان اعتزال عبادي الهذلول!!!

وسلامتكم

ازرق الارض · #9 09/07/2001, 04:17 PM

الاخ / شيروكي

انا معك بس الاسم صراحه مسخره

الاخ / ارفع راسك انت هلالي

والله ما ندري

الاخ / ابو صالح الهلالي

والله اخاف بكرى يجي وطبعآ اول سؤال له وش معنى اسمك

وخوفك يقول يعني كرنديزر

ماروكو · #10 09/07/2001, 04:30 PM

مااصدق

هذي يااما خرابيط اللي يسمونهاالرياضيه

او انك تنكت

ازرق الارض · #11 09/07/2001, 04:50 PM

الاخت / ماروكو

يمكن يكون من خرابط الرياضيه ويمكن يكون صحيح

الا على فكره منه هداف المغرب هالسنه

هلالي الرياض · #12 09/07/2001, 07:33 PM

غريبة منكم يا جماهير الزعيم والله غريبة

انا كنت اتوقع ان تعليقاتكم تنحدر الى هالمستوى اللي كنا نرفضه من اصحاب القدرة على الاستهزاء الى درجة التجريح الشخصي باي انسان

انا كنت متوقع ان الردود راح تتطرق لمعلومات عن مستوى اللاعب او عن سيرته الذاتيه او ابراز مواهبه ومميزاته او كشف عيوبه كلاعب
ولكن الموضوع وصل الى مرحلة الاستهزاء باسمه واسم عائلته
اخواني نحن اكبر من هذه التفاهات
والعتب الاكبر على الاخ ازرق الارض كاتب الموضوع لأنه فتح باب السخرية بتعليقه *الله يستر منتهي وصرصار*
في الختام اقول
( ولا تنابزوا بالألقاب )

ازرق الارض · #13 09/07/2001, 07:40 PM

الاخ العزيز هلالي الرياض

اولآ اشكرك على ماذكرته وما قلناه يعتبر من المزاح الخفيف

ولان الدعوى ماهي داخله روسنا اصلآ والسبب انها الرياضيه

واخبارها الخرافيه

@ اكرر شكري العميق لك اخي هلالي الرياض

هلالي الرياض · #14 09/07/2001, 07:45 PM

مشكور اخوي ازرق الارض على عقليتك المتفتحة وصدرك الرحب
انا لم اقل الكلام الذي قلته الا من منطلق معرفتي بجمهو الهلال ووعيهم الواضح في كل الاحوال
مره اخرى اكرر شكري

ازرق الارض · #15 09/07/2001, 07:54 PM

اخوي هلالي الرياض لاشكر على واجب

@ بس اخوي ما قلت لنا رايك في هالاعب