للأسف لاعبينا سيتدمرون بسبب كم خطا وينتقلون لانديه اخرى ويقدمون المزيد

ياخي يوسف الثنيان اخطا ولا احد قاله او حتى كلمه انه مخطي

سامي الجابر اخطا يوم مشكله المدرب بلاتشي ولا احد كلمه او قاله شي

جات الحين عند خالد عزيز ياخي الله واكبر اخطا بيتعدل ان شالله لكن انك تهمشه وتوبخه

اقل شي لازم نشوف ايجابيات اللاعب ووش سوا ثم بعدين نشوف سلبياته


اما بالنسبه للعقاب في سبل افضل من هذي مو انك تهمشه لدرجه انه راح يحس نفسه ماله مكان بالنادي اوانه كل وقته الي مضاه في النادي لايساوي شي



ياليت يالي يقولون عواطف وماعواطف يقرون كلامي لان العواطف من حقها تكون في مصلحه ناديك خاصه وانت تحب هذا الكيان


وصوره مع التحيه يالي مع الخيل ياشقرا


مشكور ياصاحب الموضوع انا اؤيدك في كل حرف كتبته وتحياتي

[align=center]أعتقد أن سمو الأمير محق بكل كلمة قالها تجاه اللاعب المستهتر

والمكان الأنسب لخالد عزيز .... هو قائمة الانتقال أو الإعارة لنستفيد من العائد المادي



في ظل تعهد أبو سلطان بعدم مشاركته أساسياً هذ الموسم

[/align]

لله درك أبو سلطان والله أنا معك 100% في كل ما تفعله في خالد عزيز .
فلاعب يخذل فريقه في اللحظات الحاسمة ويذهب مع سئيدة الأويران إلى البحرين بتحريض من برميل الفسو مكانه ليس الهلال وإنما خارج أسوار الهلال

عليك به أبا سلطان ولا تأخذك به رحمة وقل له خل سئيدة الأويران وبرميل الفسو ينفعونك وياريت تنهيه من الملاعب ليكون عبرة لغيره .
أبو سلطان : أقسم بالله (( يمين أسأل عنه )) أن جميع الأندية تحتاج إلى رئيس مثلك وخاصة فريق جون قرنق

هذا القرار يجب أن نعترف جميعا ً بأنه قرار قاسي

وأتمنى من أبو سلطان تخفيف العقوبة كتحويله هاوي مثلا ً ، أو الخصم من راتبه ، أو الإثنين معا ً، لكن أن تصل إلى الإيقاف والمنع عن لعب الكرة ، فهذا قرار ليس من مصلحة الزعيم التي هي فوق كل شيء.

يا اخوان كما نعلم ان الهلال ولاعبيه مستهدفين وهناك من يحرض الاعبين ضد النادي فلذلك يجب ان يتخذ اجراء قوي حتى يرتدع الاخرون ويفكرون الف مرة قبل ان يفعلوا ما فعله عزيز .... فدعوا الامير يفعل ما يراه في مصلحة النادي فلا ما نع من ان تضحي بلاعب مهما كان في سبل ان يصلح الاخرون.فمنا من يذكر عندما قام الامير عبدالله بن سعد رحمه الله بتنسيق الاعب عبدالرحمن اليوسف وهو في عز مستواه وكذلك عندما هدد رحمه الله خالد التيماوي بالتنسيق كل ذلك في سبيل ضبط الفريق.

حرمان خالد عزيز من المكافات ليس عقاب يمكن اللي خلاه يترك الهلال قبل النهائي
اعطاه المكافأه ويمكن اكثر من مكافأة الهلال ...... تعرفوون من اقصد ....


هذا اول شي يعني حرمانه من المكافأه ليس العقاب الصحيح لخالد عزيز
انا لو مجنوون مافوت على نفسي مكافأه بقيمه 100 الف عشان يومين في
البحرين ..الا اذا كنت مستلم ال 100 الف من شخص ثاني من خارج النادي

العقاب الصحيح هو تحووويله الى هاوووي حتى يعرف قيمة الفانيله التي
يلبسها ويقدر الجمهور اللي بنى عليه امال سد المكان اللي هو فيه
واحترام الثقه اللي اعطيت له من ادارة النادي ......

اذا مر موضوع خالد عزيز بهذه البساطه اعرفو ان ابو عزيز سيتصور ان
الهلال واقف عليه ..........

امنية عمري هي تحووويله الى هاووي حتى يعرف ان الله حق...


ياناس والله كرهت هالاعب علما ان مستووواه فوق فوق فوق
ويمكن يكوون افضل محور سعوودي في الوقت الراهن
بس والله كرهته ومن قلب كرهته

ليكن في علم خالد عزيز ان الأنسان مهما وصل الى اعلى المراتب
من غير احترام ذاته لايساوووي شيئ في اعين الناس

إقتباس الرسالة الأصلية كتبت بواسطة سلام يا هلال ياخي الاعب اخطا ونال العقاب وهو لاعب دولي ولو راح حق نادي ثاني كان انجنيتوا وقلتوا ليتنا مانسقناة

لا حبيبي لا ننجن ولا هم يحزنون

اللي مايحترم الهلال ولا يقدر رجاله ماله مكان عندنا

بس تبون الصدق شي محييييييييير !!

لاعب يلعب افضل موسم له مع النادي والمنتخب وقبل المباراة النهائيه يسافر ويترك معسكر الفريق !! الولد خاف معموله سحر من ربع مزيان اللي تارسين الدوله اللي تبطح فيها

[glow=CCCCCC][align=center]انا في رايي ان عزيز يستاهل اي قرار يجيه

ابو سلطان ماقصر معاه قدم له كل شي ...

ثم يجي يستغفله ويقول عطني الجواز بعطيه احدى السفارات ثم ياخذه ويروح للبحرين

بالله ياشباب فيه لاعب عاقل يسوي مثل هالحركات

قبل المبارات النهائيه بيومين يعني مايقدر يصبر يومين ياساتر !!!!!!!!!!!!!!!!!!!!!!!!!!!!!!!!

يستاهل اي عقوبه تصدر بحقه ............[/align][/glow]

[align=center]شكرا للجميع

لكن كما قال البعض.....لو كان الخطأ هذا من لاعب اخر له جمهوره لما طالب احد بشيء


صدقوني ستخسرون لاعب كبير جدا


حتى لو عاد للفريق الاساسي وهو هاوي....سيلعب بدون نفس.....وكأنه مغصوب على اللعب



يا عالم......اللاعب عامة عملة نادرة....لا يوجد لاعبين مثل بعض

ويندر ان تجد لاعب مناسب لخطه معينه وينفذها باتقان


لا يوجد لاعب هلالي يستطيع مراقبة وازعاج الخصم مثل عزيز

ناهيك عن اللياقه العاليه


فكروا في الموضوع.....وارجعوا لمباراة الاتحاد....وتذكروا كيف كان محمد نور[/align]

لا تعليق

خالد عزيز : أفضل حاجة له يقضبونه الجادة ويروح يبسط عند اللي يبيعن صواريخ وطرطعان لأن اللي يطيع سئيدة الأويران ليس له مكان في الهلال (( وخلهم ينفعونك دامهم يعجبونك )) والغريب إن خالد عزيز لم يعتبر مما حدث لعبدالله الجمعان فقد انتهت حياة الجمعان الكروية بعد أن تخلى عن الهلال في أصعب الظروف وها هو عزيز يحذو حذوه ويتخلى عن الهلال في أحلك الظروف من أجل حفنة من الدراهم .
والله ثم والله لا ألوم أبو سلطان في أي شئ يعمله ضد خالد عزيز .

[align=center]

[glint]ياجماعة والله مايصير ... الاعب اخطأ وان شاء الله مايكررها .. بس هذا مهوب باسلوب بأنكم تخلوه لاعب هاو[/glint][/align]

اللاعب يستاهل اللي جاه...

أذكر يوم كل الجماهير تقول نسقو خالد عزيز ولا نبيه يلعب وقلنا عنه حسين المسعري وكانت الاداره مصره على ابقائه واعطائه الفرصه أكثر من كامله حرصا من ابو سلطان على اللاعب نفسه ..

ودارت الأيام وصار لاعب دولي وقلتوا انه صار اهم عب بالهلال وهو والله بدري عليه .....

وفي عز حماسكم للاعب واذا به يضرب بكل من ساندوه ونادي الهلال بكمله عرض الحائط ويروح البحرين ...
ما أظن في مصيبه يقدر يسويها أكبر من هذي .. ومع كذا تدافعوا عنه ...

أنا أشوف إن ابو سلطان له الفضل بعد الله في بروز هاللاعي وله كامل الحق في ان يتصرف معاه اي تصرف حتى وان كان اكبر من هالعقاب !!!

ابشركم ابو سلطان حلف ان عزيز مايطقها اساسي دامه رئيس لنادي

وخل غيره يعتبر خله // واللي يبي مثلها فالحال تثنى له

ابو سلطان وربي انك كذا

والله اعتقد اللي يفكر فيه ابو سلطان عين الصواب..
ولو كنت مكان خالد عزيز رحت ابيع مساويك اصرف لي..