عذرا هذه المبالغ محفوظة لياسر واعضاء الشرف تبرعوا فيها وخصصوها لياسر
فكيف تطلب منهم مبلغ لشيء معين وتقوم تتصرف فيه لشيء ثاني
اعتقد شرعا لا يجوز
ثاني شي الهلال بامكانه ان يقوم بكل هذه الامور ان اراد
لكن ناخذها وحدة وحدة
1 شراء كذا لاعب سعودي بهالمبلغ بدل من شراء ياسر
الهلال ولله الحمد والمنة فريق شبه مكتمل وقليلة هي الخانات الي يحتاج فيها للاعبين يعني مثال لو الهلال اشترى حكمي تقدر تقول لي وين راح يحطه؟؟؟؟ وانا اشوف الكرة السعودية حاليا المواهب فيها قليلة وفكرة ضخ عدد من اللاعبين الجدد في الفريق فكرة لها سلبياتها الكثيرة وعشان تتأكد شوف فريق الاتحاد وخذ لك اي مدرب فاهم واسئله وش رايك بفريق الاتحاد جماعيا راح تشوفه فريق ضعيف مرة ومن اقل الفرق جماعية والي يساعده في حسم البطولات هو امكانات لاعبيه الفردية وفي المقابل شوف الشباب الي نادرا ما يتم ضخ اسماء جديدة فيه وراح تشوف انه فريق قوي متمكن جماعيا بل مرعب على الاخر ... انا اشوف الهلال بحاجة لمهاجم بمكانة ياسر لتعويض غياب سامي اما اللاعبين السعوديين فما اشوف غير سعد العبود الي مدري وين مختفي فيه هو الوحيد الي يحتاجه الهلال وحتى لو جاء راح يكون احتياطي للشلهوب
2- شراء عقود كم لاعب افريقي واستثمارهم
هذه الفكرة اثبتت فشلها للاسف وعندكم مدافع الهلال الافريقي الي جابوه للاسف ما نجح وما لقى حتى نادي يضفه والنتيجة ارهاق خزينة النادي بمبالغ بدون فائدة ... انا معاكم لو راح نشتري مواهب افريقية بس هالمواهب ما راح تكون مخفية عن انظار الاندية الاخرى يعني ما اعتقد راح تجيب لاعب ب 100 الف وتلقاه يصير موهبة .... وحتى لو صارت فهي ضربة حظ لا اكثر ... .. واسئلوا الاندية المصرية كم افريقي مر عليها طوال تاريخها وكم لاعب نجح منهم بينما في المقابل اسئلوا النوادي التونسية الي تنفق بسخاء وشوفوا كم لاعب نجح عندهم
3- فك اسر عبد الله سليمان
قضية عبد الله على ما يبدو فيها من التعقيد الشيء الكثير .... ويمكن فيها خيوط غائبة عن ذهن المتلقي ... انا اطالب بفك اسر اللاعب بس ظروف القضية رؤساء الادارة هم الادرى فيها
ما اعتقد رجالات الهلال عاجزين عن دفع مليونين ريال وسمو الامير اعلن التزامه بدفعهم بشرط ان يقدم عبد الله اثباتات لديونه وتحديد مبالغ ثابتة ولكم في كلام الشيخ عبد الرحمن بن سعيد عبرة .... وشفنا ان عبد الله سليمان ظهر وقال كلام مخالف لكلام الشيخ عبد الرحمن بن سعيد والحقيقة مغيبة
4-المشاريع الاستثمارية
اعتبر هذا هو الخيار الابرز من ياسر بشرط ان يكون مشروع استثماري ناجح لان حتى لو خسرنا ياسر خلال هذه الفترة ففي السنوات القادمة راح تظهر مواهب والمبالغ اذا لم يتدخل الاتحاد السعودي راح تكبر وتكبر لكن للاسف المشاريع الاستثمارية في الكرة السعودية اغلبها تفشل وتكون مجرد خسائر تضاف لخسائر سابقة
بس في النهاية لو كنت مكان سمو الامير فالعشرين مليون راح تروح لياسر لانها اصلا خصصت لهذا الموضوع
الوضع العادي
