بسم الله الرحمن الرحيم :sad:
السلام عليكم ورحمة الله وبركاته :sad:
تحيـّة طيبة لكل مخلص يشابه سامي الجابر في إخلاصه :sad:
وأخرى لكل خائن ازداد وجهه سواداً كسواد وجهي (( خميس العويران وأحمد الدوخي )) :sad:

كنت أخطط لأن تكون مشاركتي رقم (( 1000 )) في شبكة الزعيم عبارة عن قصيدة أهديها للزعيم بمناسبة كأس مليكنا الغالي فهد بإذن الله , ولكن لم أحتمل ماحدث في هذين اليومين وخبر انتقال أحمد الدوخي لأقذر فريق على وجه الأرض فريق (( مخلفات الحجاج )) .

فإليكم هذه القصيدة التي أنظمها الآن :sad:

[poem font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ماكنت اظن ان الفلوس اعمت الناس = لين اعمت الدوخي عديم الكرامة

يبشر وربي بعدنا بدرب الافلاس = ولو امتلا جيبه .. بيشبع ملامه

مشى فدرب ٍ كله انذال وانجاس = من يتبعه يلقى النهاية .. ندامة

بكرة ليا منـّه تعثـّر بينداس = ويدس خشمه مثل دس النعامة

وشلون بكرة يرفع الخشم والراس = وشلون بيشوف الهنا في منامه !

بيطيح محد ٍ قايل ان طاح .. لاباس = ويروح محد ٍ قايل ٍ .. بالسلامة

سبحان من خلى المخاليق أجناس = هذا كريم وذاك كله رخامة

ماشاف سام اللي للاعداء دواّس = الذيب .. راعي المرجلة والشهامة

اللي ليا منـّه تبع .. يتبع الكاس = وتنزل دموعه فرحة ٍ بالزعامة

يضرب عدوّه ضرب ٍ اقوى من الفاس= بالفن .. يغرس في عدوّه سهامه

ماتطرحه ريح ٍ وهو مثل نسناس = عذب ٍ .. وعذب ٍ مثل فعله .. كلامه

هذا الكريم اللي على الراس ينـباس = يمشي وحنا بحبـّنا له دعامة

يانحس يادوخي عسى اليوم تنحاس = ياللي خدودك شامة ٍ دون شامة

وياريـّس النادي نبي قوة الساس = والمجد مانبغى نضيـّع لجامه

نبغى ظهيـر ٍ مانبي ياسر الياس = ياسر ضعيف ٍ مايفيد التزامه

نبغى ذهب .. والياس .. وان حاول .. نحاس = للخصم سهل ان هاجموه التهامه

عوّدتم الجمهور ترقون الارياس = نبغى الزعامة لين يوم القيامة

نبغى العدو لاشافنا يفتح اقواس = ومن هيبة الأزرق تراجف عظامه

وللمعركة لابد فرسان وافراس = وكم فارس ٍ خاف العدو من لثامه

ولثامنا هيبة وتحصين ولـْباس = ومنهو تحصـّن صعب .. صعب .. انهزامه[/poem]

وسلامتكم
خالد الحريـبي