04/06/2005, 05:26 PM
|
| زعيــم مميــز | | تاريخ التسجيل: 21/03/2004 المكان: مسنتر بالمجلس العام
مشاركات: 5,765
| |
|
شي ماشفتوه من مباراة الامس
[align=center]السلام عليكم ورحمة الله وبركاته
اولا امسي على الجميع بالخير وثانيا ابارك لكم هذا الفوز المستحق بالرأفه
الكل ابدع سامي والشلهوب وتكر والحارثي والقحطاني والخثران والبقيه 
فعلا اذا كان الخصم الكويت فكل شي يختلف ...................واليكم ماحصل
- كنا سبعة اشخاص خمسة من منتدى الزعيم اتجهنا للملعب الساعة 6 المغرب
- ماكنا متوقعين انه راح يكون في حضور كنا نشوف سيارات وفيها اعلام لكن كانت قليله
بعد ماقربنا من الاستاد بدت الزحمة وكنا نشوف الدرجه اللي فوق مليانه واقسم بلله جانا حماس غير طبيعي
- عند الدخول كانت فيه بعض البوابات مقفله وكانوا رجال الامن قمة في الروعه لدرجه ان الممنوعات
اللي كانوا يمنعونها يشوفونها قدام عيونهم ولا يقولون شي ,,,,, لا تفتيش ولا مضايقه ولا يحزنون
اتمنى يستمرون على كذا
- الساعه 8 بالضبط امتلى الملعب وربع الجمهور الحاضر واقف وهذا دليل على ان استاد الملك فهد بدا يصغر علينا 
- قبل المباراة بربع ساعه تفاعل الجمهور بشكل خيالي مع اغاني راشد الماجد وابو نورة ورابح
وبالذات اغنية ابو نورة فوق هام السحب كان الجمهور يردد معها والله يالربع منظر خيالي والله فاته اللي ماحضر
- المدرجات المخصصه للجمهور الكويتي كانت فاضيه اللي فيها تقريبا عشرين واحد بعد مابدت المباراة بعشر دقايق فتحوها للجمهور السعودي وكثفوا رجال الامن بينهم
- من ضمن الحضور جاليات عربيه واغلبهم من الجاليه السودانيه باعلام سعوديه شي يفرح القلب بصراحه
- واحد من الاخوان السدوانيين في الدقيقه 88 قام يبي يطلع التف على اللي وراه وقال الف مبروك
وكان الجميع يهنونه ويصفقون له لدرجة الضعيف انحرج وقام يبتسم
- بعد مانتهت المباراة واحد من الجاليه المصريه اخذ عصا احد الاعلام وقام يرقص الرقصه المصريه الكل تفاعل معه
- جنبك الاهلاوي والاتحادي والنصراوية والله كنا يد واحده لدرجه كنا نتفاعل مع الاغاني بعد نهاية المباراة كل اللاعبين كانهم هلاليين ونصراويين واتحاديين واهلاويين
- بعد نهاية المباراة دخل بعض الجمهور لارض الملعب وكان رجال الامن يحاولون يمسكون لو واحد في منظر مضحك جدا واحد يطيح من العساكر والثاني تزل رجله وتسحيب فيهم خخخخخخخخ
الله يسعدهم والله امس ليله ولا احلى
- بعد خروج مدير المنتخب الكويتي ركب سيارة المصابين ولف نص الملعب الى جهة الدرجه الثانيه للخروج لغرفه اللاعبين جاه ترجيم غير طبيعي والله ياجماعة فلسطين الا شوي المشكله انه
سوا حركه بيده وماسواها الا يوم وصل عندي
اللي استغربت منه بصراحه واسعدني وجود اطفال بالملعب مع ان الاختبارات في اليوم الثاني
فعلا الوطن فوق كل اعتبار وبالتوفيق لهم بالاختبارات
- شكرا لكل من حضر شكر للجميع والله جمهور يبيض الوجه جمهور غير وهو السبب الاقوى بعد الله في هالفوز الكبير اقسم بلله ان الكل يحسدنا على هالجمهور الله لا يغير علينا
حتى استاد الملك فهد استيعابه الاقصى 80 الف ومع ذلك صغير علينا
عاد الهلال فعاد الجمهور وسامي للمنتخب وعاد المنتخب مثل ماكان واحلى
من افضل المباريات اللي شاهدتها للمنتخب السعودي على درة الملاعب
الف مبروك للجميع وموعدنا مع الفرح الاكبر يوم الاربعاء القادم باذن الله التاهل والفرح بيستمر
دمتم بخير [/align]
|
الوضع العادي
