بسم الله الرحمن الرحيم

الاقتراح وبصراحه كالتالي ...

اغلب الاعضاء اكتتب في بنك البلاد وبالمتوسط كل واحد جاه اربعة اسهم ب 200 ريال

وش رايكم كل واحد يبيع الاسهم ويتبرع بها للنادي

مثلاً الآن 4 ضرب 730 = 2920- 15 العموله = 2905- 5 حق البنزين = 2900

نقول عشرين الف واحد باعو 20000ضرب 2900= 58000000 ريال
ثمانيه وخمسين مليوووووووووووووووووووووووون ريال

تخيلوا العدد تضاعف بدل مايصيرون عشرين الف صاروا اربعين الف والا مية الف

***********************************

او عشان مانصير ظلمه نقسم الربح بالنص
يعني المشجع ياخذ 1450 والهلال ياخذ 1450 ويصير المبلغ29000000 تسعه وعشرين مليون ريال

اذا وافقتوا انا اول واحد

بعدين نشتري بالفلوس سهم مثلا زي سهم اللجين حلال 100% وسعره 214 ريال اليوم ويصير الهلال المضارب حقه وهاتك يانسب لان السهم هذا يقولون ان شاء الله بيصير سعره 700 ريال السنه الجايه ان شاء الله
تخيل معي :-

29مليون / 214= 135514 سهم

خلال سنه يصير 94859800 اربعه وتسعين مليون وثمانمائه وتعه وخمسين الف وثمانمائة ريال

او يطلب اللهلال يسوي صندق بهالمبلغ ويكون في الاسهم النقيه 100% ويجيه ان شاء الله عائد شهري نقول تقريبا 10% يعني 2900000 مليون وتسعمائة الف ريال
*********************************************
الحين مو جاء طاري الهلال في سهم لجين ..تراهنون انه بيقفل نسب فوووووووووق كم يوم عشان الهلال


والله يافي ناس بتقول هذا خبل

انا قلت وبكيفكم

استنى إلى مايرتفع السهم

والله فكره حلوه



يعطيك الف عافيه على هالنشاط الحلو

الافكااااااااااااااار واجد بس وين اللي يصمل .!!!!!!!!!.

انا عن نفسي بعتهن وشريت جوال الدمعه >> مشارك في البلاد عشان اشتري جوال شف التفكير

اما الباقي لاتسألني سددت المغسله والبوفيه حتى محطة البانزين والله انها تطلبني >> لهم سنه مشغليني


يعني رااااااااااااحت اسهم البلاد لاكن انا فاتني وغيري مافاته شي والجايات اكثر

على العموم زي ما قلتلك وين اللي يصمل

مستعد والاسهم مازالت موجوده

وعددها سبعة اسهم

ويفدى الهلال اكثر بس هذا الموجود

فكرة حلوة

يا عمي طير دور غير الفكره ذي

الشعب مطفر وانت تبرع

وبعدين بوجود ابو سلطان الهلال ليس بحاجتنا .

فكرة حلوة جداً
انا معا الزعيم في الحلوة والمرة
اعتبر 4 اسهم من البلاد فدا للزعيم

لووووووووووووووووووووول وشعنده الهامور السيف الهلالي

والله فكره قوووووووويه وبصراحه للحين ماستوعبت المبلغ مو راضيه

تضبط الحسبه معاي .

الله يعطيك الف عافيه على الفكره وصدقني لو طرحت بجديه راح

تلاقي اكثر من المتوقع يعني من 20 ولا 40 الف شخص

وراح نساهم فيهاا بالسوق ونطرح سدافكو باذن الله

تحياتي لك يازعيم

فكره حلوه بس من الي يصمل

والله يافيه ناس مدري من وين يطلعون ها الافكار الغبيه

اعتقد والعلم عند الله انهم يطلعونها من (0000000) :p :p :p

[align=center]بسم الله الرحمن الرحيم[/align]

السلام عليكم

اخوي بيكا ...

نعتبر هذا واعد
الله يرزقنا واياك

اخوي مغرور حدي ...
يحق لك تغتر هلالي وتستاهل


اخوي عاشق الزعيم ..
اللي يصملون واجد يابن الحلال ...

بالله كيف جوال الدمعه يقولون ماشاء الله السبيكر حقه شي

ابوخالد ...

ماتقصر والله وهذا العشم ..بس ان شاء الله نلقى بعد ناس تتحمس

اخوي هلالي في جده

نعتبرك 3 واحد معنا

اخوي عاشق الفيلسوف
ياعمي طير مره وحده...ترا مب لازم تدفع ..يعني لاتتحمس
اما ابو سلطان مو مخلي علينا قاصر ...ماصارت طلع ابونا مو رئيس ...
وبعدين اذا صار صاحبك عسل ..!!!

وينك يالزعيم ..

ماتقصر صرت رابع واحد

فيصل الف
ياليتني هامور ربك يرزقنا من واسع فضله
انت خامس واحد للحين

ياسيدهم وينك
فهمت من ردك انك معنا يعني انت سادس واحد

لاتيني ...
افكار غبيه !! والله لو سمحت لي ردك اللي غبي شوي
ترا اذا مو لازم اي موضوع تقراه لازم ترد !! ماقالولك هالشي قبل ما تدخل النت!!
ويمكن قالولك بعد ان في حد ادنى من ادب الردود تتبعه مع الاخرين..انا متأكد ان عندك هالحد بس نسيت

الى الان سته وانا معكم صرنا سبعه ..
مثل ماقلت لكم من كل واحد سهمين
7*2*730= 10220 ريال ...

والله الفكره جيده ترا وانتو احرار

والله يرزق الجميع من واسع فضله هو ولي ذلك والقادر عليه .
سلام عليكم

5 اسهم اتحاد
4 بلاد
2 سدافكو
لعيون الهلال

هههههههههههههههههههههههههههههههههههههه
يا عسل

السلام عليكم

عاشق اوين

مانبي الا سهمين في البلاد الله يكثر خيرك

صرنا ثمانيه 1450+10220= 11670 ريال

هاوي الموج الا ازرق

انت اللي سُـــــــــــــــــــــــــــــــــــــــــكر

نتنتظر فيه احد الا خلاص