حـكايتي مع الكـلب المـسعور اللي هااجم استراحتنا " قصة كومـيــديـه سـاخـرة" - صفحة رقم 2 - نادي الهلال السعودي - شبكة الزعيم

Nedved 11 · #16 13/05/2005, 05:39 PM

ههههههههههههه

هلا والله بالغلا كله
من يوم مادخلت المنتدى لقيت نور
أثرك منزل موضوع

وبعدين وشذي الحركتات

والله يأبو ساره كل يوم نلقى فيم موهبة جديدة...

تنفع بدال فجر السعيد تألف مسلسلات

أجل كلب مسعور هاااا
كلبك ذا وجه رجال يقول قابل مهب سهل....

وجاركم منصور تقل كانه الدب الداشر البلوي

المهم لا تقطع تواصل معنا هنا<<<مدري من وين طلعت تواصل

خلك على الخطين

وتقبل تحـــــياتي

المحب لزعيم اسيا · #17 13/05/2005, 06:44 PM

[align=center]

إقتباس


	أخوي المحب لزعيم آسيا .. أحسن شيء يعجبني فيك ذاكرتك القويه .. ( شكلي بأصكك عين تنسى وش تغديت )) ايه تكفلت بتذكرة لسلفاا .. عشان البر بالوالدين .. وليت ابوه يسوي له زي ماسوى ابوي وانا راجع البيت تخبر انت الوالد لما رجعت صرف حناانه معي .. بخصوص شوفتك لي في التدريب فـ اكيد مشبه .. أنا أجي واطلع سكتم بكتم محد يعرفني .. حااط لي اسم مستعاار في الناادي .. <<<< تحس مبااحث على طاري الشعر .. هذي مشكلتنا مع ( الصلعاان ) .. يبلشوونك .. حلق .. حلق .. والظاهر انت وااحد منهم تحياتي لك وأطراائك عجبني ..

إقتباس


	أنا أجي واطلع سكتم بكتم محد يعرفني ..

وش قلت لك

إقتباس


	على العموم شاهدتك في النادي ولكن ساكت كأن على رأسك الطير

.

إقتباس


	على طاري الشعر .. هذي مشكلتنا مع ( الصلعاان ) .. يبلشوونك .. حلق .. حلق .. والظاهر انت وااحد منهم تحياتي لك وأطرائك عجبني ..

لاتظلمني لان الحال من بعضه وانا مثلك شعري

وايضا مثلك ((حلق حلق حلق)).[/align]

إقتباس

الرسالة الأصلية كتبت بواسطة الهلالي- ابوسارة


	[align=center][ مدخل ] ... وتكسرت سفينتهم على امواج المحيط الهندي ( أروح وطي مع اللي علمك الاثارة )) -____________- انا ابو سارة .. شاب مستقيم ساكن في بيت الوالد .. ومقيم مع الأهل من 24 سنه بصراحه اغلب وقتي في الاستراحه مع الشباب .. متقاطين 7 شباب في استرااحه .. والأجار له 3 شهوور مطوف وكل يومين متلاقطين مع الكفيل ( تراااني سعوودي ) اقصد مع راعي الاسترااحه .. سميناهاا استرااحة الانس .. تقع خلف الطريق العاام .. خلف البقالة الي ماتبيع تتن .. يحدها جنوباً هايلكس موديل77 منقلب ..( الوصف أعتقد واضح .. سيروا يالبايخين ) الاستراااحه هذي عزيزه علي .. 23 ساعة ونصف يومياً فيهاا .. لا طفشت من دنياي عسكرت فيها واذا حدتني ظروف الحياة وبغيت انقلب .. لجأت لها بعد الله وزال همي ياعمي خلوني بداايةً اعطيكم نبذه عن ربع الاستراحه مع تعريف صغير لكل وااحد : سطاام ( رومانسي ويسمع عتاااب ) سعد (( ولد نعمة ويتروش يومياً ) ابوفهيد (( اعزهم على قلبي والأقرب لي في هالعالم كله )) ابو خدره (( مسوي عربجي وهو مافي راس امه )) عبدالغني ((اسمراني نلقبه كرنتينا ..أحياان يتقبلهاا واحييان ينصرع ويطنقر )) حمووود (( قروي ابرز هواياته جمع الطوابع والعملات النادره والحش في خلق الله )) والسابع محسووبكم .. أبو سارة زعيم الجلسه كلنا أعماارنا 24 ماعدا ابو 26 سعد هو الوحيد اللي عمره 21 سنه كل ماسبق توطئة قبل مانتوطىى في ام الحكاية اللي راح اسردها لكم .. _______________ ذاك اليوم لا بارك الله في ذاك اليوم .. رجعت البيت الساعه 3 الفجر ..لقيت الباب مفتووح ..استغربت من اللي فاتحه هالوقت دزيت الباب ودخلت .. وتوني جااي ( أديوور )) وأصك الباب : هجم علي الوالد من خلف النخله .. وبحركه من بتووع جاكي شان .. سدد لي وحده بالصدر .. خلتني ألصق في الباب .. وأصكه بظهري .. وقف قداامي .. ومعه معصااد الجريش .. وقال: جاي بانصاف الليالي وريحتك بلوت !! قلت: روووقنا الله يجزااك خير لا تفضحناا .. فك و أفك ... قال: شايفني بيبسي ام نص ريال ((يذب سمااحة الوالد )) مسكني من شعري وتلني وخلاني أوقف قداامه زي الألف أ أ أ .. قال: هماني قايل لك احلق شعرك .. أنا اوريك .. وحط رااسي بين سيقاانه .. ومسكني من بطني ورفعني فوووق فووق عالي السحب .. متأثر باندرتيكر وهالمصارعه في دبي الرياضيه ثم جيتك أمشي مليوون وعلى الأرض وآآه يا ظهري قمت القط وجهي وبوكي ووجوالي وسبحتي الهلاليه .. وقلت : الشرهه ماهيب عليكم .. الشرهه على اللي جاي يشوفكم .. وطلعت زهقاااان .. وعلى وين يابو سارة على وين .. ما بدهااش .. مالك الا هيفااء .. الاسترااحه طبعاً ______________________________ جيت الاسترااحه .. ولقيت حموود وابو خدره يشخروون قمت افرفر في القنوات واناظر رسايل هالمرااهقين وأتحمد ربي : محمد وحشتني افتح جوالك ودق تررى بامووت .. حبيبتك لمااا سعود الرياض.. ابي اتعرف على وحده رومانسه وتسكن شرق سكاكا ميسوون الخبر: ارجع ياكل الحب ارجع ياخلوودي طفشت منهم .. فريت على الفضائيات الحكووميه .. وأثر البرامج الدينيه تدهر بهالفجريه!! لا صحوا الناس .. حطوا افلام واغاني ... واذا نامواا.. حطوا برناامج فتااوي واحاديث !!!! بيني وبينكم الدش مو صافي .. يقطع .. والشاشه ترووح وتجي.. أشرت لها عيت توقف صكيته وأخذت لي غفوة .. جاني الهندي لقماان حق الاسترااحه معه كيس صاامولي يصحي فيني: بابا سارة بابا سارة ... قووم "سئوور يجي " .. رفعت الكااب عن وجهي .. صكيته طرااق .. قلت اطلع من سمااي مانقصتك قال: والله سئوور يجي .. ناظرت الدريشه : النور بدا يشقشق والدجاج يبقبق ( ياهوه يانزار بن هذال ) قلت له من هاللي جاي هالحزة !! قال: سئوور كبير اسود قلت: تكلم زين وش بك كأنك ملحووق .. عااد علي نفس الجمله .. قلت في نفسي : الله يرجه .. أكيد هالأسمراني جارنا منصور الدب .. جاي يبي زي العاده: سلف ملح .. مااجي صلصه .. وانا طالع .. صكيت باب الاسترااحه عشان مايدخل هالنشبه منصور وانا ابي انوم .. يمين .. يساار .. مالقيته .. وين راح منصور؟!! قلت: أكيد ابطيت عليه ورجع استراحتهم .. باروح له قبل يرجع ويصحيني وانا خرماان نوومه.. وهنا بدأت الحكاايه (( بدري يالشيخ )) مشيت !! مشيت !! وفجأة .. وقفت .. ثم مشيت (( أخ يا اثارة هوليوود يا انا )) والله وانا في الطريق سألت النفس : وش جايبه منصور هالصبحيه .. هو وربعه يجون المغرب ويمشوون وحده الليل .. غريبه .. وصلت استراحتهم لقيتهاا مقفله ولا فيه اي سيارة عند الباب .. قلت .. الله يرجك يا لقماانووه ماعمرك جبت العلم صح .. ورجعت اعقاابي لأني نعساان وانا مديووور .. لمحت زووول اسود كبييير !!!! والله صاادق لقمااان !! وبديت اجمع حبل غسيل افكااري وأتذكر الكلام اللي سمعته من يومين : (( يقولون فيه كلب اسود مسعور "سئوور" يدووج بهالحواري الصااده ويعض وياكل خلق الله )) بلعت ريقي اللي نشف .. وأمعنت النظر .. والنتيجه: فعلاً .. أخوكم ابو سارة أمام الكلب المسعوور وجهاً لوجه !! يقول الفيلسوف اليوناني مرطاخووف : أسوا شيء أن يدااهمك الموت وانت لم تكتب وصيتك .. الكلب قداامي .. والأرض خلااا مابها احد .. وعزرائيل مابيني وبنيه الا ثوااني لا اكثر!! قلت لنفسي : يابو سارة حط رجلك !! " بس المشكله اني صكيت باب الاسترااحه .. ولما انحااش واقعد اطق الباب واحتري هالخيشه حموود وخويه العربجي يصحوون ثم يفتحون .. اكون وقتهاا نقانق بالمتبل الصيني في بطن ابو الشباب قصدي ابو الكلاب أقترب الكلب المسعوور مني !! صار وجهي بوجهه .. وعيني بعينه .. ودمعت عيني ودمعت عينه كفاناا من زود الفرح هلت دمووع للأسف .. من قراادة حظي .. ومن حسن حظ المستر مسعوور .. أني لما قررت الهرب .. لمحت الدلخ حموود وابو خدره فوق سطح الملحق يوازنون الدش !! يبوون يلحقوون على برناامج المملكه هذا الصباح لما شافوني وجهاً لوجه امام الكلب .. قاموا يصفروون ويشجعوون .. وصاار ابو خدره يطق في صحن الدش زي ابو هلال مع الطبل التركي في مدرج الهلال وحموود يقول:حيوا ابو سارة حيووه .. وعبدالغني كل اللي اذكره انه استنزل على طق ابو خدره !! ..... عااد انا زعيمهم واقوااهم .. فـمن العاار أهرب أمامهم .. وقررت المواجهه ( أخس يا بتال ) قلت في نفسي : الله واكبر يابو سارة.. وش الكلب يعني ؟ مجرد قطو حجم عائلي! وش قطو .. الا فاار بس ( مورم حبتين ) اهجم عليه وخلك حيادي (( الله من الهلوسه )) بنفس الوقت .. سمعت لقماان الهندي هو وربعه .. مسوين راابطه ويغنوون لي : بابا سارة .. ياكلك هبه هبه .. ياكلك ... مع وااهد فلفل .. هم همممم والسيارات على الطريق العام تتفرج .. والمرور كثف الزحمه ( الله من زين الوصف )) والهلكوبتراات فوقي تبااشر النتائج .. وانا والمسعوور قباال بعض وكل وااحد محترم خصمه قبل ان اهجم .. حاانت مني التفااته عااجله واثر ابو فهيد ينزل من الكراسيدا حقته .. ويجي مسرع نااصي مكاان المعركه ويصرخ : كله الا ابو سارة ( قايل لكم اعز وااحد على قلبي)) .. وتذكرت عدناان لما جااء مسرع لـ جنود القلعه وأنقذ (...) ابو سارة هههههههه جااء ابو فهيد مااشي ألفين نااصي الكلب .. الكلب مطنش وببروودة دم لما وصله ابو فهيد سوى حركه هيدروكربتراديه خاطفه .... وألين ابو فهيد قداامي يخررر دم ( ياسفااب الحماس) قام الكب يحك ظفووره .. ويصفر وقذلته فوق عينه اليسرى : قال لي: هااه يالاطخم اسدحك جنب خويك .. ولا آكلك وأحط عضامك فوقه ؟! أختر .. قلت : احذف الاجابتين بعدين هذا ما قد شفته ولا هوب خويي ( جحدت ابو فهيد مسكين بس الضرورة )) قامت اسنانه تصرصر من الحمااس .. رحت مسووي زيه .. ومن قوة الدوس على اسناني .. نط النااب حقي قداامه في ارض المعركه !! قعد ينااظره مستغرب .. استغليت الفرصه .. وبحركه نابعه من تأنيب الضمير الانسيابي : طمرت عليه وتشعبطت فوق ظهره .. وصفق الحضووور قعدت اخنق فيه بحمااس .. التفت علي ببرود .. وقال : يالحبيب .. حمار عندك انا .. راكب ضهري!! لا خل أوديك استراحتكم احسن .. أنزل وتطاااق زي الآواادم .. أستحيت وانا ناازل ومتولم للنحشه .. انقلبت الأرض وصاارت سمااء .. وصاارت رجلينه ويدينه في بطني وصدري .. ووجهي بوجهي .. خشته بكشرتي تذكرت بهالموقف رشدي اباضه ومديحه يسري . قلت له .. الله يستر من رومانسيتك وفتح فمه وشفت انيابه .. على فكرة .. اقصر أنياابه أطول من أصبع رجل ابو جيراننا وأنقض على رقبتي .. و ............. و ............. ________________ فاصل اعلاني دن دن دن فااصل ميوزيك مع دقة خطر .............. طبيت على ابو فهيد وخميته من الخوف .. سمعته يسب ويلعن !! أيضاً سمعت صووت بوووري معلق .. لا أخفيكم سراً أيضاً سمعت صووت فراامل عنيف جداً .. دفني ابو فهيد .. وهدأ السرعه .. ووقف يمين الخط .. والتفت علي وعيوونه حمراء معصب: عسى ما شر يالثور .. بغيت تخلينا نجيب العيد في هالتريله اللي من شوي .. فركت عيوني .. قلت : سلامات عسى ما شر يالحبيب .. قال : انت مدري وش سالفتك .. من مسكنا خط الشرقيه وانت حلووووم : رد الكلب .. هات الكلب ... قلت بسرعه مسوي انفي التهمه : وش كلبه .. وش مسعوور لا عضني ولا شي قال: انا قايل عضك .. انا قايل مسعوور !! تورطت .. قلت : ايه بس من الربشه يمكن انك نسيت .. ________ وصلنا الشرقيه واسفهيلناا .. ورجعنا استراحتنا .. والحمدلله صاار سيناريو حلم مرعب .. لا كلب ولا هم يحزنوون .. ________- يالربع .. لا ينط لي وااحد منكم ويسأل اسئله بايخه ويقول : اصلاً يانصاب الكلب مايتكلم .. ترى القصه تعليق في تعليق وبلاش اسئلة رابع جـ والابتدائي أووكي حقوق الطبع والنشر والتأليف محفووضه للهلالي ابو سارة .. جميع شخصيات الروايه حقيقيين .. فقط السيناريو خراافي ذبواا عليهم ترااهم مايزعلوون .. ربعي ويحبوون اللي أحبهم [/align]

[align=center]اسمحلي اقييم موضوعك الذي يعتمد على المبالغة والخيال مع الطرفة.
هناك من يكتب مبالغة مع خيال ولكن من غير طرفة وهذا تلاحظه في كتابات اخي العزيز تغيب الشمس بحلم يومي.
وللمعلومية فهذا ليس عيب لانه غذى ملكة الخيال بشكل كبير اعطت موضوعه جمالا.

اما مواضيعك فكما قلت مبالغة خيال طرفة.
بهذا الاسلوب تستطيع ان توصل الى اشخاص كثر ويخرج للشخص بشكل مبسط ((على قدنا)).

للمعلومية راح تقابل بعض الاشخاص لايؤمن بالخيال فبمجرد ان تقول ((جلست اسبح في السماء))
بيطلع لك واحد ويقول وش هالكلام تلعب علينا

.

صدقني الذي لايسيح مع الموضوع ويقرأه بكل تجلياته وعند الخيال يتخيل فلن يعرف مغزى الموضوع ولن يستطيع ان يقرأ.

قد تجد شخص يتغزل بشئ وانت تعتقد شئ آخر.

طبعا كما قلت موضوع يعتمد على المبالغة والخيال والاكثر هو الطرفة والبساطة وعدم التكلف.

طبعا من خلال موضوع قد يضحك الشخص منه وفيه العديد من الرسالات وتدخل للقلب دون وساطة.

طبعا فيه رسائل او مفاهيم او بالاصح شئ يجول في خاطرك وشئ مايعجبك:

إقتباس


	قمت افرفر في القنوات واناظر رسايل هالمرااهقين وأتحمد ربي : محمد وحشتني افتح جوالك ودق تررى بامووت .. حبيبتك لمااا سعود الرياض.. ابي اتعرف على وحده رومانسه وتسكن شرق سكاكا ** ميسوون الخبر: ارجع ياكل الحب ارجع ياخلوودي

إقتباس


	طفشت منهم .. فريت على الفضائيات الحكووميه .. وأثر البرامج الدينيه تدهر بهالفجريه!! لا صحوا الناس .. حطوا افلام واغاني ... واذا نامواا.. حطوا برناامج فتااوي واحاديث !!!!

إقتباس


	قلت في نفسي : الله يرجه .. أكيد هالأسمراني جارنا منصور الدب .. جاي يبي زي العاده: سلف ملح .. مااجي صلصه ..

في كم سؤال ينطح نفسه:
في موضوع سابق قلت في واحد يحب الاندرتيكر والمصارعة و توصل انه يفتن بينكم على شان يشوف مصارعة(( س)) من هو؟
هل الاستراحة حقيقية والا مجرد شئ خيالي تستشف منه كلامك وفي نفس الوقت تستطيع ان تضع مجموعة من السيناريوا لكل مناسبة؟
ماسر استخدامك في مواضيعك للامثال والحكم وكيف استطعت ان تعرفها؟

اخوك
المحب لزعيم اسيا [/align]

الهلالي- ابوسارة · #18 14/05/2005, 02:37 PM

[align=center] أخوي ندفد 11 ..

الله حيه هنا .. (( صرت رااعي محل ))

ياخووك حسيت اني استهلكت نفسي في منتدى الجمهور ..

قلت .. أغير المووجه ..

فريت أم الطاارة 360 درجه على مقياس رختر وطحت بالمجلس هذا

شرفني مروورك ..

ومداخلتك ..

ياابن آخي

<<<<< طلعت الواسطاات

هههههههه سلام يا بعدهم ..

وابشر بالتواصل ما أمكنني

_______________

أخوي المحب لزعيم آسيا ..

الله الله الله عليك ..

وقبل ما أستطرد في الرد .. خذ لك كم الله على الطاير ..

الله الله والله انك تحفه ..

لما أشوف تحليلاتك الرياضيه أقول هذا زاجالو بس متنكر

ولما أشوف نقدك أقول هذا المنفلووطي رجع للدنيا من جديد (( قوية صح ))

عندي احساس انك لو كتبت قصه .. يتوهق شكسبير ويدق اللطمه ويغير اسمه لـ منااحي

..............

يالغالي..

براافو عليك ..

انا أحاول أمزج بين الفكرة والنكته على قد ما أقدر ..

بكذا توصل مقالتك .. لكل قاريء عموماً ..

بعضهم لما يشوف مقال اسطوري وفيه خيال مع بهارات بلاغيه..

تلقااه يقول .. وش ذا اللي جاي يتفلسف علينا ..

بينمااا لو جااء قااريء متعمق في الأدب وقرأ مقالة طريفه حبتين ..

ماعنده مانع .. يتفهمها بسهوله ويقراهاا ..

.............

الاسترااحه يالغالي زي ماقلت في نهاية القصه :

حقيقيه .. الاشخااص حقيقيين .. بس السيناريو خراافي من قلب .. وانت خير العارفين

حتى لقمااان صدقي ( وعدته لا فاز الهلال اشري له سيكل .. توهقت)

اللي يمووت في المصاارعه هو:

ابو خدره .. واسمه عبدالعزيز

وماشاء الله عليك ذااكرتك قووويه ..

بخصوص الأمثال مافهمت الامثال اللي تقصدها ..

لكن بشكل عاام .. أحب أصف كم مثل على الطاير وانا أحكي بطبيعتي

الله لا يهينك وثانكس

[/align]

فرصه ضايعه · #19 14/05/2005, 02:52 PM

[align=center]ياهلا بأبو سارة بيننا

إقتباس


	والشاشه ترووح وتجي.. أشرت لها عيت توقف

إقتباس


	اكون وقتهاا نقانق بالمتبل الصيني في بطن ابو الشباب قصدي ابو الكلاب

إقتباس


	على فكرة .. اقصر أنياابه أطول من أصبع رجل ابو جيراننا

قمة التنسيم الصراحه

كل القصه روعه ماأدري وش أعلق عليه من زينها

بس مب على كيفك تتركنا

ترانا ننتظر منك مشاركات قادمه في منتدانا

[/align]

واحد زاحف · #20 14/05/2005, 05:44 PM

[align=center] :p :p :p :p :p :p :p :p :p :p :p :p :p :p :p

(وجه واحد منسدح من الضحك ) >>> يعني اللي فوق ماكفو

[/align]

بربوس الهلال · #21 14/05/2005, 05:44 PM

هههههههههههه
الله يرجـك ..

الهلالي- ابوسارة · #22 14/05/2005, 06:36 PM

فرصه ضاايعه (( مسوي تراوري ))

الأطخم وااحد زااحف (( تذكر سالفة اللومينا ))

بربوس الهلال (( هذا من منتدى الجمهور وش جابه ))

الله يعطيكم العاافيه ومشكوورين على المرور

البارق77 · #23 14/05/2005, 06:42 PM

هاهاهاهاهاهاهاهاهاها
الله يرجك ياابو ساره وان متحمس على القصه كانها من قصص طاش ماطاش

الا على قولة طاش ماطاش وش رايك تمثل معهم انت وخويك ابو فهيد

واحد زاحف · #24 15/05/2005, 11:37 AM

:p

إقتباس

الرسالة الأصلية كتبت بواسطة الهلالي- ابوسارة


	الأطخم وااحد زااحف (( تذكر سالفة اللومينا ))

[align=center]هههههههه مافي امل انساها الله يرجها من حفره

ياحبي لك بس

:p

الهلالي - ابوسارة ستاراك

[/align]

الهلالي- ابوسارة · #25 15/05/2005, 05:40 PM

إقتباس

الرسالة الأصلية كتبت بواسطة واحد زاحف


	:p [align=center]هههههههه مافي امل انساها الله يرجها من حفره ياحبي لك بس :p الهلالي - ابوسارة ستاراك [/align]

على طاري ستاراك ..

ذكرتني بـ الشيفه كاتيا

المهم .. رجع اللومينا لأخوك

<<<< ألعن ام الفضايح

Mάd Blũè · #26 15/05/2005, 07:58 PM

قصه حلووووووة
شي مو طبيعي

ab_kd3000 · #27 15/05/2005, 09:42 PM

[align=center]

تبي تقرأ الرد :: اظغط ... ctrl + A ... حدد الكلام يعني

والله بعميلك عينك مثل ماعميت عيني .

. انت وقصتك ام 100 سطر

======================================

[frame="8 60"]

....... :: خخخخخخخخخخخخخخخخخخ ولا (جون سميث) <<<<<<< مغني

سواها

لعن بو بليسها من قصة :: نظارتي .. توصل للشاشه وترجع

عى طاري الاستراحات

الخميس عندنا طلعه لاستراحه ::

لاتخاف :: ما بقلك تعال ::: انبلش فيك

.. ماني ناقص احلام .. و يسرى

يالله انت وخشتك

سلاااام ... ترى رديت بالغصب << ماوده يرد

<< احلى ياصرااااحه

بس وش اسوي ؟ الكاتب واسلوب الكاتب غصبوني

<<< قايلكم صريييح

عبدالله

[/frame]

[/align]

دبــل كيــك · #28 15/05/2005, 10:43 PM

لحظـة شـوي أبوســارة ...
ههههههههههههههههههههههههههههههههههههههههههههههههههههههههههههههههههههههههههههههه
هههه هههههههه هههههههههه ههههههههه هههههههههههه هههههههههههه
هههههههههههههههههههههههههههههههههههههههههههههههههههههههههههههههههههههههههههه

أبوســـارة ...يمديك على الضحكة كانها خط الكويت القديم وانت جاي من ابومعـن ....

الكوميـدي السـاخر السـاحر السـامر السـاهر الساصر ((لاتدقق بالبحر الأخير)) << مسوي فاهم شعـر ...

شـف أبـوســارة انا كنـت استحي منـك ....

حتى اني لاخشيت على مواضيـعـك احـاول مااحط عيني بعينك ...

لدرجــة اني صـرت اتلطم بسـجــادة ... ((والله من كبر الوجـه)) ...

بس الحيـن فانا أبصمـلك على عشـر(( أصابــع )) ..

هي وحـدة من الثنتيــن ... يا انك خالطـهـا ((عـود كمبـودي + شهبـه)) ...
ياانك مسيـر علـى جميـلـة الخـرج ... ومتبخـر منـها ....
ياإنك متروش في طشـت ابوخليــل ...
يامدبـلها بورق حجــازي ....
يا انك سهـران وفصلت عليـنــا ....

تنسيــم ... إقــلاع ...خبــال ...مرجـوج .... اقول انت منتب صاحـي << خربـها ....!!

أمـا الاندرتيـكر ههههههههههه ....

بس صدقني لو شفت مصيبة غيـرك تهون عليـك مصيبتـك ....

أنـا عنـدي الشـايب مركب أسـلاك ام شوكة على جـدران البيــت ....

وبعـد السـاعة 11 مادري عشر ونص مادري المهم لاقضى حسـن كراني من نشـرته الجـويـة ...

<< ياهو يحقـد على حسـن كراني لا استعجل بالنشرة الجـويــة ....

طق البـاب بذاك الزرفال وصك الزرفال بقفل عراقي معه من ايام التهريب بالدوج للعـراق ...

ويتحراني اليوم الثاني واول ماخش البيت الا هو مسوي حركات احماء ويناقز ...ويطقطق رقبته .. ولاكان التشجيع قوي بعد فتح عين وغمض عين << الا يسوي مثل روك غصـب ...

ويمده يده يعطي اخواني كفـه وانواع والتصفيق والتشجيــع من الصـالة والمقلط إلى المجلس ...على أنغـام

وهناك الحلبـة المخصصـة المعـتـادة لنـا طبعا بعد مايصير ********* ....

طبعـا النجمات كلام مشفــر ...

والنهـاية طبعـا كالعـادة يربطني على شكل صليب ويثبتني تحت المروحـة ويشغلها على واحد ويمشي ...

ولهـذا انا اقترح عليـك مادام انا ضحـايا ... لهذه المجازر البشريـة ...

كل واحـد فينـا يشتغل مدير اعمال لشايبــه ...

ونسوي مـوعــد لمبـاراة في المصـارعة الحــرة بينهم ...

على فكـرة لاتنسى الكرفـتــة أبـوســارة ....

هـذا من نـاحيــة الشيبــان ....

أمـا شلة الأنـس فأيضا اقترح ان نلعب معكم صكة بلوت ....

واللي ينهزم يركض يركض يركض يركض يركض يركض وبـس .... ((بدت المصـالة)) ...

بعديـن اذا الـدش يقطع عندكم غيروله بواجـي ....((مصالة من صدز اما الحيــن)) ...

أما مواجهتك للكلب صدقني حزتها كنت محتاج ديسيلفا ((اقول اطلع من مخي بس)) ...

ياشيخ اذا ماتشوف الكلب ماعنه وعن اقرب تريله ... واذا السواق بعد سهـران ... الا صار اوصال على الخـط ...

ومـادام سمحت نذب على ربعك اسمحلي ابوســارة ...

سـطـام : (رومانسي ويسمع عتـاب) ...
• انا احس الولد ذا ماوسـخ جـدران مـدارس الشرقيـة غيـره ((كاني اشوفـه يتسحب بالحواري ورابط البخـاخ ببكلة في سـاقه)) .... ذبحـه الحـب ...((من النوع اللي لاهوجس ينسدح ورا جـدار ويقعـد يرسـم دواير بيده وهو يطالع للنجـوم))..... سطـام يابعـدي هون على روحك ... ترا عذبتك اغـاني ابوسـامي ... ولايهـون عـزازي ...نصيحتي ابعـد عن الحرف العنقليـزي ...

سعـد : (ولـد نعمة ويتروش يوميـا)...
• الآدمي ذا مولود في برج الطشت ((صرفها دبل كيك)) ...مـن النـوع اللي يفهي لاشـاف مريـم نـور ... يعني سريع التأثـر ...شـكـاك في تصـرفـات الآخريـن ... وده ما يمشي الا وهو معلق مكيف صحراوي على كتفــه ....مكالمات آخر الليل ذبحتـه ...نصيحتي افصلوا جـواله ((امحق )) ....

أبوفهيــد : ((أعزهم على قلبي والأقرب لي في هالعالم كله)) ...
• انسـان متقلب المـزاج ...((ياشينـه لامسكت معه غلط)) ... ابوسـاره انت مامدحـته الا لك مصلحـه عنـده ....شكله ولد طنخـه ... وهو مطنـوخ بعـد .. بس لاتزعلــونــه ....نصيحتي لابوفهيــد ... الله الله بابوســاره ...احس انك تقـواه وماسك عليـه بلاوي ....

أبـوخدره ((مسوي عربجي وهو مافي راس أمـه))...
• كني اشوفه شوف العيـن ... بنت البكـار ... تسمعه وهو يتسحب بالزبيريات من اقصى الشــارع .... حاطله بكتين احمر كل بكت في جيب ....ثيابه محترقة ((من آثـار السفـرة)) ... وخصـوصا لاصـار في السيـارة ....يحب المديحــة ....يتشقق يتكوك لاقاله واحـد يارووووحي يالزااحف ...ياشينه لاقال ((يفداك اللاش)) ... وهو مضخم صـوتـه ...نصيحتي له ((غسل فنيلتك لو تنشرها كنها منشفة خـال يغسل سيارات عند مستشفى الدمام المركزي)) ....

عبدالغني ((اسمراني نلقبه كرنتينا ..أحياان يتقبلهاا واحييان ينصرع ويطنقر))..
• ذبحته الفرارة بالحـواري ...ماغير تقزز في خلق الله ... مايشوف بيـاض الا استلم الشـارع لمدة اسبـوع... يموت بجلسات الطرب ... والسـامري ... مايمدي أي شلة تنزل طيرانها من سيارتهم الا جاك عبدالغني ينزل معهم ...انسـان كتـوم لاسـراره وخصوصا بالشغلات ذي ... ((يخرب عليه ابوسـاره))...هاوي اشرطة تفحيـط ... طموحه يصل الى مستوى بوبو ... مايعترف بتفحيط الشرقيــة ... يمكن يجيكم يوم وهو صارفلكم سالفة ... وانه توقف بالشمـاليــة ...والسبـة ؟؟؟ ... عبدالغني نصيحتي لك ..((اثـــقـــل))....

حمووود (( قروي ابرز هواياته جمع الطوابع والعملات النادره والحش في خلق الله ((...
• لارقـد يتلوى اليـن تصك ركبته بضروسـه ... ولهذا فهو يعني من كدشات بلحيه وفكه السفلي ناتج عن الحوادث بينها وبين ركبته ....دائمــاً جواله ماهو مشـحـون ... غاثكم بالاستـراحـة ماغير يفكك بطاريات جوالاتكم ويطلع يقول عندي مشوار ضروري ... هـاوي للكنـود ... ايضـا ناشبلكم كل يومين وهو جايب شلة متعرف عليهم عن طريق الكنود ... فاهم الحضـارة غلط ...ياشين القروي لاتحضـر ...دائما وهو مسببلكم مشاكل ... كثير التحرش بخلق الله ... ودايم تجي براسـه ...

ابوســاره ... المعذريـة يابعــدي ...

وابيك تعذرلي من اخويــاااك .. انت عزيز وغالي...

وطلبت ناخذ راااحتنا ....

وفضفضتلك على مايجوب في خاطري ....((تربييت تيييييييت على مايجوب)) ....

يعطيك الف عافيــة ...

وطلب خاص امتعنا بمواضيعك ولاتقطعنـا ...

عاشـــــــ سامي ـــق · #29 16/05/2005, 12:17 AM

هـ
هه
ههه
هههه
ههههه
هههههه
ههههههه
هههههههه
ههههههههه
هههههههههه
ههههههههههه
هههههههههههه
ههههههههههههه
هههههههههههههه
ههههههههههههههه
هههههههههههههههه
ههههههههههههههههه
هههههههههههههههههه
ههههههههههههههههههه
هههههههههههههههههههه
ههههههههههههههههههههه
هههههههههههههههههههههه
ههههههههههههههههههههههه
هههههههههههههههههههههههه
ههههههههههههههههههههههههه
هههههههههههههههههههههههههه
ههههههههههههههههههههههههههه
الله يرجك رجا مبرحا
===========================
احلى ما في الموضوع انهم ينتظرون المملكة هذا الصبــاح
============================

الهلالي- ابوسارة · #30 16/05/2005, 12:58 AM

[align=center] ديل بييرو ..

تسلم على المرور يعطيك العافيه

..........

ab_kd3000 ..

وصلت السطر الثالث وبدت تحكني عيوني كأني مبخوخ بفليت (( ذباب الأخ ))

عليك لون مدري كيف اخترته ..

عندي احساس أنك لما خلصت مشاركتك كبيت عليهاا حليب

على فكرة تراني عليمي نت .. لو ماعلمتني عن ctrl + A كاان ما شفت الا وجيهك اللي تضحك

<<< الله على الصرااحه ..

عليمي نت وأحيان أخش بالتوك .. واذا طنقرت من أحد قلبت هكرز

على طاري الخميس .. ودي أجي واذب وجهي عليكم ..

بس جلسات الخواال ماتناسبني (( شاك في نفسه ))

مشكور على مروورك الرائع والجو اللي اضفته للقصه

___________

الدابل المدبول دبلوول مدبوولي

حيا الله دبل كيك في المجلس العااام ..

أرررحب يا ولد ..

لما اشوف مشاركاتك .. أقول هذا يخلط دمه بـ تونة جيثا .. عشان كذا دمه خفيف

أحيان أحس أنك متهور وشارب فيمتو بحريني

(( بسم الله عليك ))

بأمسك ردك .. وأفصفه حبه حبه .. ياكلك

(( مخه في الكوورة ))

بالنسبه لأبوك ريك فلير ابن كيك ..

يبطي يوصل مواصيل الوالد ..

ابوي معه حزام ماوراء القارات وشرق البحار ..

زعل مرة من نسيم حميد .. حجر له في السويدي حق لندن..

و رنه رن لين فتح

طبعاً هذي قصصه علينا عند الوالده ومسوي لنا فيها ..

على العموم ابوي وابوك من المصارعين الكبار ويبي لهم شبك ودمويه

** بخصوص الشباب فـ أنت داهيه وما رحت بعيد ..

جيت على الجرح لكل وااحد ..

بس اضيف لمعلوماتك بعض الأشياء :

ابو فهيد.. بيني وبينك كنت أحسبه يحبني عشااني أوصله وهو مامعه موتر ..

بس أثبت وفاءه لي .. وضل صديق مخلص حتى بعد الكراسيدا اللي شراها ..

عبدالغني .. كل يومين في الوادي وأول ماسيقبل عليهم يوقفون الطق

حموود قروي لدرجه مايستوعبها مخك المرجوج

مرة غلط في رقمي وبدل في احد الارقام .. ردت عليه بنت .. سكر السمااعه..

راح كب على رووحه من هالعطر .. ثم قال انسدح عشان الصوت يضبط وقال:

الو .. فيصل موجوده

بس زكرت

الله يرجك .. أجل ابوك يشغل عليك المروحه على واحد ويربطك ويطلع

ملحق ابو غريب هذا

ذكرتني بأبو واحد من العيال بخيل .. شافنا جالسين ثلاثة بالمجلس.. قال :

ياويلكم من الله .. ثلاثة ومشغلينها على خمسه

<<<< وززز طع من زمااان

يالله ما اطول عليك .. وصرااحه أنت بروفسور مهندس في خفة الدم

..............

عااشق ساامي ..

تسلم هالضحكه اللي غطت على ضحكة ليلى علوي

مشكوور

[/align]