بسم الله الرحمن الرحيم:
في اول مشاركه لي في منتدى الزعيم بعد ماقعدت حوالي الثلاث شهور متفرج من بعيد حبيت أني
انشر هذي القصيده اللي اقتبستها(حلوه هالكلمه مدري وش لون طلعت) من احد الاشرطه الدينيه
واتمنى انها تحوز على رضاكم:

يوم نشدوني عن دموعي وانا امك
جاوبتهم وابعدتهم عن طواريك
ما ابغى اجرحك في كلمة تزيد همك
ما ابغى اقول ان السبب من تجافيك
يومي لمست الصدر في يوم ضمك
نسيت انا الي حولي وقمتنا أبكيك
ما دري أنت عايش وارتجي لمس جسمك
أو ميت واقول يرحمك واليك
يا ما سهرت وزاد غمي لغمك
ما ارتاح ليمن تهتني في لياليك
وياما الى طولت نومك أشمك
وأتأكد إنك عايش لي وأرجييك
وياما زعلوا مني خوالك وعمك
وياما هجرت أقرب قريب ضحك فيك
وياما ذرف دمعي الى سال دمك
براءة الأطفال ما هيب تـنهيك
ويا ما انتظرتك عند بابي وأنا أمك
وأقول في يوم تجيني وأحييك
أخاف من يوم يجيني يغمك
ويجيك علمي مع عزيز يعزيك
انا على الله داخله ثم لمك
ارحم قليب تالي الليل يشكيك
فكر بمنهي صابها ضيم ظلمك
واذكر حشا ضمك وعسر المساليك
ودي اشوفك قبل يومي ويومك
لو مرة بالعام يالله يخليك
ما ابيك تقطعني إذا أمري يهمك
بقعد معك واضحك واسولف وأحاكيك
يا وليدي اذكر كلمة قال فمك
ليقلت كلمة يوه قلبي يلبيك
واذكر زمان به فراشي بجنبك
والى شكيت تقول يمه واسليك
والى اشتد ما بك فوق كتفي أزمك
ما ارتاح لحظة لين ربي يعافيك
والختم ليجتك الرسالة وانا امك
يما تجي والا انا ازحف وانااجيك

ا لسلام عليكم

الحقيقة تسلم على هل الابيات الى لا يمكن تكتب الا انها تكون طالعة من القلب
وبعد ين يأ خى وش عقب الآم الظاهر ما خليت شى.
اللة يعطيك العافية.

الاخ مجنون الفن الهلالي:
تحيا تي لك وهلا بك معنا ووسط اخوان لك.

بالفعل اختيار رائع منك لهذه القصيده المعبره بالفعل...

والام مهما قيل فيها..فلن نستطيع ان نفي بحقها علينا..

يعطيك العا فيه اخوي والله لا يحرمنا من امها تنا ..امين.

مجنون الفن الهلالي

أروع قصيدة قرأتها عن ألأم الغالية .

لقد سبق وأن نشرت في هذا المنتدى ...وأتذكر بأني رديت عليها بس لاأذكر من كتب القصيدة.

المهم لو تكررت عدة مرات تبقى رائعة الى أبد الدهر.


هذه ألأم .... وهذه الحنونة الرائعة
أشجتني بفيضها وحبها... يالكي من رائعة

الله يرحمك ياأمي وياأبي

الله الله الله الله الله الله ..

وش هالكلام الحلوووووووووو عن الأمـ واهلا فيك في منتداك..

هلا والله باخوي مجنون الفن الهلالي :
مرحبا فيك يا اخوي في منتدى كل الهلالين .
ورائع ها الكلام يا اخوي هذا الكلام الي على لسان الام وتشكر يا اخوي العزيز .
ان شاء الله هذي المشاركة تكون بداية ممتازة لك يا اخوي في هذا المنتدى .