انا اتفق معك انه نور راح ضحية الاتحاد السعودي..استغرب كيف رئيس الاتحاد حط محمد نور كبش فداء..
وصراحة استغرب اكثر تدخل الامير عبدالله بالموضوع .. المفروض الاتحاد السعودي يكون له هيبته وقرارته لانه المتخصص في الرياضة .. لكن اتضح ان الاتحاد السعودي برحة وكل قراراته غريبة جدا..
محمد نور صراحة لاحظت اداءة في المباريات الودية ..ولاحظت اداء المنتخب بدونه قدام كوريا ..اتمنى بكل بساطة انه مايرجع للمنتخب..
هاللاعب لعب زين في البطولة العربية لكن عقبها ملاحظ انه فردي جدا ولعبه مع المنتخب بدون نفس..ومع الاتحاد ماشالله خطير..
احترم رايك اخوي كاتب الموضوع لكن انا ضد عودة محمد نور للمنتخب وبرضة ضد عودة احمد الدوخي..هالاثنين لعبهم فردي بشكل كبير ومستواهم الفترة الاخيرة سيء..
بخصوص كلامك عن سامي الكل يدري انه الاتحاد السعودي سمح لسامي مثل ما سمح لمبروك زايد انه يلعب مع الاتحاد ضد الهلال..مادري ليه تقارن بينهم .
بالتوفيق للاخضر وللزعيم انشالله