[align=center]
| إقتباس | | | | | | | | |
والامير سلطان لايسمح لاحد بنقد هذا الاتحاد والعاملين فيه..
المشاكل كثيرة جدا جدا ولا تكفي مشاركة واحدة لسردها.. | | | | | |
اولا اشكرك اخوي على الطرح الجيد....
لكن المشكله تكمن في الرئيس ..يعني اذا كان رئيس الاتحاد السعودي ماعندك احد كيد راح تكون الرياضه السعوديه ماعندك احد...
ابقولك نقاط ابسط واحد فاهم كوره المفروض يتفاداها..
# اذا كنت لاتسمح بالنقد مهما كان النقد سوا جارح او غير ذالك وتؤنب من ينقد وتخرج لنا في اكثر من وسيله اعلاميه وتقوم بستهجان ذالك وتطلق الصراخ على من نقد وكأنك تحذره ان يكرر ذالك وان كر سوف يلقى عقاب اليم وتستعمل مع اسلوب التهويل فكيف تريد من الصحافه ووسئال الاعلام قول رأيها بصدق وصراحه...وكانك تريد المدح وهذي هي الحقيقه ... (( يا امدحني يا اسكت))
# دوري سعودي اصبح فاشل فأنتج منتخب فاشل...
@ دوري سعودي يقوم على مربع
بالله عليكم هذا يسمى دوري .. هالحين ياطاليا واسبانيا وانقلترا وفرنسا والمانيا .. دول ضاع عمرها في كرة القدم دول اقدم مننا بسنين دول صنعة تاريخ كرة القدم نظام الدوري عندها ذهاب واياب ومن دورين فقط لامربع ولا خرابيط واختراعات... نجي حنا اللي تونا فاقشين من البيضه نخترع نظام مربع ومثلث ماسي ومري ايش
والله قمت المهزله لا ويبون يتطورون..
@ تطفيش الجمهور من الحضور للملعب ..لا واللي يقهرني يبون الجمهور يحضر ...
طيب سؤال فيه احد يمنع جمهوره من الدخول للملعب بسبحه
قسم بالله سبحه يقولون ممنوع الدخول بها للملعب الاؤامر تقول كذا ... وكيس الحب فرغه في جيبك وادخل ولا لاتدخل.. كيس حب
( مدخل معي بازوكه انا ولا سبحه ولا كيس حب
)
والعلم لام يكون خرقه فقط.. لا ولا يصير مكتوب عليه شي لازم يكون علم ساده ولا مايدخل... ياخي الاوامر تقول كذا ....(( الله ياخذ عمر من حط هالاوامر الغبيه اللي زي وجهه وقلته))
لاحظ التطور عندنا وعند غيرنا... ناس تدخل بالاعاب ناريه وناس ممنوعه من سبحه وكيس حب..
ناس تدخل الملعب وهي مبوسطه وناس تجي للملعب تضيق صدرها ...
لا واذا دخلت الملعب ..تحسب نفسك داخل توسع الصدر .. لا يالحبيب جاي بسجن انت مهوب ملعب
تلقى العساكر منطلين في كل جهه .. وانواع التلقيط في الجمهور اللي متهم انه رامي صارخ ولا شرخ واللي لاقين معه سبحه وعيا يعطيهم السبحه وجروه لغرفه يحققون معه(( قايلكم داخ ببازكه مهيب سبحه))
والمشكله نجي ونقعد على صبات هههههههههه اخرتها مريحين على صبات ومطلعين ابو عيشتنا بالتدقيق والهواش علينا ... لا ويبونا نجي للملعب .. يعني نجي ونصير مؤدبين (( في فصل ماصرنا بملعب)) الله يعين بس نظام فاشل واداره فاشله وملاعب زي قلتهم ..كل العالم تتطور الا رياضتنا..
ودي اعرف يعني قطر احسن منا في ايش...
..
هي ياخوك بالاداره تجيب اداره ناجه ينجح كل شي عندك ملاعب وانديه وجماهير تحضر ومتخي يكون صاحي ... وتحط اداره فاشله ومععشه منذو قرن وماكانك سر والرجوع للخلف راح يكون انحطاط للرياضه وهو مايحصل الان...
اذا شفت الكل يمدح في وسائل الاعلام وشفت الجابر يطلع لنا في كل الرياضه ويقول منتخب قوي
وجابو لك كم اغنيه وكم لقطة هدف...وقامو يمدحون في سلطان وكانه مسوي العجائب اعرف ان الامور مدحدره وانا اخوك....
الله يعين بس..والله حنا اللي ناكلها ويرتفع ظغطنا ..وهم مادرو عن شي .. . ماعندهم الا مبنيه على خطط علميه مدروسه والامور قيد الدراسه والتطوير ..والحقيقه مكانك سر وكله كلام في كلام...
مشكور اخوي لكن شي يقهر[/align]
بس ياخوي ظنك قول الحقيقه يزعل ؟