المشكله يقعد يلاحق الكاميرا وين ماتروح !! - صفحة رقم 2 - نادي الهلال السعودي - شبكة الزعيم

ياسيدهم وينك · #16 05/03/2005, 09:57 AM

الله يعطيك العافيه هلاليه سنعه والله هذا مشكله كبيره وهولاء يحبون الترزز

هــ الامجاد ــلال · #17 05/03/2005, 01:12 PM

أنا الي متعجب منه فيه واحد دايم يطلع بالكاميرا سوا بطولة للزعيم أو المنتخب :p
من بطولة القارات الي كان يلعب فيها باتيستوتا وهو صغير كان يطلع لين هالحين والمشكلة باتيستوتا شيب وهو توه نفس شكله ما تغير

بصراحة أنا أعتبر هذه الظاهرة تخلف وشكرا على طرح الموضوع المهم

لوحة مميزة · #18 05/03/2005, 02:03 PM

[ALIGN=CENTER] وأنتم الحين تحسبون اللي يكلم بجواله جالس يستعرض

لا هذا قاعد يقول لأهله شوفوني ببث مباشر

وبعدين ياخي عادي إذا الدعوى فرح وسعة صدر لا تدققون بالناس

أما وقت الجد جد

أما موقف هلالي وإن جار الزمن شيء ثاااااااااااااني هههههههه

[/ALIGN]

zaidan · #19 05/03/2005, 02:43 PM

والله شي مقرف ويحوم الكبد للأسف

بالله هالأشخاص مايحتقرون أنفسهم على هالتصرفات

هلالي كاتلوني · #20 05/03/2005, 03:08 PM

ههههههههههههههههههههههههههههههههههههه

لاتعليق

ولد بريدة · #21 05/03/2005, 03:13 PM

واللة يااخت هلالية سنعة
اذا كان اللي يترزز بجوالة قدام الكاميرا صغير في السن يمكن نقول عنة مراهق
بس اذا كان كبير ومتزوج فهي يااحد امرين اما ان يكون يكلم زوجتة عشان تتأكد انة في الملعب
او انة مريض نفسي واذا كان في هذة الحالة ليس علينا الا الدعاء لة بالشفاء

ودمتي ذخرا ياهلالية سنعة @@@@@@@@@@

هلاليه سنعه · #22 05/03/2005, 06:34 PM

يعطيكم ألف عافيه على هالمرور والتفاعل مع الموضوع

..سهل 888..

مشكورأخوي على نقل الموضوع
لمنتدى الجمهور

:^^^^^^^^^^^^^^^^^^^^
..azizk..

شهادة اعتز فيها

وجهة نظر .. بس اغلبهم شياب
بيكبرون أكبر من هالكبر

اما قضية المنع فأنا ما اوافقك فيها

الجماهير يالله يالله يجوون ونجي نمنعهم

عزالله فضت الملاعب زياده على ماهي فاضيه

^^^^^^^^^^^^^^^^^^^^^
..هلالي غصب..

مشكور على المرور

^^^^^^^^^^^^^^^^^^^^
..هلالي ثنياني..

بصراحه ماأتوقع برا منتشره زي هنا
قصدك عكوز بكووز اياه

^^^^^^^^^^^^^^^^^^^^
تحياتي..

تغيب الشمس بحلم يومي · #23 05/03/2005, 07:01 PM

هالشئ ذا موجود بكل مكان بالعالم ...

خاصة في ملاعب كرة قدم ...

حتى الجماهير الاوربية اللي يضرب بها المثل بالاسلوب الحضاري بالتشجيع ...

لما يجي الكاميرا مان يصورهم من تحت كلهم يرتزون عندهـ ...

عموما هي ترجع لطبيعة الشخص ...

تحياتي ...

هلاليه سنعه · #24 05/03/2005, 08:36 PM

يعطيكم العافيه على المرور والتفاعل مع الموضوع

..ياسيدهم وينك..

شئ أكيد ولا وشوله يقامزون قدام الكاميرا

^^^^^^^^^^^^^^^^^^^^^
..هــ الأمجــاد ــلال..

ماشاء الله على طولة باله

^^^^^^^^^^^^^^^^^^^^^
..zaidan..

الله يشفيهم ويرّكد عقولهم :sad:

^^^^^^^^^^^^^^^^^^^^^
..هلالي كاتلوني..

^^^^^^^^^^^^^^^^^^^^^
..ولد بريدة..

هيّن الأطفال ماعليهم شرهه
طيب يكلمهاوشوله الا قدام الكاميرا والله لو أنها دوريات المرور
لازم إثبات

بينهم ثقه ان شاء الله مايحتاج

^^^^^^^^^^^^^^^^^^^^^^
..تغيب الشمس بحلم يومي..

بس أحسها أكثر هنا
اما الاسلوب الحضاري ما اتفق معك
بها النقطه هناك شغب وضرب

طبعا موكل الدول
والله يستر بدت تنتشر عندنا :sad:

^^^^^^^^^^^^^^^^^^^^^^
تحياتي لكم ..

هلاليه سنعه · #25 05/03/2005, 08:43 PM

..سهل 888..
..هلالي ثنياني..
سبق الرد في منتدى الجمهور الهلالي

^^^^^^^^^^^^^^^^^^^^
..لوحة مميزة..

يعطيك العافيه على المرور
طيب حنا وش ذنبنا يالجمهور
نبي نشوف على راحتنا

^^^^^^^^^^^^^^^^^^^
تحياتي..

Blues4Ever · #26 05/03/2005, 11:50 PM

إقتباس

الرسالة الأصلية كتبت بواسطة هلالي وان جار الزمن


	[align=center]أختي هلاليه سنعه : يعطيك الف عافية على موضوعك الظريف هذا وبالفعل شعب يعشق الظهور بشكل غير طبيعي دعيني أذكر لك موقف ظريف في احد المنتزهات المشهورة في جنوب المملكة قبل كم سنة : كنت أتمشى مع بعض الشباب في المنتزه .. وكان المنتزه مكتظ بالناس من جميع أرجاء المملكة والخليج ... وكان معي كاميرا فيديو كبيرة شوي ( اللي يجي معها مايك وكشاف ) .. وجالسين نصور المناظر الطبيعيه والجبال و الاشجار .. جانا شباب وقالوا أنتم التلفزيون قلنا ايه قال وش تسوون قلنا نصور حلقة الناس والصيف شوي ويجون قدام الكاميرا وحولها ويطلبون منا مقابلات وبالفعل سوينا معهم مقابلات شوي ويتجمعون حولنا أمة محمد ( كبار وصغار .. شباب وصبايا .. سعوديين وأجانب .. هلاليين ونصراويين ) وكلهم يبون يطلعون في التلفزيون .. وأنواع الضحك مني أنا والشباب ... تخيلوا نسئل بعضهم : هاه كم ميزانيتك في الاجازة وش كان غداكم اليوم والعالم متحمسة تجاوب بحماس وأن شاء الله راح أوريكم الفلم قريب .. وأسف على الاطالة .. وأكرر شكري لهلاليه سنعه [/align]

اليت تجيبه بأسرع وقت علشان :

ابو ناديه · #27 06/03/2005, 12:04 AM

اي والله انا من الناس اللي تنبط تسبودهم من هالاشكال وبالذات هذاك اللي انتم خابرينه
عرفتوه؟؟؟

أحب الهلال وبس · #28 06/03/2005, 12:34 AM

ألفريان أكبر دليل

F_1515 · #29 06/03/2005, 12:37 AM

خخخخخخخخخخخخخ شيئ مضحك فعلا لاوشوفي اشكالهم بس

وهم خلف الكميرا يحط الجوال باذنه على باله يكلم ويسوي نفسة مادرى

ويله خوذي ابتسامات وهو واقف يكلم روحة خخخخخخخخخخخخ

فعلا موضوع جميل يستحق الطرح ومناقشتة

$$الصقر$$ · #30 06/03/2005, 03:44 AM

اشكرك جزيل الشكر على الموضوع

وفي رايي الشخصي ان الشخص اللي يسوي فيها يالله شوفوني

يعاني من مشكله نفسيه الا وهي عقده النقص

فظهوره خلف الكاميرا يسد بعض هذا النقص

ياما وياما شفنا زحمات زحمات يااااااااااااااااااااااااااناس وش السالفه؟؟؟

الا مقابله تلفزيونيه

مثلها مثل التجمهر عند الحوادث

لكن انشالله مع الوقت راح تخف هالمشكله ويعطون المذيع راحته باجراء لقاءاته

واااااااااااااااااااسف على الاطاله