السلام على الزعماء

لن تصدقون ما رأيته في الخميس الماضي ...

انا من سكان مدينه بريده ويوجد لدينا مزرعه في منطقه شمال بريدة اسمها المحير تقريباً 150 كيلو
المهم قالي الوالد طول الله عمره أبغاك تروح معي ورحت معه المهم كان فيه قريه تبعد عن مزرعتنا 200 كيلو طريقها صحراوي فيه هناك رجال كبير بالسن يعرف ابوي واكا موصي ابوي على اغراض يجيبها له لانه كان لايدخل المدينه ابداً ولايعرفها ... المهم رحنا لمه وعطينا الاغراض وجلسنا نتقهوى عنده وكان اللي يقهوينا ولد ولده .. عمره تقريباً 17 سنه .. ولكن الغريب اني شفت معه سبحه لونها ازرق ببيض عاد أنا اقول لبوي اضحك شكله هلالي ماجاء على بالي ولا والحد بالميه انه بيرد فقالي ايه نا اشجع الهلال
تعجبت كثير قلت انت تعرف الهلال قال ايوه قلت له وشلون عرفته وكيف شفته اصلا ... قالي خالي ساكن في الديره ونروح له تقريباً كل سنه او تسع شهور حسب الضروف وانه حببني في نادي الهلال وعطاني هالسبحه ... عموما مو هذا الغريب الغريب انه وراني مجلات قديمه من عالم الرياضه ,, وصور للاعبين الهلال بالذات سامي ويوسف وياشباب هذا شفته بعيني وكلمته لاني مستغرب جداً ناس في عمق الصحراء بدائيين بشكل ماتصورون ..
فقع راسي يوم قال الهلال
المهم سالته قلت ودك تحضر مبارات للهلال بالملعب قال هذي امنيتي الوحيده كسر خاطري

المهم ما طول عليكم بجد الزعيم زعيم

والسلام عليكم ورحمة الله وبركاته