#1  
قديم 20/02/2005, 10:13 AM
زعيــم مميــز
تاريخ التسجيل: 05/12/2001
المكان: زيدان انت بطولتي
مشاركات: 3,765
Talking انا وخويي والامريكي ............

[align=center]

كان يامكان في قديم الزمان
كنت قاعد عند التلفزيون كعادتي الساعه5:00 بتوقيت بيتنا<<<<<تكفا ياجرنتش
ويدق الجوال<<<<البصمه ,وانقز ذيك النقزه اللي لساني لمس السقف اناظر الجوال:مهلوس يتصل بك:
مهلوس صديقي
انا: الو
مهلوس:هلااااااااااا ومسهلاااااااا
انا:اقول اخلص وش تبي؟
مهلوس:جني
انا:نعم
مهلوس:البس ثوبك وشماغك وتسبح واكشخ بامرك الحين<<<<<كل ذولي..واجد..
انا:ليه؟
مهلوس:تخبر صديقي الامريكي؟
انا:احلىىىىىى يا ولد تخاوي امريكان ولا تعلمني ..اثرك منت هين ..
مهلوس:بيجي اليوم الساعه 6:00
انا:وين يجيله؟
مهلوس:بيجي الرياض ويبينا نستقبله
انا:تخسي وتعقب
مهلوس:ليييييه؟
انا:انا مقاطع المنتجات الامريكيه يا خسيس
مهلوس:تكفا واللي يرحم والديك رح معي
انا:مستحيل ..اسمعني اقولك اياها من الحين ترى ان شفته فجرته<<<<<<ارهابي
مهلوس:يرحم امك ترى ماابقى على الموعد شي
وبعد تفكير عميق وهاوجيس تحذف من يمي ومن حولي ومن تحت رجلي<<<<<قطاوه مهيب هواجيس
قررتاني اروح معه
مهلوس:هاه وش قلت بتروح ؟؟
انا:جعلك الريح اللي تروح عظامك اييه بروح بروح
مهلوس: خلاص بامرك الحين
انا:لا تتاخر
مهلوس:طيب

سكرت السماعه واطمر للغرفه واطلع الثوب والقاه اصفرررر يوم كنا نجربع ذاك اليوم
المشكله ماعندي الاهو
اتخذت قرار اني اروح للمغسله اللي جنب بيتنا واغسل الشماغ والثوب والطاقيه والعقال<<<<<يلعن ام المجاعه
رحت للمغسله وانا لابس صروال سنة وفنيله
وارميها في وجه الهندي اغسلها مستعجل
شوي الا دتسن موديل83 يضرب بوري<<<<<<بوري مزكم
اطالع اللي يسوق داق الكوبرا ومتكشخ بس وجهه ماهو غريب علي
اناظر اناظر اناظر
مهلوس يالا الهول وش هذا
تروشت؟<<<<<<<<<<من عيد لعيد يتروش
مهلوس:انت ورا ماتروح بيتكم وتلبس
انا:لاتنفخ بس ولا مارحت<<<<<<<<<يتغلى
ملابسي في المغسله..

يناديني الهندي.. نعم وش تبي...سوب سماق اقال تاقيه كلو كلاص
طيب كم تبي
اربيين<<<<<<<<<اربعين40
اربعين
مهلوووووس تعال ادفع
مهلوس:لا ما عندي الا فلوس العشا<<<<<<<<<طفرانين
لبست الثوب واخذت الباقي وقلت لخويي شغل السياره وادعس وانا باطمر في الحوض
قال ابشر<<<<<<<<<<يعجبك مطيع
وماهي الا ثواني معدوده الا وتسمع فقعة المكينه ويدعس وانا اطمر تشوفني تقول كابتن ماجد اذا طمر وانتهت الحلقه وقالو يتبع وهو معلق في الهوا<<<<<<<ياسخفك
شعور رائع احساس غريب ونسائم الهواء تلاعب براطمك كانك اللي في دعايه..ديو.. اللي رموه بالمنجنيق<<<<<ابوك يالثقافه
بعد ماانحشنا من راعي المغسله وعلى بعد 120 متر من المغسله وقف خويي ونزلت عشان ازبط الشماغ
وادق بنت البكار واركب..
مشغلين عزازي طول طريق المطار<<<<<<ماعندهم الاهالشريط..
يوم قربنا من المطار اسمع صوت قلت لمهلوس وش ذا الصوت
قال اي صوت
قلت اسمع اصقه
قال ايه سمعته
الله يقطعك هذا قلبي<<<<<<<<يلعن ام القلب طار مهوب قلب
قلتله وش فيك خايف؟؟؟
قال ايه
اجل انا وش اقول؟؟؟
دخلنا المطار وكل شوي وانا ازبط في هالشماغ تقول بزر ملبسينه جلال صلاة
قعدنا نستنا هالامريكي يطلع
شوي الا جانا واحد حمر عطر ...((هالوو مستر هاو ار يو
مهلوس منهو هذا؟؟
قال هذا خويي (جين كاما تارا
جين كاما تارا مهوب صيني؟؟؟
قالي لا هذا مهجن ابوه امريكي وامه صينيه
سلمت عليه وقمت ارطن بالانجليزي اللي اعرفه يس نو اوكي بيباي
قالي ((وت يو لايك ان اميركا..
قلتله والله انا مادري وش انت تقول بس على العموم كل تبن <<<<<<<<يعجبك
رحنا للسيار ونلقى المرور والسطحه بيشيلون السياره
وندعس لمهم ..
خير وش السالفه
راعي الدوريه يقول ملزقين سيارتكم في خشه الباب وتقول وش السالفه ياليتها سياره سنعه راس مالها دتسن
*طبعا بعد الكلام هذا مااحد له وجه يتكلم.. لعبنا براس راعي الدوريه الين ماوافق يطلق سراح السياره<<<<<في الناصريه
الحين السياره غماره واحنا ثلاثه والامريكي شويه دب<<<<<لا والله مهوب شويه
قلت لخويي انت انقز للحوض وانا بسوق والامريكي خله يتسفط يمين
قام يهايط ..سيارتي وشلون اركب في الحوض وانت اللي تسوق
قلتله ترى بروح بيتنا <<<<<<<<مافيه الا تحجير
قال بصوت رقيق طيب<<<<<حلوه رقيق
وكانت الساعه7:45
قرب اذان العشا قلت لخويي يالله نروح المسجد نصلي<<<<<<يعجبك
قال و الامريكي وين نوديه؟
والله البلشه
قلت خله في السياره
قال اخاف ينحاش
وين ينحاش ياخبل وهو مايعرف احد حتى الظاهر يحسبنا خاطفينه<<<<<<<والله الدباشه
قال خلاص بس وقف السياره بعيد
اوكي
صلينا وخلصنا<<<<<<<تقبل الله
استنيت الخبل يطلع ورحنا للسياره
السياره مافيها احد
هذا اللي كنت خايف منه
ندور يمين شمال غرب شرق شمال غربي مالقينا<<<<<<توه دارس جغرافيا
في الاخير لقيناه تحت الكفر.... وش يسوي ماادري عنه
ركبنا السياره والمسيكين في الحوض كل من شطفنا ضحك عليه
رحنا للمطعم بنتعشى
دخلنا صاله الـــvip<<<<<<مايمزحون
انا وخويي طللبنا مقلقل قطاوه والامريكي طلب ككسلوب ماادري دكلسوب المهم حولها..
جا الطلب ماكلنا الا يوم شفنا طلب الامريكي وعرفناه
جا المقلقل.. بس وش مقلقل يعجبك مهوي زي السوداني اللي في الحاره تشوفه تقول مسعبل عليه
انا اول مره اشوف مقلقل معه خيار
اي وش تحسبون Vip
خلص الامريكي وقام بيروح للسياره وامعطه مع خشمه وين يا ابو.. قطه قطه
وهو ماغير يوتوت ((وت وت وت
خليته يروح لعنه الله عليه
خلصنا عشانا ودفعنا الحساب
قالي خويي والله مااركب في الحوض شف براطمي صارت كاانها بنطلون جنز
خل الاحمر يركب<<<<<<<طبعا مستحيل انه انا
ركبنا الامريكي في الحوض اثره ابن الهرمه مستانس ولا قالنا من اول
مشينا في الطريق واشوف وراي واحد يكبس
طنشته ورجع يكبس الا ونسمع طقه فيي السياره
قال خويي وش هذا<<<<<<خايف على السياره
قلتله الدفرنس
قال ايه اشوى
يسقط علينا واحد متلطم ومعه رشاش ويقولنا اللي جنبه وقف السياره
انا طنشتهم<<<<<<ايه هين
لا والله ماطنشتهم وادوس ابو ام اللي جاب الفرافمل الين ماطلعت رجلي من الكبوت<<<<<<<والله من طول السيقان
جو مره ثانيه وانا اقول وش تبون يقول نبي التيس اللي في الحوض
*وفي هذا الوقت كان في شي يقطر ماادري وين مصدره بس الظاهر انه من اللي جنبي
المهم انا اقول اي تيس؟؟؟
مامعنا تيوس الا اللي جنبي
يقول اللي في الحوض وقف بناخذه ولا هوب صاير لكم شي<<<<<<معصي
وانا اسوق ولا ادري وش اسوي اعكس الشارع باروح شوايه اوقفلهم ابنسلق سلق
خلهم ياخذونه وافك نفسي
وخويي ساجد في السياره تشوفه تقول قاعد يعد اصبع رجوله
وذولي يهددون بطلق النار
استرجعت الذاكره وقلت ابوك ابو ابوك الصوت ماهوب الدفرنس طلق نار
اكلم اللي جنبي مايرد ماغير يون كانه عجوز تولد
قالي بتوقف ولا لا
قلت ابوقف بس على شرط<<<<<<بتموت بعد شوي ماله داعي تتشرط
قال وش تبي قلت لا يجيني شي انا وخويي
قال طيب<<<<رجال
اكسر الطاره يمين واوقف ويوقفون قدامي
وينزل ذاك الجدار من السياره
ويسحبون الامريكي وهو يقول((وت وت وت وت
ويطلعون ذاك الساطور وينحرونه
قلت ما كن العيد جا بدري <<<<<<<<,ينكت الاخ؟؟
واحط رجلي وانا ماني مصدق اللي صار
حسافه فلوس العشا<<<<والله القعط
يقولي خويي وش صار قلتله ماصار شي
قال الحمد لله<<<<<<<<خبل
خويك مات
قال بس وانا احسب انه ضاع <<<<<<<يلعن ابو الصداقه اللي كذا
انا من اول قايلك ماابي اروح معك بس وش نسوي صار اللي صار..
وانحشنا بيتنا وانا ماصدقت اللي صار..<<<<<<<<<تكفا يالحساس


وانتهت السالفه بس صديقي جته لحسه في مخه ما عاد يتكلم الا انجليزي..
_________________________
_____________________
___________________
_________________
مع خالص تحياتي
منقووول[/align]
اضافة رد مع اقتباس
  #2  
قديم 21/02/2005, 04:40 PM
موقوف
تاريخ التسجيل: 24/09/2004
المكان: بيتنا
مشاركات: 799
وههههههههههههههههههههههههههههههههههاي
اضافة رد مع اقتباس
  #3  
قديم 21/02/2005, 09:07 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
اخوي الثعبان الازرق الازرق قصتك طويله وبحلها انشاء الله واقراها بس على العموم شكل القصه حلوه
وفي امان الله
واقولها بالايطالي
تشــــــــــــــــــــــــــــــــــــــــاو
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:36 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube