كنت منذ زمن ليس بالبعيد لا أترك مباراة للهلال إلا واحضرها

حتى مباراة كأس ولي العهد بالدمام حضرتها
ومباراة السوبر السعودي المصري بجدة
أذهب أينما ذهب الزعيم

ولكن الآن لا أحضر مباراة واحدة.لماذا ؟؟؟
السبب رابطة الجمهور
إذا دخلت الملعب كأنك تدخل قصر أفراح لحضور مناسبة ، هل هذه الطريقة المثلى للتشجيع .
نعم نظموا رابطة وأنشدوا الأهازيج لكن بدون تلك الآلات التي تجلبونها
هل تقلدون فرقة الاتهاد أو الاهلي الفنية!!!!!!!!

نحن لانريد تشجيع من هذا النوع ، وأعرف الكثير من المشجعين لا يحضرون المباريات لهذا السبب.

آمل منكم التجاوب .
وإن لم يكن فأملي كبير في رئيس النادي بالتدخل ومنع هذه الأدوات حتى لانحرم من مشاهدة هلالنا في الملعب .


شاكرا لكم

اتفق معك اخوي تماما
واتمنى وصل صوتك

يخوي ليه ما تروح للرابطه وتفهمهم الوضع؟

فعلاً لانريد هذه الآلات .. اللي مافيها أي إمتاع أو تحميس في التشجيع .. إزعاج فقط لا أكثر ..

نريد الأهازيج الهلالية المعروفة ..

أتمنى مخاطبة الرابطة ومنها من إحضار آلاتهم هذي الدخيلة على الجمهور الهلالي ..

وياهلال عزك عزنا يااااااهلااااااااااااال ..


تحياتي ..

إقتباس الرسالة الأصلية كتبت بواسطة الــ قمرـــهـلال يعطيك العافيه اخوي ::: لكن لو بتفكر في أن هذه الآله في حالة أستخدامها في الملاعب محرمه لكان مثل ماقال احد الأخوان في موضوع سابق التصفيق حرام والتصفير حرام وحتى بعض أنواع الطبول حرام الموسيقى في بداية المباريات حرام ::: وهذه كلها تحدث في جميع المباريات فهل سوف تترك تشجيع الهلال لأجل هذه كلها ؟؟ !!!!!!!!!!!!!!!!!!!!!!!!!!! ::: والملعب كبير وبأمكانك أن تأخذ اي مكان يروق لك بعيد عن الرابطه وتتابع المباراه مثل ماتحب ::: وانا هنا لاافتي ولكن اوضح ::: صباحك ورد

بنت عمي وش بلاك زحفتي مع السيل
اول شي التصفيق والتصفير مكروه ماهو حرام
بس كلامك الباقي فعلا ماهو سبب لعدم الحضور
تحياتي

لاتنســـــــــــون ياشباب أن الرابطة مجتهدة 0000ومازالت مبتدئـــــــــــــــة00

لاتقسون عليهم ياشبــــــــــــاب 000

عطوهم رأيكــــــــــــم بود واحترام 000
وأتفق معكم في عدم احضار الالات الموسيقية احتراما لشعـــــــــــور بعض الجماهير

اخوي الزعيم القصيمي .............

لجنة جماهير الهلال هي لجنة استحدثت لدعم الهلال وتشجيعه وليست لتلبية رغبات الجماهير ......

اخوي الكريم اذا كان عندك اقتراح في طريقة تجشيع أفضل تعال وتقدم .... لكن مسالة الانتقاد العلني بدون طرح بدائل هذي لن تغني ولا تسمن من جــــــــــــــوع ......

تحياتي لك اخوي الكريم .........

لا ياقمر الهلال

الموضوع مو بالشكل اللي تتخيلينه ..

التصفير والتصفيق لا يقارن بالآلات الموسيقية ( المزمار )

يا اخواني
انا اقصد واعتقد ان كاتب الموضوع يوافقني وان هذا ما قصد وهو الاتي:
حنا كجمهور هلالي لنا شخصيتنا وطريقة تشجيعا ولا نحتاج اي آلات موسيقيه لا من ناحيه دينيه فحسب
بل والله انها ازعاج يا شباب ما حن زي تكارنة جده
يا شباب خلونا كما كنا نشجع بس برقي مو بطرق غيرنا
وشكرا لكم يا ارقى واحلى جمهور في الدنيا

انامعاك اخوي فيما تقوله ولاكن لابد ان تتحمل


لان التشجيع بلا هذه الالات يصبح ليس له معنى

والله ياأخوك انا معك الصراحه

تشجيع الجمهووور بدون الالات افضل ونذكر كيف التشجيع الموسم الماضي

لكن الطبووول والمزامير مالـها أي ضروره .. وترا هي تقليـد أعمى لانديه شقيقه

وانا ياكثر ماسمعت ان اشخاص كثيرين انقطعوا عن الحضور للملاعب بسبب هذه الالات

مانبي نصيـر مثل الدوري القطـري الرابطه في زاويه والجمهور بعيد ومشتت

وبالنسبه للاخت قمر الهلال ...

اقووولك لو بنحسب السالفه مثل ماقلتي ونتحدث عن الحرام ..

تـرا مشاهده المباريات حرام بسبب ظهور عورة من الرجـال

الاخ طلب بمنع هذه الالات ومانبي نخلي الموضوع يتشعب

ياليـت نكتفي بس بجمهووور غفير وصفقات وشيلاااااات بدون مزامير وطيراااان

وسلاام

أقول ياكاتـــــــــــــــــــــــــــــــب الموضوع (( الزعيم القصيمي )) كيف الحال، أسمع غصباً عنك بتكون هناك طبول وأدوات وآلالات وترى ماهو لازم تحضر الملعب خليك في البيت أفضل هناك شاي وقهوة ، سمعت خبر أنه إذا الزعيم القصيمي ماحضر بينهزم الهلال ، ياآخي خلك بعيد عن الرابطة ومالك دخل في غيرك ، الرابطة بتمشي زي مانبغى وترى إذا كلمت الرئيس بتتعب وايد ، قال إيش لا تقلدوا الإتحاد والأهلي ، يبغانا نقول يـــــــــــــــــــــــــاهلال
ياهـــــــــــــــــــــــــــــــــــــــــــــــــــــــــلال ياهلال زي المشجع الشبابي إلي مرض الهلالية وهو علي العنزي
رجاء إلى إدارة الهلال إنها تبعد علي العنزي إلي فشلنا قدام العالم شفتوه في مباراة الإتحاد يوم يقول عليهم
عليهم عليهم عليهم بالله هذا تشجيع ولا جالس العنزي في الحراج يبيع سيارة

الاخ ألو زعيم شوي شوي لاينطق فيك عرق بسم الله عليك

الأخ الزعيم القصيمي بيض الله وجهك وكلامك صحيح 100 %

وبعدين وش فيها ياهلال ياهلال ؟؟؟ مو الهلال وصل للزعامه من خلالها ؟؟ ولا الالات الموسيقيه المحرمه راح تخلي الهلال زعيم ؟؟

الأخت قمر الهلال ومن يؤيدها ....... عندي سؤال بسيط اتمني الاجابه عليه :

هل الحرام يبرر الحرام ويخليه حلال ؟؟؟ ام ان الحرام من باب أولى التوبه منه وتركه ؟؟

انا صار لي سنتين في مجتمع غربي فيه كامل الحريه ........ يليت تشوفون المسلمين هنا كيف عايشين ما شاء الله عليهم ...... يضحون باشياء كثيره ويصبرون عشان يبعدون عن الحرام ...... ولو اتبعوا قاعدتكم الي تقول " ابسوي هالشي ولو انه حرام ...... لاني اسوي اشياء غيره وهي ايضا حرام " كان من زمان تركوا دينهم ....... فما بالك باهل الجزيره التي هي مصدر الاسلام ........ من باب اولى اننا نكون اكثر حرص

والي يدعي ان معارضي الالات الموسيقيه قله فهو مخطي وخانه التقدير....... حتى الي يسمعون الاغاني يرفضونها لانها مجاهره بالمعصيه ...... وهذي بحد ذاتها من كبائر الذنوب .......

انا احذر من هذه الظاهره الغريبه على مجتمعنا السعودي المسلم الغيور على دينه ....... ولو الهلال استمر في هالطريق فانا واثق انها راح تكون سبب في ضياعه وابتعاد الجمهور عنه