بصراحه من بدايه الموسم لحد مباراه البارح مع الفيصلي لاعب نقول انه لاعب يعتمد عليه في خانته .

في الهلال لاعبين حراااااااااااااام عليهم انهم يلبسون هذا الشعار اللي انجب عمالقه في كرة

القدم .

ملاحظاتي ابدأها في مر كز الوسط : حيث اللاعب الموهوب فهد سرور ( كلمه موهوب مادخلت

مزاجي ) اعطي فرصه ما احد يحلم فيها ومع ذلك يثبت فشله .

في الهجوم اللاعب الدولي الكبير محمد العنبر(انا ابغى اعرف هذا اللاعب من وين جا؟ ) كالديرون

كيف اقتنع فيه مدري الله يرحم ايام ماجد عبدالله وسامي الجابر والحين نلقا في هجوم منتخبنا العنبر

وياسر والله اللي دج المنتخب , ارجع الى موضوعي واقول هذا اللاعب لو يلعب في درجه ثالثه

يكون افضل له ولنا كجماهير اجل فيه مهاجم مايعرف يتمركز صح داخل 18 , ولا مهارات ولاكنترول

على الكوورة .

بالنسبه للاخوان اللي يعلقون على لعب كماتشو مع احترامي الشديد لهم اعرفو الكورة كيف تنلعب

بعدين علقوا . لانه وبصراحه ما يعجبكم العجب .

واتمنى من المدرب ان يعطي الفرصه للاعبين المركونين في خارج التشكيله ويبعد اشباه اللاعبين

اللي ذكرتهم واللي انتم عارفينهم .وشكرا............................

اخوي تركي مساك الله بالخير............

اتفق معك ان فهد سرور مو بذاك اللاعب اللي في موهبه مازن الفرج او احمد الصويلح.......

ومحمد العنبر ليس اللاعب الي يعول عليه الهلال كثيرا..........

واتفق معاك ان كماتشو نجم كبير ظلم كثيرا من جماهير الهلال .........

ولكن اسلوبك شوي قاسي.........

وهذا لا يقلل ابدا من موضوعك ........

تحياتي لك اخوي الكريم...........

اشكرك اخوي على الرد .
من ناحيه اسلوبي قاسي فهذا من طبعي اني لا احب المجاملات على حساب احد احبه كيف وهو الهلال.

ملاحظاتي ابدأها في مر كز الوسط : حيث اللاعب الموهوب فهد سرور ( كلمه موهوب مادخلت

مزاجي ) اعطي فرصه ما احد يحلم فيها ومع ذلك يثبت فشله .

في الهجوم اللاعب الدولي الكبير محمد العنبر(انا ابغى اعرف هذا اللاعب من وين جا؟ )

اخوي والله اني اشارك الراي والله ذا الاثنين ماقتنعت فيهم ابدا واحد بيقلد الخرافة يوسف الثنيان والثاني حتى ماعندة كنترول على الكرة ياهو فقع مرارتي امس في المبارة. واللة ياجماعة المطرف احسن منة بمراحل اللي هو المبارك وبعدين اللي ينتقدون كماتشو هذا وهو مالعب زين امس بس انة صلح هدف وجهز عدة فرص بس ايش الواحد بقول سبحان الله ناس لها حظ بهالدنيا .

على فكرة العنبر يذكرني بعادل المطيري اذا تذكرونة شقيق بندر المطيري اللي هو (عادل) حتى مايعرف ابجديات الكرة ولكن بالاخير مايصح الا الصحيح......... تعرفون الباقي

ياناس محد طلع لاعب على طول

محمد العنبر العام كان هداف شباب الهلال وفهد المبارك لاعب مهاري واللاعبان ينتظرهم مستقبل


صدقوني لو راح العنبر او سرور لاي نادي ثاني لنتحسف كلنا لانهم لاعبين صغار جداً

ومن الصعب الحكم عليهم الان .

واعمارهم صغااااار وحرام

كلامك عين العقل اخوي تر2002كي

فهد سرور والعنبر ليسوا بهؤلاك الاعبين الي يعتمد عليهم وهم لاعبين عاديين او اقل من ذلك

ملاحظه صغيره لليقول ان هالاعبين توهم صغار خلوهم يكتسبون الخبره لاحكمون عليهم ومدري ايش

ابعطيهم مثال بسيط(محمد الشلهوب اول مباراه لعبها كانت ضد النصر وشفتوا وش سوى كان نجم وواضح عليه النجوميه اما سرور والعنبر لهم موسم كامل ولا شفنا شيء يوحي انهم لاعبين جيدين بل هم وضحت عليهم ان لن يتطور مستواهم)

تذكروا الشلهوب في بداياته كيف كان نجم ثم تعالوا ناقشوا العنبر وطقته!!!والكتاب يوضح من عنوانه