بدأت تشجيع الهلال سنة 1406هـ

انا من مواليد الشرقية .. درست في ابتدائية حكومية في القاعدة الجوية ...

كانت حصة الرياضة كلها كورة

ينقسم الفصل الى فريقين هلال و نصر



هذيك الايام كان الهلال داعس النصر

صرت اروح مع الهلاليين و ارتبط حب الهلال بطفولتي

8 8 8 8

من قالك تكتب سيرة حياتك يا كلينتون الغفلة؟؟

هههههههههههههههه

وسلامتك

إقتباس الرسالة الأصلية كتبت بواسطة falconza تمنيت لو كانت صياغة السؤال : كيف شجع الهلال الجمهور الأزرق .. .. ؟؟ فالزعيم هو من دغدغ مشاعرنا .. وأغرقنا في كيانه .. ! فالهلال هو من شجعني أولاً .. ومن باب رد المعروف .. شجعته .. .. !

ههههههههههههههههههههههههههه

مشكووووور على الموضوع الرائع


أنا بصراحة حبيت وشجعت الهلال بسبب ضربة قوية جتني في راسي @@@ هههههههههه @

طبعاً من مواليد الدمام وكنا ساكنين فيها، يوم عمري 4 أو 5 سنوات كان في مباراة للهلال وما أدري مين الفريق الثاني@!!
المهم كان الوالد( الله يطول عمره) يشاهد المباراة مع ربعه في المجلس في البيت وأخوكم داخل مدرعم وفي يدي تفاحة وكان منتصف الشوط الثاني وفي نفس اللحظة اللي دخلت فيها جاب الهلال قووووووول ،،،،،،،،،،
،،
،،
،
،
أبوي من الفرح شافني داخل مع الباب ويشيلني والله العظيم ويرميني بقوة للسقف ضربت السقف براسي وقعدت أبكي إلين أنتهت المباراة وبعدين أبوي وداني المستشفى،،، أنا على طول شجعت الزعيم،،،،، المهم أمي من يومها كرهت الهلال وشجعت الإتفاق والنهضة وكان أي مباراة يلعبها الهلال، كلنا في البيت نشجع الزعيم إلا أمي ( الله يحفظها) لحالها تشجع الفريق الثاني كائناً من كان ((( بصراحة إلا الفقــــــر))) وكله بسبب حبها لي !@ ولكن في مباراة الشباب الشهيرة اللي سامي سجل في نهاية المباراة على طول صارت هلالية .
هذه قصتي مع الزعيم






أبو يمن بيذكر قصته ،،،/ جاب قصة أمه بعد))))

#############إنتبهوا لا أحد يسب أمي @@@@@@@@

بنسبه لي

اول ما عرفت نفسي وانا احب الهلال

لحد يسلني كيف

<==اصلن من بيسئلك

مايبيلها سؤال أخوي ..

الأخ فالكونزا كفى ووفى ..

انا صراحه من اول ما انولدت هلالي
ثلاث من عماني كانوا يلعبون في سلة الهلال واكبرهم كان الكابتن
الا ابوي الله يهديه ما كان يلعب في الهلال
أول نادي عرفته كان الهلال واول نادي شجعته
و دمي ازرق واعشق هذا اللون
هلالي ابا عن جد وافتخر اني هلالي

انا من يوم عرفت الكوره ماشجع الا الهلال
وحبيت الهلا ل من يوسف الثنيان(( ابو يعقوب))
وزاد حبي للهلال من محمد الشلهوب(( الشلهوب الموهوب))

انا كنت نصراوي بس خالي حولني لا (انقضني )الحمدالله اني حولت هلالي وانا عمري تسع سنوات وان شا الله يبقى الهلال بالقمى دائما ويعطيك العافيه على الموضوع الجميل

الحقيقه انك فاضي لانك قبل فتره من كذا شهر نزلة مثل هذا قمت بأعادة كتابة الموضوع .

أنا كنت شبابي

ولكن يوم درا خالي قالي مايخسا إلا أنت تشجع الشباب وأبناء عشيرتك هلاليين

المهم خفت منه كنت ورع ذيك الايام يعني 10 - 11 سنه

واليوم الثاني النهائي الشهير بين الهلال والشباب

وجا خالي يتابع المباراة عندنا

وأنا أشجع الشباب وخايف من خالي

وساكت واذا ضاعت هجمة سكت ولا أعبر عن مشاعري بسبب خالي

المهم يوم جاب الشباب الهدفين فرحت وقلت لخالي هذا الهلال اللي فرحان فيه

قال بيجيك العلم الحين

أنا حسبت أنه بيصكني بكف محترم

المهم وما أدري إلا وبلنتي للهلال وجابه الذيب

وأقعد شوي إلا وجايبين الثاني واتحطم وخالي يضحك بمكر

المهم يوم جات الأشواط الإضافيه وجاني النوم

ونعست

وقمت على صراخ خالي وقال الهلال جاب الثالث

وقعد يصارخ ويطامر فرحان

قلت في نفسي والله أليت أبوي فيه كان ما سمعت صوتك ( الوالد كان مسافر )

المهم يوم جاء اليوم الثاني أنا ما أستوعبت إن الهلال فاز

نسيت إن النهائي أمس بزر ما أنلام

المهم جاء خالي قال هاه أنا وش قايلك ما قلت أن الهلال بيفوز

قلت والله إنك صادق

ومن يومها أعلنت هلاليتي

واسف على الإطالة

طبعا انا كنت مشجع شبابي

وكان عمري 6 سنين................

طبعا السنين الماضية كان الصغير يشجع عكس الايام هذي واحد عمره 15 يشجع بالاسم

وكان عمي يقول لي سعد عد لي لاعبين الشباب وأقوله :
عواد العنزي خالد الزيد عبدالله الحارثي سعيد العويران
فهد المهلل فؤاد أنور سعود السمار السويلم رمزي العصيمي

وبعد ين عمي أثر فيني لحبه للزعيم ومن بعد ذلك اليوم
والى ا لأن أموت بالزعيم وانا عشقي هلالي ودمي أزرق

عادتنا نطالع فوق . . وعادتنا ما نشوف الا القمر . . هلالي وما قد شفت غيره

الف شكر لصاحب الموضوع بصراحة أحسن ما فيه الذكريات الجميلة والحلوه

بالنسبة الى نفسي فأنا قصتي قصة تقولون كيف أقولكم كيف بدايتي بالتشجيع كبداية أي واحد يدخل عالم الكرة

المستديرة المهم نخش فى الموضوع طبعاً أول ما شجعت شجعت الاتفاق بحكم سكني بالمنطقة الشرقية وبحكم أيضاً

واحد من الشباب كان اتفاقي بحت وتذكرون ذيك الايام كان الاتفاق وين محد قده على قولتهم المهم قعدت أشجع

الاتفاق لفترة من الزمن وشوي انقلب المخ 180 درجة وأشجع النصر الله يكرمكم بس الحمد الله ما طولت

والى خلاني أشجع الهلال هو حضوري لاحد المناسبات العائلية فى منطقة الرياض ووقتها كانت فى

مباراه الهلال × الرائد 8-0 وكانوا اعمامي هلاليين للنخاع وشوي ويقولون تعالوا نشوف المباراه فى الملعب ونروح

نشجع الزعيم الهلالي وعيونكم ما تشوف الى النور وتعرفون وش صار طبعاً بعد المباراه ومن يومها وانا هلالي

وسامحونا على الاطالة

وسلامتكم

انا اللي اذكره اني اشجع الهلال وانا عمري سبع سنوات, قبل كذا عمتي الله يطول لي بعمرها عندها شريط كاسيت في تسجيل لي والى الان عندها الشريط يوم عمري ثلاث سنوات كان عمي يسألني هذا منهو اقوله هذا بابا وهاذي منهي اقول هاذي جده ويسألني من تشجع اقول الهلال.

يمكن شي مهوب الواحد يفتخر فيه مره لاكن انا اول ثلاث كلمات نطقتهم ماما , بابا , هلال

(وعلى فكره انا ولدي الحين قاعد ادربه على كلمة الهلال)