قائمة الـمنتخب و رأي خاص جدا - نادي الهلال السعودي - شبكة الزعيم

Cʜɑᴙᴉƨᴍɑ · #19 04/01/2005, 06:36 AM

يعطيك مليووووووووووون عافيه اخوي ابو فيصل

إقتباس


	محمد العنبر - إختياره قتل مبكر للمواهب و الأسلم تدرجه عبر المنتخبات السنية.

بالعكس العنبر مقدم مستوى حلو .. صحيح ماكان في المستوى ببداية الدوري ولكن الآن زادت ثقته بنفسه ..
وانا ضد عدم ضم اللاعب لصغر سنه .. لأن الدول الأوروبيه مايهمها عمرا للاعب بقدر مايهمها مستواه ..
وبالتوفيق له مع المنتخب ..

إقتباس


	عبدالله الجمعان - في الهلال لا يلعب لعدم جاهزيته و يبدو أنهم في المنتخب لهم رأي آخر.

بلى ماعندهم أحد غيره لو أخفق المنتخب يحطون اللوم عليه الدعيع وطلعوه حسبي الله ونعم الوكيل ..
وأختيار غير موفق ابداً .. أيه نعم نجم لكن في السابق إلى الآن هالموسم ماقدم ولا شيء يشفع له ..

إقتباس


	حسين الصادق - مباراة الإتحاد مع النصر تكفي عن التعليق.

للأسف هل هو هذا الحارس البديل للدعيع في المنتخب ؟؟؟
والله أن الدوسري حارس الرياض .. أحسن منه بمليوووون مره لكن !!!!!

إقتباس


	سعود كريري - نجم لامع و لا غبار على إختياره.

اختلف معاك في هذا اللاعب .. لأني حتى الآن ماشفت له اي مجهودات يستحق عليها الأنضمام للمنتخب
لاعب شبه تائه في وسط الملعب ... بشكل غريب مايوحي انه نفس اللاعب اللي كان في القادسيه

إقتباس


	ابراهيم سويد- لا تعليق.

أكيد هذا الدينمو حق المنتخب وانا ماادري ..
والله إذا مثل هاللاعب بينضم للمنتخب .. سلمولي على التأهل .. لاعب يقتل الهجمه ببروده ..
مهاراته ضعيفه .. في أغلب الأحيان أناني ..

إقتباس


	مبروك زايد - هل سنسمع نفس الأصوات التي تباكت عند إختيار الدعيع المصاب و البعيد عن الكرة؟

لاتخلط بين الأمور الدعيع هلالي وهذا إتحادي فيه فرق

إقتباس


	رضا تكر- إن كان إبعاد الدعيع لإنخفاض مستواه و تسببه في بعض الأهداف كما يزعمون فإختيار تكر كارثة و عودوا لخليجي 17.

والله حرام ثم حرام ثم حرام ..
الدعيع يبعد وتكر نيستا يبقى ... سبب هبوط مستوى الدعيع مو بس الإصابه نكبات تكر .. اجل فيه واحد يزلق على لاعب ويجلس منسدح يتفرج وش بيسوي الدعيع ..
و 99% من الأهداف في خليجي 17 كانت بسبب تكر ..
وحسبي الله ونعم الوكيل .
لكن إن شاء الله الدعيع راح يرجع مع الهلال ويعضون أصابع الندم على التفريط فيه..

إقتباس


	هادي شريفي - إختيار لبديل البديل و لا تعليق.

شوي وأحلف ان حراس الدرجه الأولى أفضل منه ...
لكن اعتقد تم إختياره لأسكات بعض المنتقدين .. واللي راح ينتقدون مهما صار بحجة أن المنتخب مو محتاج لهم الحين وأكيد خذو اللاعبين عشان يفسحون المجال للزعيم ..
<<< الحمدالله والشكر على نعمة العقل

إقتباس


	سعد الزهراني - بديل بديل آخر و لا تعليق.

لو كانو مررره حالفين ياخذون واحد ... ياليتهم خذو الحقباني او بندر تميم ...

إقتباس


	حسين شراحيلي - شاهدته أمام الهلال و هو لاعب أقل من عادي.

شويه أقل من عادي .. أجل وينهم عن الصحبي ؟؟؟؟

إقتباس


	السؤال أين شاهد كالديرون بعض اللاعبين المختارين و هو من أختار هذه القائمة حسب الإدعاءات؟ و إن لم يكن لكالديرون يدا في الإختيار و هذه حقيقة لا تقبل الجدل فأين صاحب الإختيار من عيسى المحياني و عساف القرني و حسن العتيبي و بدر الحقباني و عمر الغامدي (نجم كأس فيصل بدون منازع) و العديد من الأسماء الأخرى و خاصة من نجوم الشباب حامل اللقب.....؟؟؟؟؟ مجرد تساؤل بريئ.....!!!!!

فعلاً ... وين عيسى المحياني ... والشمراني .. والغامدي .. وين مرزوق العتيبي ..
ومعقوله مافيه الا ثلاث مهاجمين

إما المدرب انه مسوي مثل حركات الدكاتر في الجامعات .. يرمي اسم اللاعب وإذا طاحت الورقه على المكتب ضمه وإذا طاحت على الأرض طلعه...

أو ان التشكيله من قبل ناصر الجوهر وهنا المصيبه أعظم إذا هذا أختيار واحد محايد ومتابع للدوري ..
وإن كان التشكيله مفروضه فالله يخلف على منتخبنا...

لكن إن شاء الله إن هاللاعبين لمجرد فترة الأعداد والوقوف على جاهزيتهم ومستوياتهم

وصباحك ورد