اخواني عشاق ومشجعي(الصقور)
أولاً نهنئ ونبارك لكم هذا المستوى الرائع الذي قدمه المنتخب السعودي أمام نظيره البحرين والذي أسفر عن فوز الأخير بثلاثة أهداف نظيفة ولاأروع..وصدقوني أنا ماني زعلان..لأن الأمير سلطان بن فهد من مسك رعاية الشباب وهو يقول نحن نعد لخطة مدروسة وجهد دراسي جيد,..وبالفعل حصدنا نتيجة هذه الدراسة الجيدة..وهي خسارة رائعة بثلاثة أهداف..ياأخوان منتهى الغباء بأن يكون مدرب توه جديد ومااختار التشكيلة هو اللي يقودهم في هالبطولة..المدرب اللي اختار التشكيلة مااختارها إلا وهو حاط تكتيك في ذهنه وبالفعل قادهم للفوز باللقب خليجي15 وكأس العالم..ويكون كالديرون مراقب للاعبين وإمكانياتهم..مثل مانقلد الغرب في كل شي خلنا باقي شي واحد ماقلدناهم وهو إتاحة الفرصة لذوي الخبرة..شوفوا القيصر بكنباور.رئيس نادري بايرن ميونيخ الألماني كان لاعباً يعني عنده خبرة في كرة القدم..جوزيف بلاتر رئيس الاتحاد الدولي كان لاعب..السعودي ماجد عبدالله عضو في الاتحاد الدولي..كلهم كانوا لعيبة..مايصير شاعر في كرة القدم..!!

احنا المنتخب الوحيد اللي نرجع للوراء عكس منتخبات العالم اللي تتقدم أمثال:عمان_الأردن_قطر_الكويت_البحرين..
عالمياً:تركيا_كوريا_إيران_اليابان_ألمانيا_فرنسا_البرازيل_والكثير الكثير..

يوم انتهت مباراتنا مع اليمن أنا طلعت أشوف الشوارع زحمة وفرحة وتفحيط وأشياء ثانية..

وهالأشياء مايسويها المشجعين إلا في مباراة مهمة ومصيرية..للأسف صارت مباراتنا مع اليمن مصيرية!!

خلاص ياجماعة متخبنا انتهى بعد وفاة المرحوم له بإذن الله فيصل بن فهد..رحمة الله عليه..


وصدقوني أتمنى إن يخرج المنتخب من التصفيات..علشان أنا عارف لو تأهلنا راح نكون محطة عبور لأي منتخب لا..وبنتيجة كبيرة..فأنا أقول نحفظ كرامتنا أفضل..

أنا أقول للجمهور السعودي إنه يترك تشجيع المنتخب السعودي...ويشجع منتخب عالمي..مثل ماسووه بعض الناس..
وبدأوا يتركون تشجيع الأندية السعودية ويتابعون ويشجعون الأندية العالمية..والله ماينلامون..

لكن لنبدأ في العد التنازلي لإنهيار الكرة السعودية...

ولو أتكلم عن مباراة اليوم..

فإنها خطة غبية جداً...

يعني أمامنا فرصتين نروح ندافع..؟خير وسيلة للدفاع هي الهجوم..وللأسف للحين مقتنع باللاعب العجوز إبراهيم سويد..يعني لو يلعب بداله مرزوق مو افضل؟
لكن المصيبة مو فيه..ندري كلنا المصيبة في من(؟؟؟)!!!!!

الدعيع..كنت اتمناك في ناديك تتدرب...

وياتكر أتمنى أن تلاقي الإنتقادات اللي تجعلك تنسى بأننك المدافع الوحيد في المملكة اللي تقدر تحترف خارجياً..وإنه المدافع الهداف..خلاص ياجماعة اللاعب صار مغرور..ولاننسى محمد الشلهوب اللي مايصلح يكون إلا كلاعب نادي فقط..
لكن لاحياة لمن تنادي..!!!!

أنا ياجماعة عندي إمكانية أتكلم وأخلي الموضوع مئة سطر..لكن هل يؤخذ الموضوع بعين الاعتبار...لكن أنا عارف إن موضوعي راح يمر مرور الكرام..فأحتفظ بالكلام الباقي لنفسي...

وشكراً على مروركم...ولاتنسوا ياجماعة مباراة في دوري الدرجة الثانية..راح تكون لهاالمباراة خطة مدروسة!!!


وشـــكــــــــراً