.
.
.
.
.
.




السلام عليكم ،،


بصراحه اللاعب هذا حيرني أول ماجا للهلال كان ماعنده سالفه ويوم تأقلم شوي ومع عودة الشلهوب ابدع ،،

والحين يوم راح الشلهوب للمنتخب رجعت حليمه لعادتها القديمه المباراتين الانصار والوحده ،،

ماكان مسوي شغل بالملعب وذكرني بيوم جيته هنا ،،

أذكر في موضوع اني غيرت وجهة نظري في اللاعب وقلت اني استعجلت عليه بالحكم بس اللي اشوفه هو ماتغير بعد مارجع الشلهوب للمنتخب ،،

وش رايكم باللاعب هل الشلهوب مغطي على عيوبه ولا اللاعب لم يجد لاعب وسط يسانده بعد ماراح الشلهوب للمنتخب ؟؟

تحيتي ،،

هذا اللاعب يبيلك اول شي توديه لبودي ماستر عشان يخفف بعدين تشوف لعبه

تقبل خالص تحياتي

حيك الله اخوي سكوبي ،،

اللي أقصده من الموضوع هو هل الشلهوب مغطي على عيوب كماتشو ؟ ؟

نبي أرائكم ،،

صح الموهوب مغطي علي عيوب الفلته كماتشو و الفريق كلة من المدرب الي خالدعزيز

[b]

إقتباس الرسالة الأصلية كتبت بواسطة معقول صح الموهوب مغطي علي عيوب الفلته كماتشو و الفريق كلة من المدرب الي خالدعزيز

خالد عزيز نقطة الضعف الأولى في الهلال

الاعب معليه أدى مستوى رائع في المبارتين الماضيه

مشكور اخوي على الطرح بس ياناس الخساره مهيب هي نهاية المطاف وكماتشو لاعب ممتاز وهذا بين لنا من الماريات السابقه واذا خسر الفريق تحطها براس كماتشو مهوب معقول اخوي

كماتشو سيء نعم سيء
تألقه اذا كان الشلهوب معه.
لاعب ما يغطي الوسط، ويهتم في التقدم ويتسبب في احراج زملائه في الوسط.
هذا اللاعب اذا جاب هدف تنسون سلبياته.
الشلهوب وسعد الدوسري(افضل منه بي مراحل)ولا المشكله مرتبه الشهري بعد(60.000)الف ريال
وياليته يلعب كويس كان يستاهل اكثر بعد من ستين الف بس الاعب مستوه عااااااااادي جداااااااً

كماتشو لاعب جيد لكن لا يشيل الفريق لوحده وهذه مشكله نبهنا لها من زمان واللاعب الأجنبي لا بد أن يكون قائد للفريق مثل شيكو الأتحاد؟؟؟؟

بسم الله الرحمن الرحيم

بكل صراحه الهلال محتاج لخط وسط زي الاوادم ما فيه يلعب بالوسط حلو الا الشلهوب اما الباقي كلهم

نزعاتهم دفاعيه وما يميلون للهجوم وهذا الي ممشكل الهلال الحين من اسباب عدم الهجوم والضغط والخ

تحياتي ,,

إقتباس الرسالة الأصلية كتبت بواسطة آآآهات هلااالي مشكور اخوي على الطرح بس ياناس الخساره مهيب هي نهاية المطاف وكماتشو لاعب ممتاز وهذا بين لنا من الماريات السابقه واذا خسر الفريق تحطها براس كماتشو مهوب معقول اخوي

كلام معقول

بعض جماهير الهلال عجيبة فعلاً , إيش دخل كماتشو في الهزيمة
من هو العنصر الدخيل على التشكيل
هل هو كماتشو أم خالد عزيز
عاد عزيز فعاد العك
عزيز زاد خلل خط الدفاع المختل من قبل

هذا ببساطة السبب

شوف كماتشو والله ما عجبني ابد الحين لعب حوالي 9 مباريات ما بدع الا في مباراتين فقط
مباراة ( النصر ) مباراة ( الشباب ) اما ديسلفا لعب 5 مباريات وبدع في 4 مباريات .. يعني هذا يدل
على ان كماتشو سيء ... والله المجاملة لن تفيد ... ولكن هذا الامر لا يتعلق بالشلهوب فقط
فكماتشو عنده في الوسط ( الشلهوب_ الدوسري _ الغنام محور ) وغيرهم لكن هؤلاء مبدعين
فما فيه عذر لكماتشو الوسط ممتاز _ تأقلم مع اللاعبين _ تعود على الاجواء_ يلعب في نفس مركزه
الاساسي لكن كماتشو ما عنده المستوى الجيد

لماذا لا يصبح كماتشو مثل كيم ( الاهلي ) او تشيكو ( الاتحاد ) ؟؟

فمن وجهة نظري ان كماتشو لا يستحق اللعب في صفوف الهلال .... وشكراااا

هلا وغلا بالجميع ،،

مشكورين على التفاعل مع الموضوع مع إني الاغلبيه مافهمت قصدي من الموضوع ،،

اول شي انا قلت او كتبت ان كماتشو سبب الهزيمه ؟؟

آهات هلالي .. مخلص للهلال

ياليت تقرون الموضوع مره ثانيه وتستوعبون السؤال ،،

انا قلت هل الشلهوب يغطي على عيوب كماتشو ؟؟

تحيتي للجميع ،،