30/11/2004, 03:48 PM
|
| زعيــم مميــز | | تاريخ التسجيل: 01/10/2003 المكان: الامــــــــــــــ العين ــــــــارات
مشاركات: 1,939
| |
|
ديواني..."الجزء الاول ".. "كلمات من ورده"
(( يا خسارة ))
القلوب فيك يا الغـــــالي حيــــــــارى
روحي مع روحك تناجت ويا خسارة
نتيجة حبـــــي ابكـــــــي ندم وأتنــاسه
جـــــرح منك لقلبي وتســميها وناسه
لا تحســــب الأيام تمضــــــــي هدارة
الأيـــــــام تروح وترجـــــــــــع دواره
هذا أنا وانت بينا مسافة يـــــــــوم وليله
بس بشوفي مسافتنا ما تقطـــعها طياره
لا ترد تتســــــامح هذا وانت ويا حسافه
ظنك حبيبك في يوم انك حيــــــــــاته
تظـــــــن ان في بعد هاليوم نتــــــلاقى
أنا وانت يا الغالي باقين على هالــحاله
حبك هجــــــــرني وتقـــــــول لا أراده
ابق على ما انت ولا ترد طالب السماحة
ــــــــــــــــــــــــــــــــــــــــــــــــــ
لو بعدت..
لو بعدت دقايق قلبي لك ملــــــــهوف
كيف لو بعدت ايام اسير مجـــــــنون
ارحــــــم قلبي ولو دقايق يا ظـــــالم
ذبحني هواك ولياليك والظـــــــــنون
لا تقول انساني ولا ترانـــــــي اموت
كيف اخفي حبي ومفضوح في العيون
لو اقولك احبك يا الغالي يا الـــمزيون
صدقني ما تكفى حتى لوصف الجفون
كـــــمل جــمالك يــــــاروح القلــــوب
واتربع على عرش القلب يا الــمزيون
انا في شوقي ابقى الليالي سهـــــــران
افكر بيمر طيفك ويبعد عني الظــنون
ــــــــــــــــــــــــــــــــــــــــــــــــــ
كنت اظنك..
كنت اظــــــــــــــــنك مــــلاك
وما خلـــــــيت وصف لعيونك
وانك غير عـــــــن البشــــــــر
والدنـــيا ما تـــــسوى دونـــك
من وين بــــــــــديت ولا انتهيت
انــخدعت في مكــــــــــــــنونك
وانك الهـــــــجر في جسم انسان
والــــــحب ما هــــو من كــونك
لاتقـــول ... انت غلــــــــــــطان
وانها زلـــــــه وانا مجــــــــنونك
اكتفيت من اكــــــــاذيبك وعيوبك
لا عاد اتكلمني ماعدت محبوبك
ــــــــــــــــــــــــــــــــــــــــــــــــــ
كلمات من ورده.....
كلمات من ورده يمـــــــــــــــلاها
حب لك يا خلي ومحــــــــــتواها
يا زين من حــــــــــــــبك يا خلي
ويازين من ناظر عيونك وهواها
اسهر ليلي لاجــــــــــــل رضـاك
وعـــــــــيوني النـــــوم جـــــفاها
من تحبك تحســــــب ايامك ملكها
وانت يا نظر عيني ملاكـــــــــها
كلماتك يا زين مســــــــــك فواح
ملى بحر شــــــــــــوقي وسماها
عندي امل في يــــــــــــوم نلتقي
ونبتعد عن هالدنيا وشقــــــــــاها
ــــــــــــــــــــــــــــــــــــــــــــــــــــــــــ
لا ما فيني..
لا ما فيني اكمل معاك دربي
لا بدون لف...
لا تقول انت قدري ...
ما عاد لي حد غير نفسي ..
وعتمت الليل...
اقعد بدون شمعي...
اهاجر في دروب الحيارى....
واشرب الاه لوحدي...
ــــــــــــــــــــــــــــــــــــــــــــــــــــــ
اخاف..
اخاف اقول لك شــــــعوري
واندم عقبها على الي قــــــلته
لا جلك الندم عادي يا ظـــنوني
احــــبه يا ناس والله احــــــــبه
يزيد النبض في خــــــــــــفوفي
كل ما ذكر النــــــــــــاس اسمه
واتعلثم وتنقلب ايامي وشهوري
كل ما اشوف جماله وزين شكله
ــــــــــــــــــــــــــــــــــــــــــــــــــ
وصيه..
وصيت قلبي ما يهوى الا قلـــــبك
وصيت عيني ما تناظر الا عيونك
شقيت ايام ولــــيالي لا جل احبك
ولا طرفت لي حتى جــــــــفونك
تصدق تخاوينا انا وعـــــــــــتابك
واسهر ليلي تأنبني طــــــــــيوفك
قول لي منو غيري طبـــــــــــيبك
منو وقت الجرح يضمد جروحك
منو كان وقت الشقا حبـــــــــيبك
وما تفضي الا له بشــــــــعورك
وكلمتي الاخيره بتم احـــــــــبك
حتى لو زاد علي جــــــــــنونك
ــــــــــــــــــــــــــــــــــــــــــــــــــ
الذكرى...
تروح ذكرى وتبقى ذكــــرى
وتبقى انت دوم عالـــــــــبال
اذكرني يا الغالي ولو مـــره
ولو حتى عني بســـــــــؤال
لو ردو عليك بكـــــــــــــذبه
لا تروح معهم في جــــــدال
ترى يضيعونك واحلف بالله
ويقولون عني الي ما يــنقال
ـــــــــــــــــــــــــــــــــــــــــــــ
نصيحه..
لا تشوف البحر حبيبي وخل
عينك دوم للنهر قـــــــنوعه
اقبل بلي عنــــــــدك يا خلي
وانسى هالــــــكون واجموعه
وعلى الناس خل عينك قويه
وحبيبك اســــمع له وطوعه
إذا بغيت بين الـــناس تظهر
خاف السلم ولا تخاف طلوعه
ـــــــــــــــــــــــــــــــــــــــــــــــ
حنيت لك..
حنيت لك حن الاشجار لغــــــيثهن
والقلب ما يهون عليه فراقك ثـــواني
بقربك هذا القلب يطرب ويغــــــاني
وفي بعدك قلبي يعاف العيشه عشــاني
نويت الفراق بس قلبي عصــــــــاني
كيف الفرقه تكون دون خـــــــلاني
عندي امنيه بين الامــــــــــــــــاني
ارجع لي بسلامتك يا زمـــــــــــاني
" هذا اول شعر خطتها ايديني..^^ 
ــــــــــــــــــــــــــــــــــــــــــــــــــــــــــ
ان شاء الله تكون عجبتكم.. الصراحه تشجعت من المره الاولى فقررت انزل
ديواني^^ 
وبكمله بعدين ..^^ 
مع حبي 
بنت الزعيم العيناوي..^^
جميع الحقوق محفوظه..^^  |
الوضع الشجري
