وين الهليل يا شباب؟؟؟ - نادي الهلال السعودي - شبكة الزعيم

بخيت · #1 30/11/2004, 08:46 AM

صباحكم ورد يا شباب....
ما أبي أطول عليكم....
وين الهليل يا شباب....وش سالفة غيابه عن مباريات الزعيم..... عسى المانع خير...

طمنونا يا شباب ...تكفون

حبربش الهلال · #2 30/11/2004, 08:50 AM

أبد خير إن شاء الله بس هاذي سلمك الله قناعة مدرب إللي إقتنع بالمفرج وطارت الخانه على الهليل
وغياب الهليل في الأساس كان بسبب عملية الليزك (تصحيح النظر ) إللي سواها قبل العيد ونجحت أبشرك...

mams · #3 30/11/2004, 09:04 AM

الهليل لاعب ممتاز ، وكان من الاولى ان يعطى الفرصة للمشاركة في مباريات الاولمبي بديل لتفاريس ، فانقطاع اللاعب عن اجواء المباريات لفترة طويلة يخل في مستواه .
نعم تفاريس اثبت نفسة في الفريق الاول وليس الاولمبي والفرصة مطلوبة لتجهيز الاخرين يا باكيتا ..!!

ياسيدهم وينك · #4 30/11/2004, 09:08 AM

والله المفروض يلعب في الاولمبي هذا وقته

جـار القمـر · #5 30/11/2004, 09:10 AM

mams كلامك صحيح 100%

Waleed8415 · #6 30/11/2004, 09:53 AM

الله يجيب العواقب سليمه ومايطير هاللاعب مننا ونقعد نتحسر بعدين...ان شاء الله نشوفه قريب...

بخيت · #7 30/11/2004, 11:27 AM

يعطيكم العافيه يا شباب على التوضيح ...أهم حاجه انه مهوب مصاب ولا فيه خلاف بينه وبين الاداره....
ثانيا ...زي ما قلتو ..هذا وقت الهليل ...وش هو له يلعب تفاريس....تفاريس يخليه للفريق الاول .وهذا وقت الهليل وباقي أسيري دكة الاحتياط....حقيقه شيء يحير ....

يالله....هم أبخص....والله يكتب اللي فيه الخير للزعيم.

أحب الهلال وبس · #8 30/11/2004, 11:59 AM

الهليل يلعب بنفس خانة المرشدي واعطاء الفرصه للمرشدي أفضل ليقف المدرب على مستواه وليستفيد من تفاريس
بجانبه وتفاريس لاعب مميز ويخدم اللاعب الذي بجانبه

zezo 15 · #9 30/11/2004, 01:12 PM

شباب
الهليل ممتاز لكن عمره فوق 23 سنة يعني لازم يكون من الاربعة المختارين للمشاركة بالبطولة

ياليت يرجع ويفكنا من المفررررررج ياناس طفشنا منه يلعب مباراة عادية ولما يجي الاختبار الحقيقي امام الفرق الكبيرة ينكبنا

<<الأزرق المتوهج>> · #10 30/11/2004, 02:05 PM

زيزو 15 ... المفرج مو بس ينكب قدام الفرق الكبيرة ...لا ويخلي فضيحتك بجلاجل