منشطــات ورشـاو ي ومــؤامــرات!! وتــاريخ اســــــــــودللكـره الســـعوديــه!!! - نادي الهلال السعودي - شبكة الزعيم

فهد القرشي · #1 29/04/2001, 12:08 AM

هل فعلا تعيش الكره السعوديه الآن مرحله السقوط؟؟
مالذي يحدث بالضبط؟؟
والله ان كان ماقاله الاميرمحمد بن عبدالله الفيصل اليوم لأحدى الصحف ان هناك عضو في لجنه الحكام طلب من البقعاوي تغيير اقواله فهذه كارثه بما تحمله هذه الكلمه من معنى!!
هل يعقل ان يبيع هذا العضو ضميره وذلك لارضاء من يهوى ومن يحب!!
ان ما (دخل) على مجتمع الرياضه السعودي خلال الأشهر القليله الماضيه كفيل بكتابة تاريخ اسود للكره السعوديه!!
هل كنا نسمع بالمنشطات!!
هل كنا نسمع بالمؤامرات!!
هل كنا نسمع بالرشاوي!!
ما كتبه اخوي عاشق النمر وماقاله الامير محمد الفيصل ماهو الادليل ودليل قاطع على ان الكره السعوديه سقطـــت وانهارت!!
ستذهب كرامه وهيبه الكره السعوديه في ظل هذه المجاملات00
سنكتب وسنتذكر هذا السقوط المر للكره في بلادنا!
سنكتب وسنتذكر ان عام1421 هو عام اسود للكره في بلادنا!
اين ضاعت هيبة اقوى دوري عربي؟؟
اين ضاع الاتحاد السعودي القدوه؟
هل من المعقول ان نقارن بين وقف حكم لمده عام كامل وان تحل لجنه الحكام بسبب اعتراض رئيس النادي على ضربه جزاء وفي مباراه عاديه ووقف حكم آخر لمده 6شهور وفي مباراة مصيريه وحاسمه!!
هل تكون السته الاشهر هذه هي نهايه لمسلسل السقوط للكره السعوديه!!
فالاشهر السته تتوافق مع مناسبات عده ابرزها انتهاء مدة تكليف رئيس النصر!
هل بعد هذه المده تعودالصحوه الكره في بلادنا ونرسم مجد مشرق وجديد كما كان مجدنا السابق!!
هل نرد للكره السعوديه كرامتها!!
فنحن لانرضى بالفاظ وافعال دخيله ان تكون بيننا00
فالمؤامرات لااعتقد انها تمت للرياضه بصله00
وهذا الاسلوب لايتبعه الا ضعيفي الأنفس وصغيري العقول!
الرياضه ياهؤلاء تنافس شريف بيننا كأخوان!
@@ خاتمــــــــــــــــــه @@
اتمنى ان نرى نهايه لهذه المهازل وهذا السقوط فما يحدث الآن يحسب علينا جميعا00
فلا نشوه سمعتنا من اجل كوره!!
واذا ستمر الحال كماهو عليه فأجزم ان الكره في الصومال وفي جزر القمر ستتقدم علينا وبمراحل وفي القريب العاجل!!
ستصبح الكره لدينا محل شماتة للاخرين بدل ما كانت مضربا للأمثال في المثاليه وفي التنافس الشريف000
واخيرا اتمنى ان يتعدل الحال00
فلابكاء ينفع ولاندم يفيد000

[عدلت بواسطة فهد القرشي التاريخ:29-04-2001 الساعة: 12:18 AM]

ابوسليمان · #2 29/04/2001, 12:13 AM

ألأخ الغالي فهد القرشي / حياك الله يالغالي والحمد لله على كل حال000 يازمان العجايب وش بعد ماظهر000 الله يرحمك يا أبو نواف

حساس · #3 29/04/2001, 12:24 AM

أخوي فهد
تحية لك وللجميع
والله من العيب قدام العالم الثاني اللي يشاهد نادي الهـلال بعد هذي المباراة أن يشاهد مستى تحكيم بلاده وعلى أرضه تصير هذي المباريات لكن ما نقول الا حسبنا الله ونعـم الوكيل والا الهـلال رافع راس الوطن بمشاركاته وتحقيقه للالقاب اللي عد واغلط وتشريفه للمحافل الكروية وأسـلوب نقاش وتصاريح إدارته الخـلوقه أن يتعـامل بهذي الصورة من الكثير من الناس للإطاحة به وهل هناك نادي يقدر يحقق نصف ما يحققه الهلال ؟ أن أراهـن أي فريق مهـما كان من نوادينا أنه يقدر يحقق ما حققه زعيم المملكة العربية السعودية
وشكرا

عشقي الأزرق · #4 29/04/2001, 12:34 AM

حسبنا الله ونعم الوكيل ......

هذا اللي نقوله.... بس

9smsm9 · #5 29/04/2001, 12:34 AM

والله ماهي معقوله الكره السعوديه سوف تنتهي اذا استمر الشي هذا!!!!!!!

الغانم · #6 29/04/2001, 12:49 AM

اخوي فهد...

الكره السعوديهفي طريقها للصعود نحو الهاويه؟؟؟؟
والله يرحم ابو نواف....

النـــــــــــــــــاقد · #7 29/04/2001, 02:51 AM

حرام حرام حرام والله حرام نهدم اللي تعب عليه المرحوم باذن الله فيصل بن فهد00
والله حــــــــــــــــــــــــــــــــــــــــــــــــــــرام

المحبوب2002 · #8 29/04/2001, 03:04 AM

ياحبيبي كرتنا السعوديه قل عليها السلام ويكفي كلام لان لاحياة لمن تنادي
[عدلت بواسطة المحبوب2002 التاريخ:29-04-2001 الساعة: 03:16 AM]

عشق الكتابة · #9 29/04/2001, 03:06 AM

ان الكرة السعودية اذا استمرت على هالحال سنه بس فهي انتهت وسقطت
والله يرحم ابو نوأاااااااااااااااااااااااااااف

النـــــــــــــــــاقد · #10 29/04/2001, 04:48 AM

قسم بالله ماعمري انقهرت مثل ما انقهرت من المباراه هاذي0000
والله الظلم عينك عين000
والله قهر انهم يتأهلون للنهائي لانهم والله ماهم اهل له000
يالله لازم نكون محصنين ضد المفاجآت القادمه فما حصل قليل من كثير00
ورحم الله ابا نواف

فهد القرشي · #11 29/04/2001, 07:25 AM

لاحول ولاقوه الا بالله000
هذا ابسط ما نستطيع فعله000
ورحم الله فيصل بن فهد0000