مواقف الجامعة ,,,,, ومشاكلها ! - صفحة رقم 4 - نادي الهلال السعودي - شبكة الزعيم

عاشق الفيلسوف 15 · #46 05/11/2004, 08:02 PM

منهو الي طالع عليك ، عاشق الفيلسوف 15 ،،، او واحد زاحف .

الفيروسه الزرقاء · #47 05/11/2004, 08:11 PM

المفروض ياذكي تفهمها

إقتباس


	طيب استر علينا على طول ما صدقت تلقى غلطه .

واحد زاحف .. لانه ماسكت يوم زورت بيوزره .. زيي ماسكت يوم زورت بردي

وهو طالع علي

واحد زاحف · #48 05/11/2004, 08:45 PM

خخخخخخ

اجل توني اكتشف ان اغلاطك واجد

عاشق الفيلسوف 15 · #49 06/11/2004, 04:21 AM

الفيروسه الزرقاء :

إقتباس


	تــــــــزويــر .. هذا وأنت ولد قانون

إقتباس


	إقتباس: الأزرق العالي تعرف وأنا أختك الدكتور خالد الريس مدري الرويس !! يدرس قانون ومؤلف كتاب مبادى القانون !! ترى سمعته عندنا داونعاد عندكم كيف مدري

مشاء الله عليكي واضح انك سكتي

إقتباس


	المفروض ياذكي تفهمها

اصلا من قال أني ذكي لو اني ذكي كان متخرج من الزفت من سنة جدي

أحسن مافي جامعتنا السوايف

وضحك وفرفشه مع الشباب ************

إقتباس


	اما انت ياواحد زاحف

،، تصدق حبيتك من الله . بس الظاهر لي انك اسم على اسم

أسعد البشر · #50 06/11/2004, 08:39 AM

السلام عليكم

احنا يا القصيم نختلف عن مواقفكم يا اهل الرياض خاصه جامعة الامام ( سابقا )
اول ما دخلت الجامعه اذا طلعو الطلاب من الجامعه ما تخيل كله ( غبره ) نلبس كمامات ( لطمه )

مقسمه تقسيم عشوائي وتربه كلها غبار *غبار ومتشوف سيارك حتى يصفى الجو
وبعد ما جيت استلم اول مكافئه لقيتهم خاصمين منها

قالو بيصلحون المواقف
حبكة الا مكافئتي تخصمون منها >>>>>>>>> الظاهر ما صلح المواقف الا انا

وقعدو مده يخصمون ويصلحون وانا الضحيه

المهم يوم خلصو طلعت حمط ملط على قولتهم طويله بدون تقسيم >>>> مو زي جامعة الملك سعود
وصارت مثل ساحات التفحيط ولو تشوف السيارات من فوق والسيارات توهن طالعات تقول مهابيل الكل يخط على الثاني

وانواع الحوادث حتى فيه طلاب صدمو وماتو

وبعد كم شهر قسمو تقسيم بخطوط بس لا حياة لمن تنادي ماش الكل يقرب للمبنى >>>> اوقف دايكم بعيد اخاف اصدم

ما زالت ازمة الخطمات وارده عندنا
والله اعلم

القاضي · #51 06/11/2004, 03:18 PM

من أمتع المواضيع التي قرأتها مؤخراً. الشكر لجميع الاحبة ...

بداً الموضوع بتذمرٍ بريءٍ من مواقف الجامعة. و بقدرة قادرٍ أصبحتَ و كأنك عند مسجل الجامعة ، تحذف هذه المادة و تضيف تلك مما تسمع من نصائح و ارشادات.

هل تتخيلون معي "كايدهم " و "الازرق العالي " و "عاشق الفيلسوف 15" و كأننا بهم جلوساً في أحد مقاهي الجامعة (لا علم إن كان لديكم مثل البترول

) و بيد أحدهم حقيبته ملئى بالكتبِ و العرق يتصبب من جبينه ، و الآخر مرتدياً نظارته السوداء القاتمة و هو يرشف من كوب القهوة الساخن نادباً حظه أن أوقعه مع ذلك الدكتور. أما الثالثُ فيرمق ساعته من حينٍ لآخر و هو غارقٌ في التفكير ، متمتماً لنفسه .. " يا طول المسافة ... طولاه ... "

طبعاً لا أنسى أن أضيف أن هذا الموضوع دليلٌ إلى أننا بحاجة الى "تشات" في الزعيم

دمتم بخير ..

الفيروسه الزرقاء · #52 06/11/2004, 03:33 PM

أهلاً بالقاضي

إقتباس


	كأننا بهم جلوساً في أحد مقاهي الجامعة (لا علم إن كان لديكم مثل البترول )

مافيه مقاهي بالجامعة الملك سعود لا بنات ولا عيال .. ولكن اللي أعرفه في مقهى بكلية التربيه العلمية للبنات

إقتباس


	طبعاً لا أنسى أن أضيف أن هذا الموضوع دليلٌ إلى أننا بحاجة الى "تشات" في الزعيم

لا مانحتاج

.. وماأنقلب هالموضوع لشات "إلا للقافه " الموجوده فيني

وحب المحافظه على حقوقي

الفيروسه الزرقاء

انا احب الهلال · #53 06/11/2004, 04:47 PM

القااضي..تبي تعلمنا انك بالبترول((وجه فيه الضحك بس مستحي)

الأزرق العالي · #54 06/11/2004, 07:34 PM

الفيروسه الزرقاء :

إقتباس


	الأزرق العالي تعرف وأنا أختك الدكتور خالد الريس مدري الرويس !! يدرس قانون ومؤلف كتاب مبادى القانون !! ترى سمعته عندنا داون مدري عاد عندكم كيف !!

و الله ما درست عنده .. لكن سمعته عندنا زي ............. !!

و على فكرة اسمه ( خالد الرويس ) و الثاني ( رزق مقبول الريس ) !!

&&&

عاشق الفيلسوف :

إقتباس


	الأزرق العالي : سبحان الله الدنيا صغيره طلعنا زملاء وترى الرقم الجامعي ؟؟؟؟42100 ولا ندري يالازرق العالي اجل خوينا بالقسم ولا ندري ياللللللللللله

سبحان الله !!!!!!

إقتباس


	وبالنسبه للمواد ابشر : سجل عندك احكام الالتزام حمل مرتين : مفلح القحطاني القانون الدولي ((2)) ابو زيد الموايث : حميدان الحميدان . العقود الداريه الضويان نظام العمل والعمال : السياري .

كل المواد اللي بـ( الأحمر ) أدرسها معاك الحين !!!!

يا ترى .. مين انت ؟!!!

إقتباس


	وبالنسبه للغديان تقول انه حضر بالصيف كل المحاضرات الظاهر كنت معي بالمحاضره ولا دريت . بمادة العقود التجاريه وعمليات لبنوك ...

نعم .. كنت معاك .. لكني حذفت الترم !!!!!

بــــالـــتـــوفــــيــــق يـــا زمـيـلـي اللي ما أعرفه !!

عاشق الفيلسوف 15 · #55 07/11/2004, 07:20 AM

ههههههههههههه

الله يسلم مواقف الجامعه الي عرفتني بواحد مثل الاخ الازرق العالي .

إقتباس


	كل المواد اللي بـ( الأحمر ) أدرسها معاك الحين !!!! يا ترى .. مين انت ؟!!!

انا عاشق الفيلسوف 15

وعند ابو زيد وشلته من الدكاتره . فهد ؟؟؟؟؟؟؟ والباقي عليك

والحين جاء دوري من أنت وكم رقمك الجامعي .

والحين جاء دور الرسائل الخاصه .

القاضي :

إقتباس


	هل تتخيلون معي "كايدهم " و "الازرق العالي " و "عاشق الفيلسوف 15" و كأننا بهم جلوساً في أحد مقاهي الجامعة (لا علم إن كان لديكم مثل البترول )

يا رجال حنا ما عندنا الاهنود ينافخون علينا ودك تتفل بوجهه0

بس عندنا غرفة نوم متعوب عليها بالدور الارضي (( لزوم الراحه ))

blueblood_999 · #56 07/11/2004, 10:02 AM

إقتباس

الرسالة الأصلية كتبت بواسطة برايه زرقاء


	طيب اذا فضيت يوم ودك تشوف مواقف تعال شف مواقف كليه العلوم الطبيه بعليشه :sad: الشارع عرضه عشر امتار ورايح وجاي وتخيل بينهم صبات وزحمه طلاب وطالبات والسووايق الي يبون يختصرون على شان جامعة البنات بعليشه يجي يمرون من مواقفنا يعني يا ان سيارتك فوق الصبه او داخله بأحد هالمزارع الي عند مواقفنا انا ودي بس اشوف مواقفنا اذا جاء مطر قوي وش بيصير والحال من بعضه وانا اخوك .. ومشكور على انك خليتني اطلع مافي قلبي والسلام ختام